2 Pitere 3:7 - Verikariano Vou Na Baki

⁷ A kanano iliano nene naio jo mim̃au vonganei kiana, naio jo bokar vatitig vio tiniabene a borotano na yetemeriba, ka atu rivan riva vokar bogo na sebi na toru ea legiano na tibureiano mia naio rimei ka sisen bulag meuliano na tomu nalo na m̃a maka asidom Atua ea kanalo meuliano. Nina naruei be moroano na Atua kanano iliano, mia tomu nalo nei maka asidom ajikia.

2 Pitere 3:7 ပူးပေါင်းရင်းမြစ်များ

Mataiu 10:15

Riano kiniou neber batitig ban kamiu, mia sikili lie vo van nalo na ea bogo na tibureiano, tovulu bogo napano Atua naio jiibure kulo Sotomo bija kulo Komora nalo nanua beamu.”

Mataiu 11:22

Kiniou neber ka kamiu memedu, ea bogo na tibureiano, mia kenemiu vironiano tovulu nana ve kialo.

Mataiu 11:24

Tenene na kiniou neber ka kamiu, ka bogo na tibureiano, mia Atua tinien riialo tovulu kamiu.”

Mataiu 12:36

“Mia kiniou nejidom kamiu kuvijikia ka ea bogo na tibureiano, mia tomu nalo nonovio monokanio ala kialo veriiano ea kialo ilivovaiano nonovio veve terakurano napano ajum̃a aberenio ea kialo meuliano nalo,

Mataiu 24:35

Mia tiniabene a yetemeriba ave juo bunu ava kovio, mia kanaku m̃ariliano nalo maka ajikia ava kovio bogo tai leleio.

Mataiu 25:41

“Mia iorou kanio, mia naio ril bunu van nalo na ea jum̃ano mal, mia naio river kalo, riverinavo ‘Kamiu kuvuro den kiniou, Atua miobap̃e ka kamiu ruei. Kamiu kuvan ea sebi na maka rijikia rim̃aro bogo tai, napano naio jororea kia Setano ruei naliko kanano nailiano nalo ka avan eaio.

Yesu Kristo Kiano Ioluano Vou Napano MAK Bivitauiaio 6:11

Ana ver ea m̃arkomeli tai, tomu tai maka asidom avuru kamiu kuvan ea kunualo nalo, p̃elina maka asidom aiagago ka kamiu, mia kuvituvan ga kialo vio na to, mia bogo na kamiu kuvitaluvo den vio na, kamiu monoka kuvijubakon yevi na vio na den jaamiu nalo, jibe ka kijokijo tai p̃elina kenemiu iliano tai na kirisikili banlo, ka mia nalo avokar vironiano tai na memedu ga ka kialo bajago na bova nene.”

Romo 2:5

Ana jau, maka kosidom koviligso leleio, jau pariparimo jikili ga bano, ana jibe na kojo komila ka kojo komivon kakar kiamo vironiano nalo banbano bokar bogo napano mia Atua kiano tiniemimiano tibure memedu tomu nalo.

1 Korin 3:13

Mia iorou, sebi na legiano maaro rila von sisen veve kialo im̃auano nalo, rila im̃auano napano nalo amim̃aukaio, rimaluvo ea vio medave.

Vilip 1:28

Mia kamiu kumerou re, tiniemiu ribobogia venia na vede mia uolu nalo ala van kamiu. Ver nojog ka na kamiu kumitu kumila jibe na, mia rivu mia rivu, bior ka mia naio be kijokijo na Atua rivan uolu nalo ka riuedomlo, a ve kijokijo na Atua rivan kamiu ka mia naio rilarur kamiu.

2Tesa 2:3

kuvijamo kalo re ala sibilili kamiu tibe na. Venia na nalo aju aber, maka jikia tibe na leleio, bior burum̃ara naili-dieiano van Atua monoka rimei mave beamu vo. Mia iorou kanio toro va na rivakovio nei, napano abio ka Uolu na Tuboiano, naio bunu monoka riyotuba medave.

1 Timoti 6:9

Mia nalo napano ajidom m̃elea vite nalo, ajidom ka ave sanibaiano, vede nalo maka avitilubario, mia ajua vio na juboluboiano ruei, Sim̃aro naio jo bokarlo ea kiano jukujukuano nalo ruei. Mia sidomsearoiani nalo napano amila lelan toro kiano meuliano amei ve telabo ealo, rivanvano adulo avan rivova laka, mia alaluv vite nonovio, a ava amadudu ea vio na vakovioiano.

Abe Kulo Ju 12:29

Bior kanado Atua naio be sebi napano jum̃ano nalo amijikia asisen nonovio vite nalo rivano-o riviniu kokoio.

2 Pitere 2:9

Naruei ver kito rosidomii vatitig ka nalo na, mia releal Atua kiano bajago tai, napano jibe nei. Naio mijikia batitig jum̃abe ka rivuku bulag kiano tomu nalo na bo ataluvo den lavoniano nalo, a naio mijikia rivokar sikili tomu na bova ka avar kanalo vironiano nalo. Mia naio rila avar ve tertelisu vonganei beamu vo, mia ea legiano na tibureiano mia avokar nonovio nana ju nene.

2 Pitere 3:10

Be riano, bogo tai mia burum̃ara legiano na Tubo kiano riyotuba ea yetemeriba. Mia rimei tavukia toro na bina, napano yetemeriba maka rijikia ka naio jo binimei, mia riilo ka ga napano binimei bokar vio ruei. Ea bogo na, ea vio yauo nalo na tiniabene asaraburuburu tavukia tubaalo, ana avakovio nonovio, a mia sebi sisen vite nonovio rivan riva vokar napano yetemeriba vija vite nonovio napano ajua naio, abisi.

2 Pitere 3:12

Kamiu monoka kuvisaaro ka legiano na rimei, a ver kamiu kuvu, a kuvitu kuvim̃au sikili, mia kuvijikia kuvila riyotuba sop̃eli. Bogo napano naio rimei, mia sebi rivilvili ea vio mave, sisen kokoa nonovio, mia naio sisen vite nonovio na yetemeriba riiou bulagio.

1 Jone 4:17

Atua naio jidom rila bajago na tinietiiano to rimei ve toru lie tulaka ea kanado meuliano, ka rila ka kiado bajago na yetemeriba nei na tavukia Kristo kanano na nanua na. Naruei ver kanado bajago naio rimei rivu tibe na, mia naio rivu laka rivan kito, bior ka mia kito romerou re a roimou re ka legiano na tibureiano na naio jo binimei.

M̃esi Napano JUT Bivitauiaio 1:7

Mia tolu nene, naio be kulo Sotomo, bija kulo Komora, bija tomu nalo na komeli dolu nalo na vaataro kalo. Nalo bunu ajavukia nailiano nalo na, kanalo jidomiano nalo bavavin laka. Nalo maka atakii bajago na memedu na m̃a Atua naio midu joa kito, mia ajum̃a amila napano sum̃ano nalo ga aju abur sum̃ano bereio, ana sidomiano kiriniagiago nalo na jibe nei naio bavavin toru ealo bogo nonovio. Mia monoka rosidomii vatitig rivu ka venia napano naio miyotuba ka nalo. Burum̃ara sebi na jijenlo, naruei aju abokar vironiano vo ea sebi dolu napano maka rijikia rivatove bogo tai.

Navisip̃eiano 17:11

“Buruolu nei bunu napano beamu naio jo mia vonganei naio maka bunu to, beamu naio bunu be parinio tubo aluo nei tai. Naio be nalo tai ruei, mia naio rimei bereio tibe parinio tubo arolu nene. Naio be toro na toru jibe na, mia bekurano, bior mia iorou naio bunu mia ribisi, naio riva rivar kanano vironiano na jikili.

Navisip̃eiano 17:8

“Buruolu na komialio, naio jo beamu, mia maka bunu to vonganei. Ana ka bogo tai napano jo binimei, mia naio riyotuba rimei mave bereio den bulukup̃ili napano joaio vonganei, mia rivan ka rim̃aro ea kanano vironiano. Ana ea bogo na, tomu nalo na yetemeriba napano aju keano vo, mia aial buruolu nene. Nina be nalo napano jikar ea tikariano na yetemeriba, sialo maka to joomo ea niosi na meuliano. Mia bogo na aial naio, mia aiilo ve toru, bior amijikia ka naio jo beamu nua, karina maka bunu to bogo kirisiou laka, karina, naio miyotuba bereio.

Navisip̃eiano 20:11

Naruei nemial burum̃ara vio tai natibureano na tomu nalo, napano miuvu mia miuvu, naliko burum̃ara tubo na tibure tomu nalo naio jom̃a jotano eaio. Kanano mermerano mison vatitig vio reraio, mila na yetemeriba a vio yauo ave juo aburo aba kovio.

Navisip̃eiano 21:1

Ana iorou ka naina, nemial vio mave vou bija yetemeriba vou amiyotuba, bior vio mave moruo bija yetemeriba moruo bija sano borotano a tei nene nalo, aba kovio nonovio ruei.