2 Korin 9:14 - Verikariano Vou Na Baki

¹⁴ Mia nalo aial napano Atua kiano tiniememiano bujo lou laka ea kenemiu iviso jibe na, naruei mia tiniel maio ka kamiu bano-o, mia tiniel miia kamiu, mia aju abolkouo ka kamiu julaka.

2 Korin 9:14 ပူးပေါင်းရင်းမြစ်များ

Luka 16:9

“Neberenio batitig ban kamiu, neberinavo, Puruveru naio be tena yetemeriba nei ga, mia verenio mijikia riijaiso ka kove bilbilu rivu vija Atua, bo ka koim̃au kanio. Ver jau koim̃au rivu vija puruveru ea m̃arabo na memedu nene, mia iorou kanio ana Atua naio risaaro ka mia rivurso kavan ea vio na maka puruveru toaio, naina naruei be kanamo vonuo na mave.

Romo 1:11

Nojidom laka ka neviedu neial kamiu, ka verenio nemijikia nejev ijaiano tealo na moroano na Niununo Lu juvan ban kamiu ka rila kuvisikili lie vo, mia naio rivu laka.

2 Korin 1:11

A kamiu monoka kuvija kumemi napano kuvisidomii kumemi bogo nonovio ea kenemiu volkouano nalo. Tibe na, bogo napano mia Atua rijog volkouano miroano nei, ana mia rilivu ka kumemi vatitig, rilarur kumemi den bogokouo nalo nei bereio, a mia kamiu ve miroano kuver siva laka vanio bior venia napano mia naio rila van kumemi.

2 Korin 8:1

Bilbilu nalo na Korin, kumemi numisidom kamiu kuvijog ioluano na vite novo tai napano jo malmaluvo ea yimo lu nalo na burum̃ara tanobuku na Masetonia, napano Atua jo mim̃au ea kiano tiniememiano.

2 Korin 9:13

Mia aiaia Atua tibe na bior napano mia aialio ka kamiu maka kuvitu kuvioliolu ka Kristo kanano Ioluano Vou ga, mia kumitu kumijogkar bunu ka venia napano naio beriio, a mia aial ka jidomiano napano kumijianio bano toru laka, napano mia mijikia rijai nalo ve toru a rijai nalo dolu bunu. Naruei bogo napano amialio vite juo nei, mia abitilubar von bunu ka kenemiu im̃auano jo berialio ka kenemiu viekouoiano kirisikili vatitig ga a be riano jo.

2 Korin 9:15

Bo ka aver siva ka kamiu bior kenemiu jidomiano novo na jibe na, mia bo bunu ka kito nonovio rover siva laka van Atua tulaka bior jidomiano novnovo napano naio jianio ban kito, napano kenerinio nei, Yesu Kristo.

Vilip 1:8

Naina be riano na, mia Atua naio mijikia bunu ka nejidom toru ka neial miremiu nalo bereio. Aue, kiniou tinieku jii kamiu na toru ea tinietiiano nonovio na Yesu Kristo kanano.

Vilip 2:26

Mia vite takurano ga mieiano nei bokar naio milalelan naio batitigio, mila jidom toru ka riviedu vonuo ea kamiu bereio. Mia bogo na naio mijog ka lilian na kiano mieiano nei bokar burutiliniemiu ruei, mila na mijog bova kija, tiniene ka jidom rial kamiu.

Vilip 4:1

Ver tibe na, kuruaku nalo a kuvivinieku nalo, bo ka kamiu kuvitumolu kuvitu sikili tibe na ea kanado Tubo. Neber jibe na bior ka tinieku jii kamiu, nojidom kamiu toru, kamiu kumila kiniou najaaro laka, nabarvar toru ka kamiu, tenene na nojidom ka mia rivu van kamiu tulaka.

1 Timoti 1:14

Jibe na, nemial ka napano kiado Atua naio mije kanano tiniememiano novo ban kiniou burutomoruo laka, mison kanaku meuliano ka viekouoiano a tinietiiano napano be kiado robiniu napano robe takurano bija Yesu Kristo.