2 Korin 8:9 - Verikariano Vou Na Baki

⁹ A bo ka rosidomii bogo nonovio Yesu Kristo kiado Tubo kanano burum̃ara tiniememiano, napano beamu, naio jibe ka be kiano vite nonovio, ana tinien maio ka kito ea yetemeriba, naio binimei jibe napano maka ve kiano titai, ka rila romijikia romei tibe napano be kiado vite nonovio.

2 Korin 8:9 ပူးပေါင်းရင်းမြစ်များ

Mataiu 17:27

Mia bo ka kito juo rala bulag re tomu nalo na ajum̃a abarbijii takis, mia kito juo bunu rovuluio bo ka ga. Mo, jau kavatove ea ueiyabo, ana kosuvan tap̃ig, mia niado nana mia kovuruio tukamu, mia keial puruveru tai ea niono, na bare ka kiado takis kito juo, mia kodu kava kovulu kanio.”

Mataiu 20:28

Kulorinio Kenerinio naio mila jibe naruei, ka naio maka rimei ka mia tomu nalo ala im̃auano na ka mia aija naio, mia naio binimei ka rila im̃auano na ka mia naio rijailo, a kanio rijamo ka kiano meuliano ka rivulu bulag tomu nalo ve telabo.”

Mataiu 8:20

Ana na Yesu naio berdop̃e banio, berinavo “Kuli deden nalo abe m̃alo p̃ili na amon eaio, a menu nalo abe m̃alo niuku. Mia kiniou, Kulorinio Kenerinio, kiniou maka ve kiaku vio tai, ka nava nomonmel eaio. Mia verenio jau kajaaro ka meuliano na jibe nei mia jau komijikia komei.”

Yesu Kristo Kiano Ioluano Vou Napano MAK Bivitauiaio 6:3

Kito romijikia kema na naruei. Naio be toro na mim̃auka yimo nalo ga na, tira na Mere kenerinio na. Mia nalo nei Yemesi, a Joses, a Jutas, a Saimon, nalo na abe kuruano nalo. A kuviviniene nalo, nalo nei napano aju kitoliko ga.” Naruei nalo tiniel jer naio, maka asidom naio.

Luka 16:11

Ver kamiu kuvar vatitig re kamiu ka im̃auano nalo na puruveru na yetemeriba nei, mia kei bereio rivar Atua kanano tonovo nalo tua jumemiu ka ve kenemiu?

Luka 2:7

Ana na Mere midu kenerinio motoru, naio be sum̃ano, a naio bivikakari batitigio ka niakulm̃arauo, mia maka kanano vio nabo tai, bior abe juo amilavon ka ava atua yimo na valauo, mia naio bujo ruei, naruei Mere mila kenerinio mon joomo ea vio na abagan temeul nalo eaio.

Luka 8:3

bija Joana, napano naio be toro nei Kusa koano, nanua naio be toro na toru tai na im̃auano na Parinio tubo Erot kiano, a bija Susano bunu. Mia nalo miroano lie vo bereio, napano nalo amiija Yesu nalo toru, mia nalo ajum̃a abitikarlo ka ijaiano nalo nam̃a tomu nalo aju ajian banlo.

Luka 9:58

Ana Yesu berdop̃e banio, berinavo “Kuli deden nalo abe m̃alo bulukup̃ili na amon eaio, a menu nalo abe m̃alo niuku nalo. Mia kiniou Kulorinio Kenerinio napano nebinimei tiniabene, maka ve kiaku vio tai, ka mia nava nomon eaio. Ver jau kajaaro bunu ka meuliano na jibe na, jau komijikia komei.”

Jone 1:10

Toro na yulu, naio naruei napano jii yetemeriba nei, mia bogo na binimei eaio, ana tomu nalo na yetemeriba nei maka avitilubario.

Jone 1:14

Tibe na, Parinio Bajago na Atua kiano naio binimei be toro riano, naio binimei jo iviso ka kito, naruei kito romial kanano meuliano na bo nene, naio bujo laka ea bajago na tiniememiano a bajago na ilirianiano. Naio be novo na bo laka be motoru na Karam̃ado kenerinio, naruei kumemi numial kanano burum̃ara mermerano nene, napano be kanano, naio ga takurano.

Jone 1:17

Beamu, Atua bitirilar tormoruo Mosis, ka naio du ga kanano tuboiano binimei ban kanano tomu nalo, mia Yesu Kristo, Atua bitirilar naio ka naio naruei bar bajago na tiniememiano a iliano na ilirianiano binimei ea yetemeriba nei.

Jone 12:30

Naruei Yesu berial kalo, naio berinavo “Niono nei napano kito romijogio vonganei, naio maka rimei ka kiniou nejogio, mia naio binimei ka kamiu, ka kamiu kuvijikia ka kiniou nebinimei be.

Jone 17:19

Nomioko kiaku meuliano vanso riviorlo, ka mia nalo bunu aioko kialo meuliano rivanso rive riano.”

Romo 11:12

Ana nina berenio ka kulo Ju kialo bajago, napano maka amonea Yesu, naina mila m̃arabo na Atua kiano viekokoano a kiano ioruriano mijikia rimei rivokar tomu nalo na maka ave Ju. A ver Ju nalo bunu amonea, nalo amonea vanvan rivokar napano Atua berenio, mia mijikia rila napano kiano ilivuiano nalo amei ve toru lie.

Romo 15:3

Ver kito rosidomii Kristo, naio joa yetemeriba maka rila venia napano naio jidom ka rilaio, mia naio biniua bogokouo telabo, amila ka naio jibe napano iliano tai ea Niosi na Iouano nalo berenio, napano toro tai mil ban Atua, berinavo Iliano va nalo napano abuku banso, abuku bunu bare ea kiniou. Iouano 69:9

Romo 5:8

Atua kiano tinietiiano toru laka jibe na naruei, kar bogo napano kito tomu na kariano nalo roju parido jikili kia ga, Kristo binimei m̃aro kar kito.

Romo 8:32

Kito romial ka Atua tinien jii laka ka kito banbano-o mijamo ka auebin kenerinio memedu kar kito, ana ver jaaro ka rila burum̃ara tonovo nei ban kito jibe nei, mia jaaro bunu ka sian tenalo dolu novnovo nalo rivan kito.

1 Korin 1:4

Nemial jibe ka bogo na kube Kristo Yesu kiano tomu nalo, Atua kiano tiniememiano jo mim̃au toru ea kenemiu meuliano, ana bogo nonovio nojo neber siva laka kanio.

1 Korin 15:47

Toro na beamu nei Atam, Atua mijilar naio ea borotano na yetemeriba nei, mia toro juo nene nei Kristo, Atua miilalar naio ea vio mave binimei.

2 Korin 13:14

Naruei kiaku volkouano ka mia kiado Tubo Yesu Kristo kiano tiniememiano, bija Atua kiano tinietiiano, bija voroniano na Niununo Lu, atu vija kamiu nonovio. Kiniou, Pol.

2 Korin 6:10

Be iakurano napano jogvaiano nalo abujo laka, mia kenememi iviso jaaro julaka ga. Be iakurano napano bogo nonovio jumememi beteauo, mia numitu numila tomu dolu nalo abar vite miroano. A be iakurano napano maka ve kenememi titai, mia nubitii ka vite nonovio be kenememi ga.

Eveso 2:7

Atua naio mila jibe na bior bogoti nalo napano ju ka rimei, mia tomu nalo amijikia avitilubar kiano tiniememiano nei naio toru laka, naio jidom kito jibe na miyotuba ea Kristo Yesu.

Eveso 3:19

Riano ga na, kiano tinietiiano nene naio toru, mia maka garuei, kito maka rejikia rover romijikia batitig naio ruei. Mia bekurano, kiniou nobolkouo ga ka mia kamiu kumijikia kuvial kiano jidomiano nene ea kenemiu meuliano nalo, rivano-o mia Atua kiano bajago novo nalo, a kiano meuliano novo, avujolou batitig ea kamiu.

Eveso 3:8

Kiniou kiritavaso loa namoneano lu dolu nalo, mia najaaro toru laka napano ea tiniamemiano napano Atua kiano, naio mije monea jum̃aku ka kiniou noioliolu ka Ioluano Vou nei van nalo napano maka ave kulo Ju. Jibe na naruei, na kiniou neber lualua banlo vite novo nalo napano be Kristo kiano, napano mia maka ajikia avulukuio,

Kolosia 1:24

Vonganei kiniou nojo nomijog jaleleano ea mokotenaku bior kamiu, mia najaaro ga kanio. Nina jibe ka napano nojo nomim̃au nonovio kanio ea jogvaiano na mokotenaku nalo, napano Kristo ber lua ka mia navario, jibe ka ga napano naio bario ruei, ka najai taara na namoneano nalo ka atu sikili.

1 Timoti 6:18

Nalo napano jum̃alo bujo ka veru, kialo meuliano naio monoka rivujo vatitigio ka im̃auano novo na aju amila bijaio. Maka asidomii ve toru ka monoka avokar vatitig veru nei na be kialo ga, mia bo ka asaaro ka avio ka van toro dolu napano kiano maka vare.

Abe Kulo Ju 1:2

Mia voniganei, ea legiano na maaro nalo na kito rojua nei, naio mil ban kito jel ea kenerinio memedu Yesu. Kenerinio nene naruei napano beamu, ea tiiano na yetemeriba nei, Atua mim̃au eaio, ana na nalojuo ajii bogo nalo a vio nonovio, avona iorou kanio ana na Atua naio bitirilar kenerinio nei, naio mije vite nonovio monea jum̃ano be parinio kalo.

Yemesi 2:5

Kuruaku nalo, kuviagago ka kiniou. Tomu nalo na yetemeriba nei napano abe talim̃asa, mia Atua naio buru bulagio abe kanano, ka rila nalo ave kialo saba novo nalo ea tivelinio na kialo moneano. Ana Atua mila jibe na bunu ka nalo amijikia ava jouro ea kialo jajum̃alo napano Atua kiano tuboiano berkar ruei ban nalo napano tiniel jii naio.

Navisip̃eiano 2:9

“ ‘Naio berial ban kamiu jibe nei, berinavo “Kiniou nemijikia vatitig bogokouo nalo napano m̃a kumitum̃a kubiniua, a nemijikia ka jumemiu nalo abeteau. Mia nojidom ka monoka kuvijikia ka maka kuve talim̃asa, mia kube na sanibaiano laka! Riano ga, nemijikia ka nalo nei napano ajum̃a aber abe kulo Ju, nalo ajum̃a abuku iliano nalo na bova miroano laka ban kamiu, mia maka kuvisidomialio, nemial nalo maka atibe ka Ju nalo leleio, makanio, nalo ajakisor Sim̃aro memedu.

Navisip̃eiano 21:7

Toro na m̃a biniua bogokouo ea kiano meuliano, naio tu sikili riva tovulu na vovaiano, mia naio rivokar ilivuiano nalo tibe ka kiano jajum̃ano. Mia kiniou noto neve kiano Atua riano, mia nodu naio rimei ve keneriku.

Navisip̃eiano 3:18

“ ‘ “Mo kiniou neber ka kamiu, ka bo ka kumei bereio ea kiniou, kumei kuvar niogo nei napano sebi jijenkon niamiamo nene ruei, ka kumijikia kuvakar vite novo tai ea jumemiu. Bo ka kumei kuvar kulum̃arauo na miuvu bo, ka kuvisalvoko kamiu, ka mia kuvimou re bunu, a bo kumei kuvar vam̃esi na kuvia ea miremiu, a na mia kumijikia kuvial vite bereio.