2 Korin 6:10 - Verikariano Vou Na Baki

¹⁰ Be iakurano napano jogvaiano nalo abujo laka, mia kenememi iviso jaaro julaka ga. Be iakurano napano bogo nonovio jumememi beteauo, mia numitu numila tomu dolu nalo abar vite miroano. A be iakurano napano maka ve kenememi titai, mia nubitii ka vite nonovio be kenememi ga.

2 Korin 6:10 ပူးပေါင်းရင်းမြစ်များ

Jone 16:22

“Naruei mia kamiu kuvitibe na ga. Vonganei mia tiniemiu nalo avujo lou ka burum̃ara jogvaiano, mia iorou kanio ana mia namalmaluvo ka kamiu bereio, ka na mia kamiu kumijikia kuvisaaro bereio ea burum̃ara saariano tai napano mia ve re toro tai naio rijikia rudular den kamiu bogo tai.

2 Korin 8:9

A bo ka rosidomii bogo nonovio Yesu Kristo kiado Tubo kanano burum̃ara tiniememiano, napano beamu, naio jibe ka be kiano vite nonovio, ana tinien maio ka kito ea yetemeriba, naio binimei jibe napano maka ve kiano titai, ka rila romijikia romei tibe napano be kiado vite nonovio.

Navisip̃eiano 2:9

“ ‘Naio berial ban kamiu jibe nei, berinavo “Kiniou nemijikia vatitig bogokouo nalo napano m̃a kumitum̃a kubiniua, a nemijikia ka jumemiu nalo abeteau. Mia nojidom ka monoka kuvijikia ka maka kuve talim̃asa, mia kube na sanibaiano laka! Riano ga, nemijikia ka nalo nei napano ajum̃a aber abe kulo Ju, nalo ajum̃a abuku iliano nalo na bova miroano laka ban kamiu, mia maka kuvisidomialio, nemial nalo maka atibe ka Ju nalo leleio, makanio, nalo ajakisor Sim̃aro memedu.

Yemesi 2:5

Kuruaku nalo, kuviagago ka kiniou. Tomu nalo na yetemeriba nei napano abe talim̃asa, mia Atua naio buru bulagio abe kanano, ka rila nalo ave kialo saba novo nalo ea tivelinio na kialo moneano. Ana Atua mila jibe na bunu ka nalo amijikia ava jouro ea kialo jajum̃alo napano Atua kiano tuboiano berkar ruei ban nalo napano tiniel jii naio.

Abe Kulo Ju 10:34

Kito tealo, abukulo aban ea yimo na lakoiano, ana tiniedo miialo toru laka, roju raba romilavon ka rejailo ka ravar bulag kanalo burum̃ara jogvaiano napano aju abiniua ea vio nene. Ana bogo tealo bereio, nalo na m̃a ajerm̃i ka kito abinimei kar kiado saba nalo, ka avar bulavulag lelan kito, be burum̃ara laluvuiano ea kito laka. Ana ka bogo na, mia tiniedo serlo re, rajamo ka ga, bior be saariano tai napano joa kito, ka vite nalo na abar bulagio abe tena yetemeriba nei ga, mia kanado tonovnovo nalo napano abo laka aju, napano maka ajikia avakovio bogo tai, mia ave kiado bo kanio.

1 Timoti 4:8

Tomu nalo tinielo jii ka alakakar niabelo asikil, mia nina naio bo ka tivelinio tealo, mia bogo napano jau kojo komilakakarso kosikili rivu ea meuliano lu, naio mia rila rivu lie vo ea tivelinio nonovio. Ea tivelinio na meuliano na banei, meuliano lu naio mijikia rijaiso, a ea tivelinio na meuliano vou napano naio jo binimei iorou, mia meuliano lu naio rila kiamo m̃arabo ka kojikia kava jouro eaio.

Vilip 4:4

Naruei kanaku iliano tai van kam nonovio bereio, neberinavo kamiu kuvisaaro ea Tubo, kuvisaaro ea naio tulaka.

1Tesa 1:6

a iorou, kamiu kuvijevio, kumei tibe ka kenememi natakisoriano nalo, a maka ve tena ga kenememi, mia kumei kuve Tubo kiano natakisoriano nalo. Bekurano ka ver nalo dolu amila burum̃ara jaleleano ban kamiu a ajian bogokouo laka ban kamiu ka bogo nei, a mia kumila borvorua ka ioluano, naruei Niununo Lu midu kiano burum̃ara saariano joa kamiu.

Kolosia 3:16

Mia bogo nonovio Kristo kanano iliano novo nalo monoka ameul ea kenemiu iviso nalo, bior kiano iliano nalo abo tanea. Kamiu monoka kuvitu kuverloglog kamiu ka naio, mia kamiu ga kuvitu kuvuriri kamiu bereio ea kenemiu m̃asosouano novo nalo. Bo ka kuvitu kuviou van Atua ea Iouano nalo, a iouano lu nalo, a iou nalo na vameneano ban Atua, ka napano ea bogo na kumitum̃a kumiou jibe na, mia kenemiu iviso nalo avujo lou ka sivaiano vanio.

Vilip 2:17

Vede mia naio rivano-o rivokar na mia kanaku burukija monoka riiou rivior kamiu, mia ver tibe na, nemialio bo-o ga. Neber jibe na bior ka nemial jibe ka na m̃a kamiu kubarkar tiniemiu ea Yesu, kumila kamiu jibe ka jokoluolu tai ban naio ruei, mia bo ka mia kiniou bunu nasaaro ka najamo ka kiaku meuliano rivior Tubo kanano im̃auano.

Romo 11:12

Ana nina berenio ka kulo Ju kialo bajago, napano maka amonea Yesu, naina mila m̃arabo na Atua kiano viekokoano a kiano ioruriano mijikia rimei rivokar tomu nalo na maka ave Ju. A ver Ju nalo bunu amonea, nalo amonea vanvan rivokar napano Atua berenio, mia mijikia rila napano kiano ilivuiano nalo amei ve toru lie.

1 Pitere 4:13

Mia venia ka ala, kuvisaaro ga ka napano kuvijikia kuvitu burukuti vija Kristo ea jogvaiano nalo na kanano. Ver tibe na, mia iorou kanio ve burum̃ara kenemiu saariano, napano kuvijikia kuvitu burukuti vija naio bereio ea bogo napano naio rimaluvo vija kanano mermerano.

2 Korin 4:7

Jikiaiano nalo na miamoiano na Atua kiano mermerano joa kito jibe na, be vite novo tai napano be lu laka. Ea kumemi napano numila Tubo kiano im̃auano, numial jibe kumemi nube vite kurano tai ga, a maka nuvare ka kiano tolu novo nalo nei ajua kumemi, mia Atua naio bo, jo misonio ea kenememi meuliano julaka. A nina mila ka ver bogo tai nuvim̃auka vite tealo na bo, ana mia nuvitilubar ga ka moroano ve toru ka nuvim̃auka vite nalo nei maka moroano tai na yetemeriba nei napano maluvo den kumemi, mia be moroano tai na tiniabene napano maluvo den Atua ga.

2 Korin 2:4

Neber jibe na bior napano bogo na nebivitau biedu ban kamiu nua na, nomijog bova laka garuei. Nomijog jibe kiaku iviso vaataro vuru kokorovio, a jogumiraku aju ajibiribil. Iliano na jikirkili nalo napano neber ka kamiu ea m̃esi nei, maka nala rivior napano nojidom ka nala kamiu bunu kuvijog rivova, mia nojidom nala ka kamiu kuvitilubar ka kiniou nojo tinieku jii laka kamiu bogo nonovio.

Romo 15:13

Naruei nobolkouo bior kamiu bereio ban Atua, napano romijikia ravalea ea kanano verikariano nalo, nebika ka kamiu kuvitu kumonmonea naio rivanvano-o kanano saariano nalo a kanano tum̃aro rimei rivujo rivu ea kenemiu meuliano nalo, rila napano Niununo Lu kiano moroano mijikia rim̃au tanea kamiu ka rila ka kuvitu kuvalea kiano verikariano nalo, jo binimei toru lie riva rivan tibe na.

Romo 12:15

ver tealo amijog bo kar vite novo tai, kamiu bun u monoka kuvisaaro vijalo, ver tealo aju ajegi bior vite tai, kamiu bunu monoka kuviteg vijalo,

Im̃auano 5:41

Ana atevi nalo aba tavio den burum̃ara komeli nei, mia nalo maka ajog rivova, amijog bo laka ga bior ka Atua naio mialo abe verare ka avokar imouiano ea tomu nalo miralo, kario Yesu siano.

Luka 6:21

“Kamiu nam̃a jijer kamiu vonganei, ilivuiano toa kamiu, mia kamiu kuvijog ka kamiu kubinimei kuvujo vatitig ka vite novo nalo. Kamiu nam̃a kamiu kumitum̃a kumiteg vonganei, ilivuiano toa kamiu, mia kamiu kumijikia kuvisaaro.”

Mataiu 5:4

Nalo napano amijog bova ka jaleleano nalo, ana ajum̃a ajegi, mia ilivuiano rimei toalo, bior mia nalo avokar lup̃ilup̃iano, ka mia nalo ajog rivu bereio.

1 Timoti 6:18

Nalo napano jum̃alo bujo ka veru, kialo meuliano naio monoka rivujo vatitigio ka im̃auano novo na aju amila bijaio. Maka asidomii ve toru ka monoka avokar vatitig veru nei na be kialo ga, mia bo ka asaaro ka avio ka van toro dolu napano kiano maka vare.

1Tesa 5:16

Bekurano ka venia na mijikia riyotuba ka kito, a monoka rasaaro bogo nonovio,

Im̃auano 3:6

Mia Pitere naio berkanio, berinavo “Koig, kiniou maka neje puruveru tai leleio, mia vite novo tai takurano ga napano nemijevio ka mia neje vanso. Vite nene ninei: ea Yesu Kristo toro re Nasarete siano, kiniou neber kaso, jau kotumolu naruei, keiel.”

Kolosia 1:24

Vonganei kiniou nojo nomijog jaleleano ea mokotenaku bior kamiu, mia najaaro ga kanio. Nina jibe ka napano nojo nomim̃au nonovio kanio ea jogvaiano na mokotenaku nalo, napano Kristo ber lua ka mia navario, jibe ka ga napano naio bario ruei, ka najai taara na namoneano nalo ka atu sikili.

Eveso 3:16

Kiniou nojom̃a nobika den Atua, napano kiano mermerano naio toru laka, ka mia naio rudu kiano moroano toa kenemiu iviso nalo riyotuba ea ga kiano Niununo, ka kenemiu iviso nalo atumolu atu sikili vatitig dam̃ariga.

Eveso 3:8

Kiniou kiritavaso loa namoneano lu dolu nalo, mia najaaro toru laka napano ea tiniamemiano napano Atua kiano, naio mije monea jum̃aku ka kiniou noioliolu ka Ioluano Vou nei van nalo napano maka ave kulo Ju. Jibe na naruei, na kiniou neber lualua banlo vite novo nalo napano be Kristo kiano, napano mia maka ajikia avulukuio,

2 Korin 4:15

Ee, kumemi nubardulu bogokouo telabo jibe na, mia bo ga, bior napano naio be kenememi m̃arabo tai ka nuvijikia nuviija kamiu. Kumemi numisidom ga ka Atua kiano tiniememiano monoka to rivanvano-o tulaka ea tomu nalo ea vio nonovio, ka rila aiaia Atua bogo nonovio, atu aver siva ka naio rivano-o rila kiano mermerano to rimei ve toru lie.

1 Korin 1:5

Kamiu kumitu kubinimei bo laka ea tivelinio na verialiano na Ioluano Vou, ana kumitu kubinimei mave ea tivelinio na kenemiu jikiaiano, a ea tivelinio na bajago novo nonovio dolu.

Romo 9:2

mia be riano, iliano nalo na, nalo amila ka kiaku aua a kiaku jogvaiano toru laka, naio maka rivatove leleio.

Romo 8:32

Kito romial ka Atua tinien jii laka ka kito banbano-o mijamo ka auebin kenerinio memedu kar kito, ana ver jaaro ka rila burum̃ara tonovo nei ban kito jibe nei, mia jaaro bunu ka sian tenalo dolu novnovo nalo rivan kito.

Im̃auano 16:25

Naruei Pol naio Sailas naljuo aju banbano-o bokar bogiano viovare, ajum̃a abolkouo ban Atua ea iouano lu nalo, a nalo dolu napano aju nalikolo ea nalakoiano nalo ajum̃a amiagago ka bunu.

Mataiu 5:12

Kamiu kuvisidom bijovijon re, kuvisaaro ga, bior amila kiki kamiu ea bajago na ga amila ka naverialiano nalo re nua. Mia kamiu kuvar kenemiu burum̃ara ijaiano ea vio mave.”

Navisip̃eiano 21:7

Toro na m̃a biniua bogokouo ea kiano meuliano, naio tu sikili riva tovulu na vovaiano, mia naio rivokar ilivuiano nalo tibe ka kiano jajum̃ano. Mia kiniou noto neve kiano Atua riano, mia nodu naio rimei ve keneriku.