2 Korin 4:9 - Verikariano Vou Na Baki

⁹ Tomu telabo amila bulag vatitig kumemi, mia Atua bitikar kumemi julaka. Kumemi nubar jaleleano nalo, mia maka ajikia aue bulag kumemi, numeul kia vo.

2 Korin 4:9 ပူးပေါင်းရင်းမြစ်များ

Jone 15:20

Mia bo ka kamiu kuvitum̃a tiniemiu rimaio nam̃ariga ka kanaku iliano nalo nam̃a naber ka kamiu ruei, napano naberinavo: Toro na im̃auano naio maka loa ka kiano tubo. Iliano na jaati nene ber javukia ga nam̃a amila kiki lelan kiniou, mia ala kiki lelan kamiu bunu. Mia tibe ka ga nam̃a maka ajogkar kanaku iliano nalo, mia ajogkar re bunu kenemiu iliano nalo.

Romo 8:35

Kristo tinien jii m̃elea laka kito jibe na, venia naruei mia mijikia vuru bulag kito den kiano tinietiiano nei bereio? Maka titai. Bogo tealo, im̃auano nalo temi ka kito, p̃eli tomu nalo amila bova ka kito. Bogo tealo, kito robokar bogokouo, p̃eli maka sado sinaniano, p̃eli maka ve kiado kulum̃arauo. Bogo tealo, kito romerou kar kiado meuliano, p̃eli rojen iobogu na mira, a makanio, bogo nonovio ga Kristo tinien jii kito a kiado meuliano jo bo ea jum̃ano.

2 Korin 7:6

A kiado Atua be Atua na dup̃ilip̃ili nalo napano amijog kirivova ea kialo iviso, ana naio tinien maio ka kumemi, mila bilbilu novo nei Taitas maluvo kean kumemi, a bogo napano numial naio bereio, numijog bo laka.

2 Timoti 3:12

Nao, kito nonovio nalo napano rojidom Kristo Yesu ka toa kito, p̃eli roje meuliano na bo vija naio, monoka rejikia ka mia ravar jogvaiano ea kulo dolu nalo.

Abe Kulo Ju 13:5

Kuvitikar vatitig ka kodu re veru naio to tukamu ka kanamo meuliano. Bo ka mia kala jau kasaaro ga ka venia na telisu napano naio joa jum̃amo ruei, bior verikariano na Atua kanano napano naio jom̃a ber jibe na, berinavo “Mia kiniou notuvanso re bogo tai, maka nejikia novilig taakaku kaso.” Tiut 31:6