2 Korin 4:18 - Verikariano Vou Na Baki

¹⁸ Vonganei kiado jidomiano maka toa vite nalo napano mirado jo bitikario, mia kiado jidomiano toa vite nalo napano mirado maka rijikia aialio, kario napano vite na mirado mijikia rialio, nalo abe tena ga bogo bulati ea yetemeriba nei, mia vite na mirado maka rijikia rialio, nalo abe tena tu dam̃ariga ea vio mave.

2 Korin 4:18 ပူးပေါင်းရင်းမြစ်များ

2 Korin 5:7

Tibe na, bogo napano roju kia ea yetemeriba nei, monoka rola von re rotu rotua venia napano mirado ga mijikia rialio, mia monoka rotu sikili ea viekouoiano.

Abe Kulo Ju 11:1

?Kiado viekouoiano nei, mia roverenio naio be vite venia? Romijikia roverenio naio be bajago na romonmonea vatitig Atua rivu sikili, ka naio mijikia rila kiado jidomiano riluo rivu ea naio ga, mia mijikia rila kiado moneano tu sikili ka rover vite nalo na m̃a maka rejikia reialio, abe riano aju.

1 Jone 2:25

naina naruei kumijikia kuvokar meuliano na m̃a naio berkario ka mia sian van kito, na mia maka rijikia ribisi bogo tai.

Abe Kulo Ju 11:13

Mia tormoruo nalo nonovio nei na m̃a amonmonea Atua jibe na, mia Atua naio berkar tonovnovo nalo banlo, mia nalo amijev togio telisu ga, mia am̃arm̃aro ajaluvo den yetemeriba nei. Mia nalo amijikia ka mia Atua rijev togio ga vanlo, mia sian nonovio togio na toru nene vanlo iorou, naruei naio mila abitilubar ka nalo abe valauo ga ea vio nene.

Mataiu 25:46

Naruei Yesu mila nonovio kiano iliano, ana naio berinavo “Nalo na mia avan ka ajev vironiano tai napano maka rijikia ribisi bogo tai. Mia tomu na memedu nene nalo ava ajev meuliano napano maka rijikia ribisi bogo tai.”

2Tesa 2:16

Karam̃ado Atua tiniene jii kito, kiano tiniememiano ka kito midular kiado jidomiano ea kiano verikariano tai na bo, ka kito rotu rivu vija naio bogo nonovio maka rijikia ribisi bogo tai. Ana nobolkouo ka naio, ka mia kenerinio, kiado Tubo Yesu Kristo,

Abe Kulo Ju 9:11

Mo bogo na Kristo miyotuba, naio binimei jibe ka kiado parinio toro lu, napano naio maka ve tena bajago moruo, mia naio be tena m̃arabo vou, ka rila napano romijikia rovokar ilivuiano na kirinovo nalo na Atua bar batitiglo bo aju. Naio maka riva rim̃au joomo ea yimo panpano lu na beamu, mia naio mim̃au ea tai napano bo lie vo, a loa lie vo. Vio lu napano naio jom̃a mila im̃auano eaio, maka ve toro jum̃ano napano milaio, mia maka toa yetemeriba nei, mia naio joa vio medave kamu ea Atua mirano mave.