2 Korin 4:16 - Verikariano Vou Na Baki

¹⁶ Jidomiano novnovo nalo nei mila buriakurano napano bova ban kumemi jum̃abe, mia numitu jikili bo ga numitu. Ea tivelinio na mokotenememi, jo binimei be kulu moruo, jo binimei burukokorovio, mia tivelinio na niunumemi, Atua jo mila binimei be terivou, jikili vatitigio ea bogoti nonovio ga.

2 Korin 4:16 ပူးပေါင်းရင်းမြစ်များ

Kolosia 3:10

mia kuvidu bajago vou tai ea kamiu tibe ka meuliano vou tai napano Atua naio jiio ea kamiu. Mia bogo nonovio, Atua jo mila meuliano na binimei be terivou bereio, ka rila kamiu kuvijikia naio ve riano, a ka rila kumei lie vo tibe ka kube kanano natovorovoiano na naio.

Romo 12:2

A kamiu kuvijamo ka re vovaiano na yetemeriba nalo nei avuru kamiu kuvitakii kiano bajago nalo, a bogo nonovio, monoka kuvijamo ka Atua rila kenemiu jidomiano to rimei rive terivou bereio. Tibe na, mia kenemiu bajago mijikia riviligio, mijikia rimei rivu bogo nonovio, a mia kamiu kumijikia kuviel kuvitakii Atua kiano tinieiiano, napano bo, kirinovo, a memedu mia memedu julaka.

2 Korin 4:1

Kumemi numitu numerera bulag Atua kiano miamoiano jibe na, naio be kenememi im̃auano na toru tai ka nuviija tomu dolu nalo. Atua kiano iviso bujo ka tinievuiano, a naio naruei jian im̃auano nei ban kumemi, a bogo napano numisidomii nina, mila na maka lele tiniememi maro ka nuvilaio.

Eveso 3:16

Kiniou nojom̃a nobika den Atua, napano kiano mermerano naio toru laka, ka mia naio rudu kiano moroano toa kenemiu iviso nalo riyotuba ea ga kiano Niununo, ka kenemiu iviso nalo atumolu atu sikili vatitig dam̃ariga.

Romo 7:22

Bogo telabo, ea kiaku jidomiano kiniou takurano, nojo nojidomii vite nalo na Atua berenio, a nemial kiano iliano nalo abo laka,

Taitas 3:5

naio milarur riano ga kito. Naio milarur kito jibe nei, maka kar kiado im̃auano tealo na memedu napano p̃eli kito romilaio, mia bior ga kiano tiniememiano lu ea kito. Naio tinien miia kito, ana naio jekon kito, mia Niununo Lu mila kito romoluo bereio ea meuliano vou.

1 Pitere 3:4

Vite na, naio maka rivior napano m̃a kumiyovovua batitig niabemiu nalo jibe na, mia venia na m̃a mila kamiu kumadigdig bo riano, naio be bajago na bo na joomo ea kamiu. Nao, kenemiu tiniememiano a kenemiu iviso na melumu, nina naruei naio be kenemiu novonovoiano riano, a mia nina naio maka rijikia rimei ve terimoruo bogo tai, naina naruei be bajago napano Atua naio mial bo laka.

Eveso 4:23

Mia vonganei, kenemiu iviso nalo a kenemiu jidomiano nalo monoka amei ave terivou nonovio,

1 Korin 15:58

Bilbilu novo nalo, bior napano Atua mila kirinovo ban kito jibe nei, kamiu kuvitu sikili, kuvikulkulu re tanea vio, a kuvikar rivu ka kuvim̃au Tubo kiano vija kenemiu moroano momou. A bogo na kumitu kumila jibe na, bo ka kuvitu kuvisidomii ka kenemiu im̃auano nei maka tena iakurano, ana mia monoka rivar m̃arati tibe napano Tubo naio jidomio.

2 Korin 12:15

Naruei jibe na, kiniou najaaro ga ka nesian kiaku vite nonovio, vija kiaku meuliano bunu, ka rijai kamiu. Nemijikia nala tibe na bior napano tinieku jii kamiu laka, mia nomijog kirivova bior napano nomial ka bogo napano kiaku tinietiiano ea kamiu jo bavin lie, mia kenemiu tinietiiano ea kiniou jo batove ga.

Luka 11:3

Kumemi nubika denso ka kavar simemi sinaniano na banei a legiano nonovio.

1 Pitere 4:14

Ver dolu nalo amijikia ka Kristo siano joaso, mia amijikia avuku ioluoliano va amei easo, mia kosidomii m̃elea re kanio. Mia burum̃ara ilivuiano na Atua kanano naio toaso ga, bior Niununo na mermerano na Atua na mave naio jo joa kanamo meuliano.