2 Korin 1:2 - Verikariano Vou Na Baki

² neber jibe nei ka kiaku volkouano ka mia karam̃ado Atua bija Tubo Yesu Kristo, naljuo atuvan kialo tiniememiano a tum̃aroano toa kamiu nonovio.

2 Korin 1:2 ပူးပေါင်းရင်းမြစ်များ

Romo 1:7

Kamiu bunu tomu nalo napano naio tinien jii kamiu toru, napano naio bitiri bulag kamiu kube kanano namoneano lu nalo ea burum̃ara komeli nei Romo, naina naruei najaaro ka nebivitauia m̃esi nei biedu ban kamiu. Nebivitauia jibe nei, nobolkouo ka tiniesese a tum̃aro na karam̃ado Atua vija kiado tubo Yesu Kristo kanalo, naio to ve tomoruo ea kenemiu meuliano nalo veve terakurano.

1 Korin 1:3

Kumemi juo kenememi volkouano ka Tubo Yesu Kristo kiano tiniememiano a karam̃ado Atua kiano tum̃aroiano atu vija kamiu.

2 Korin 1:3

Kiniou nojidom noilivu laka van kiado Atua nei napano naio be kiado Tubo Yesu Kristo karam̃ano, a naio be teta novo tai napano be burupati na bajago na tinietiiano, a naio be Atua novo napano bujo ka bajago na ililup̃ilup̃iano.

Kalesia 6:16

Naruei kiniou nobolkouo ka nalo napano mia adukar iliano nei, napano mia amei ave Atua kiano kulo Israel nalo garuei rimemedu, neberenio mia Atua kiano tum̃aroano a natinieiiano to vijalo.

Eveso 6:23

Ana tum̃aroano, a jidomiano, a viekouoiano binimei den Atua Karam̃ado a Yesu Kristo kiado Tubo, aju bija kito a namoneano nalo nonovio.

Vilip 1:2

Kumemi juo numisaaro ka nuviviuo kamiu bereio ea m̃esi nei, ea Atua karam̃ado siano, a ea kanado Tubo Yesu Kristo siano, a kumemi juo nubika nalo abe juo ka mia adu tiniememiano vija tum̃aroano toa kamiu vonganei.

1Tesa 1:1

Kiniou Pol bija Sailas a Timoti, kumemi tolu numisaaro laka ka nuvivitauia niosi nei riviedu ea kamiu taara na namoneano na ea komeli na Tesalonaika. Kumemi numonea ka kenemiu meuliano nalo aju vatitig ea karam̃ado Atua bija kiado Tubo Yesu Kristo, naruei kumemi nubolkouo ka tiniememiano a tum̃aroano to vija kamiu nonovio.

2Tesa 1:2

Tiniememiano a tum̃aroano na karam̃ado Atua kiano bija kiado Tubo Yesu Kristo to vija kamiu.

Vailimon 1:3

Naruei kumemi juo nubolkouo ka mia Atua Karam̃ado, a kiado Tubo Yesu Kristo, nalo ve juo adu kialo tiniememiano a tum̃aroano to vija kamiu ea vio napano kumituaio.