2Tesa 3:13 - Verikariano Vou Na Baki

¹³ Ana iliano ban kamiu kuruememi nalo a kuviviniememi nalo abiniu, ver maka kito tai na river ka naio rijog tinieno m̃aro ka im̃auano novo nalo na ju ka roim̃aukanio.

2Tesa 3:13 ပူးပေါင်းရင်းမြစ်များ

Abe Kulo Ju 12:3

Mia bo ka rotu tiniedo rimaio ka Yesu, ea bogo na tomu na bova nalo nei ajum̃a ajuba naio ka iliano na bova nalo, a tinielo jer m̃elea naio jibe na, mia naio mijamo ka naio ga ba bokar jukuti nene. Jibe na, kito bunu bo ka tiniedo rim̃aro re sop̃eli ka im̃auano, maka rejikia romerou, maka rosidomii ka mia rovuro ka venia napano monoka ralaiio.

2 Korin 4:1

Kumemi numitu numerera bulag Atua kiano miamoiano jibe na, naio be kenememi im̃auano na toru tai ka nuviija tomu dolu nalo. Atua kiano iviso bujo ka tinievuiano, a naio naruei jian im̃auano nei ban kumemi, a bogo napano numisidomii nina, mila na maka lele tiniememi maro ka nuvilaio.

2 Korin 4:16

Jidomiano novnovo nalo nei mila buriakurano napano bova ban kumemi jum̃abe, mia numitu jikili bo ga numitu. Ea tivelinio na mokotenememi, jo binimei be kulu moruo, jo binimei burukokorovio, mia tivelinio na niunumemi, Atua jo mila binimei be terivou, jikili vatitigio ea bogoti nonovio ga.

Navisip̃eiano 2:3

“ ‘ “Bior siaku ga napano kamiu kumiduio, naruei kubiniua bogokouo, a amila bova ban kamiu, mia nemijikia ka maka kuvituvan kiniou vo, kumitum̃a kubokar jikili bo kia ga vo, mia jidomiano napano ber tiniemiu m̃aro laka, p̃eli na kamiu kumijog kuber bare, nina naio maka toa kamiu leleio.

Abe Kulo Ju 12:5

Mia bo bunu ka maka tiniedo ribobogia iliano na tunukakariano na karam̃ado Atua naio ber ka kito, na naio bio kito jibe ka robe kenerinio, napano naio berinavo “Keneriku, ver kiniou neial rivu ka jogvaiano tai rimei rivokarso, mia jau keiakurano ea re, p̃eli na ver bogo tai neial ka monoka nodu vironiano vanso, mia kanamo jidomiano rijoru re, bior kanaku bajago na mia m̃a noverloglogso kanio naio jibe na naruei.

1Tesa 4:1

Banalo, bogo na numitu bija kamiu, kumemi nuberloglog vatitig kamiu jum̃abe ka kuviluo lie ea bajago na meuliano na Atua naio jidomio, a numitu numijog kumila kija ruei, naio bo laka. A ea Tubo Yesu siano, nubika numisikili den kamiu ka kuvitu van re, kuvitu kuvijedu ka rila rivan lie bogo nonovio.

Luka 18:1

Ana Yesu jii jamerijiano dolu banlo, ka tunukakarlo ka m̃a tinielo veve juo re bereio ea kanalo volkouano, mia atu sikili dam̃ariga eaio, abolkouo rivano-o mia avokar verdop̃eiano eaio.

Vilip 1:9

Kiaku volkouano na ka kamiu naio jibe nei, neberinavo kenemiu tinietiiano mia naio monoka to riluo dam̃ariga, mia ver jikiaiano na bo a m̃asosouano a vitii veveiano bunu nalo atua kamiu, nalo mijikia rijai kenemiu tinietiiano nei rimei ve toru lie vo.

Romo 2:7

Jibe na, tomu tealo, nalo ajurmaro ga, nalo aju ajudu bogo nonovio ka amila bajago na bo napano mijikia rila sialo rivu ea Atua mirano, a mijikia rilalo avokar mermerano na vio mave. Venia na mia Atua sian vanlo, naio be meuliano napano maka rijikia ribisi.

1 Korin 15:28

Mia bogo napano Atua ridu vite nonovio atutano ka Kristo tibe na, mia Kristo, tibe Atua kenerinio, ridu naio takurano bereio totano ka Atua, ana mia rila ka Atua naio ve takurano ve Atua ka vite nonovio.

2Tesa 3:15

A mia kuvila re titai vanio tibe kenemiu uolu tai, a kuvila bon naio tibe na ka naio rimei rive kuruemiu novo tai.