1 Timoti 4:13 - Verikariano Vou Na Baki

¹³ Rivan rivakar napano ver kiniou nemijikia namaluvo ka jau, kovakar sikili bogo na lotuano nalo. Kovuluku bulag iliano lu ea tomu nalo miralo, koioliolu, koverloglogio vanlo.

1 Timoti 4:13 ပူးပေါင်းရင်းမြစ်များ

Im̃auano 6:4

Ana tibe na, mia kumemi atevi nalo, kenememi iviso vodolu naio mijikia tumolu tu sikili bogo nonovio ea im̃auano nana volkouano a nana verialiano na Atua kanano Iliano Lu.”

Taitas 2:15

Iliano nalo na naruei mia koto koverialio. Toro napano bo ka atunukakar naio, jau kotunukakario, a toro napano bo ka ail van naio, jau koil vanio. Bogo nonovio jau koim̃au vija moroano a sikiliano, a jau kotuvan re ka ailkueso p̃eli asidomii iakurano easo.

2 Timoti 4:2

Venia na ka jau kala naio jibe nei: bogo nonovio monoka jau koioliolu ka Iliano Lu. Verver bogo rivu p̃eli bogo rivova, mia monoka kesikili kotu ka koverialio. Monoka kalavon ka kovuru tomu nalo, monoka kovururiri nalo napano aban ea m̃arabo dolu, a monoka kotunukakar nalo napano amonea. Mia bogo na kala im̃auano nalo na, bogo nonovio kiamo jidomiano monoka rive tebievi rivu, mia maka lele kejikia tiniemo rim̃aro ka koverlogloglo.

1 Timoti 4:16

Monoka kovitikar vatitigso rivu, a jau bunu monoka katakii batitig verloglogiano nalo nam̃a kojo kejian ban tomu dolu nalo. Ver jau kovokar rivu, mia kala napano jau kamliko nalo napano ajum̃a amiagago ka jau, kam nonovio kuvijikia kuvokar ioruriano.

1 Timoti 4:6

Verloglogiano nalo na, ver jau koverial naio rimeravo rivu van namoneano nalo, naio jibe ka napano jau koberialso ka jau toro novo tai a toro na viekouoiano na im̃auano Naverikariano Yesu. Tilikiti napano amial ka napano jau komim̃au jibe na, mia ajikia ka kobinimei mave ruei jibe ka toro tai napano naio meruo bo ea ilirianiano nalo na kiado viekouoiano. Mia avitilubarso ka napano jau bunu kojo kajakii vatitig verloglogiano novo nalo nei napano kojo koberial banlo, naruei mia nalo asaaro ve toru.

Im̃auano 17:11

Kulo Ju nalo na vio nei nalo abo, a nalo abe kialo vijauano, maka atibe ka nalo na vio Tesalonaika, nalo abar jidomiano novo ka napano amijikia amiagago vatitigio bo ka Pol naio Sailas kialo verloglogiano. Mia legiano nonovio, nalo tiniel jii m̃elea ka avitii Tubo kiano Iliano Lu ka aleal aver naljuo aberii be riano p̃eli na jum̃abe.

Jone 5:39

Bogo telabo kamiu kumitum̃a kubitii vatitig Vivitauiano Lu nalo, bior kumitum̃a be tiniemiu ka mia kuvileal kenemiu meuliano napano maka ve jukuti nene, ana Vivitauiano Lu nalo nei naruei napano aberial kiniou.

1 Korin 14:26

Jakii iliano nalo nei ea tivelinio na moroano nalo napano Niununo Lu jiianio, mia kamiu kuvila tum̃abe ka bogo nalo na kenemiu lotuano? Bogo na kumei vio takurano, bo ka kuvitiburevure im̃auano nalo nene ea kamiu. Tibe ka, tai sian iouano, tai sian verloglogiano, tai sian jidomiano vou napano Atua berialio ban naio, tai sian iliano sel iliano dolu napano Niununo jianio ban naio, a dolu tai rijikia vilig iliano nei ka tomu nonovio ajikia nioti nene. A vite nonovio napano kumila jibe na, monoka vagan vatitig namoneano nalo kialo meuliano napano aju na.

1 Korin 14:3

Mia ver toro tai riverial Atua kiano iliano nalo van kito, ril van kito sel ea kiado iliano, kiano iliano novo nalo nei amijikia ala kito rosikili, amijikia adular kiado jidomiano, amijikia adururu kiado iviso.

1 Korin 14:6

Bilbilu nalo, kuvisidomii vonio ver kiniou, bogo nojo nebinimei ea kamiu nojo nomioliolu ban kamiu jel iliano dolu tai napano Niununo Lu jiianio ban kiniou. Tibe na, mia kiaku iliano nalo maka ajikia aija kamiu leleio. Mia bogo na nemil ban kamiu jel iliano napano kumijoglubario, mila na venia napano nejianio ban kamiu, jibe vite vou tai napano Atua berloglog ka kiniou, p̃eli jikiaiano tai, p̃eli verialiano tai na Atua kiano iliano, p̃eli verloglogiano tai, mia mijikia rijai vatitig kenemiu meuliano.

Romo 12:8

p̃eli ver rive kiamo ka kotunukakar tomu nalo kialo jidomiano, monoka kosidomii ve temi ka kolaio, p̃eli ver rive kiamo ka kosian jidomiano nalo ka ijaiano, monoka kovario ve miroano, p̃eli ver rive kiamo ka kovuru m̃arabo ka Atua kiano im̃auano, monoka koyovo re, p̃eli ver rive kiamo ka keija nalo napano ajua bogokouo, monoka kosaaro ka kolaio.

2 Timoti 3:15

jikar ea bogo napano jau telisu kia ga vo ea kanamo vonuo, binimei bokar banei, mia mila na komijikia vatitig Niosi Lu, na naio berloglog m̃arabo na ioruriano na tomu nalo napano amonea Kristo Yesu.