1 Timoti 3:8 - Verikariano Vou Na Baki

⁸ Ninei be navurim̃araboiano nalo, mia vonganei navan tivelinio ka ijaiano nalo. Toro napano naio bokar im̃auano na ijaiano, mia kiano jidomiano monoka rivamenea rivu, mia naio be toro na ber iliano na memedu ga, mia maka to ve minano ve juo. Mia naio monoka to re rimunu m̃arjum̃elm̃elu bogo nonovio, mia monoka naio sidom m̃elea re vite nalo,

1 Timoti 3:8 ပူးပေါင်းရင်းမြစ်များ

Vilip 1:1

M̃esi nei, tomu juo nam̃a amim̃au kurano ga Yesu Kristo kanano, naina be kumemi juo kiniou Pol bija Timoti, kumemi juo nubivitauia biedu ban kamiu, napano kamiu kumitua komeli na vio Vilipae, nina kamiu nam̃a kenemiu meuliano naio jo bo bija Kristo, jibe ka kamiu kube namoneano lu nalo, bija kenemiu navagadeano nalo a kenemiu ijaiano nalo.

Taitas 2:3

Tiramoruo nalo bunu kialo iliano tealo jibe nei ju, ber monoka avujo ka bajago na abatove ka Atua, nalo maka atu ail vova tanea vio van nalo dolu, a jidomiano ka amun uei na jikili maka rivakar m̃elealo. Im̃auano napano bo ka ala naio tibe na, monoka averloglog ka nalo dolu tenalo venia na bo ka aim̃aukanio.

1 Timoti 5:23

Javukia napano nojo nomijog, nemijikia ka jau kojom̃a komiemie tertelisu, naruei never ka jau komijikia kovelikar re na munuiano na m̃arjum̃elm̃elu. Jau koto komunu uei re ga, mia kalavon ka komunu m̃arjum̃elm̃elu ve tertelisu bogo tai, naruei vede naio mijikia rijai mabomo.

1 Timoti 3:3

Bija vite nalo na, monoka ve toro napano maka tom̃a munu uei m̃elea mijorjoru tatei, mia naio maka tom̃a tukuruku, mia kiano jidomiano tebievi, mia kiano iviso melokloko. Naio monoka rila siniabu re, mia monoka tinientii m̃elea re puruveru.

Yemesi 3:10

Naruei ea niodo takurano ga, rojum̃a romil bo a rojum̃a romil bova bunu. Kuruaku nalo, vite nei naio be vovu laka.

Taitas 1:7

Monoka tibe na bior napano tomu na tortoru na tum̃aro, abe tomu na vitikariano na Atua kiano im̃auano lu, ana nalo monoka ave tomu na memedu. Nalo asidomii re ka aver nalo abe toro tai, nalo monoka tinielo mimi sop̃eli re, nalo monoka amun m̃elea re uei na jikili, nalo ave re toro na tukurukuano, a nalo monoka asidom m̃elea re saba, maka leleio.

1 Timoti 3:12

Mia ijaiano nalo monoka avuru tira ve takurano ga, a ave riano tu laka vijaio, mia monoka ave tomu nam̃a amijikia avuru m̃arabo rivu ka kenerilo nalo, a amijikia avitikar vatitig kialo vonuo.

1 Pitere 5:2

Nebika jikili ban kamiu jibe na, ka kuvitikar rivu taara na nunu nalo napano Atua barlo aju yetano ea vitikariano na kenemiu. Nina be burum̃ara im̃auano tai na, mia riano, maka rivu ka ver kuvitu kuvila napano kenemiu iviso maka sidom rilaio. Mia bo ka kuvilaiio vija jidomiano na saariano, jibe ka na Atua naio jidomio. Mia im̃auano venia na m̃a kuvila, maka kuvila rivior ga ijaiano telisu tai napano vede kuvijikia kuvario, mia monoka kuvila rivior ga jidomiano tai joa kamiu ber bo laka ka ala im̃auano nalo na rijai tomu dolu nalo.

Romo 3:13

Kialo iliano nalo bova, jibe tanunu na jono, buruminalo aju amim̃auka sibiano nalo, ililelaniano nalo aju amiyotuba ea kuluniolo nalo, jibe ka maro va naio jerbin toro. Iouano 5:9

1 Timoti 3:2

Vite na jukamu, navurim̃ara-boiano naio monoka ve toro tai napano maka ve vite tai na bova toa kiano meuliano. Mia naio monoka rivuru tira ve takurano ga, a rive riano tu laka vijaio. Mia naio monoka telan vuu vatitig ka kiano bajago nalo, mia naio monoka ve masou, mia tomu nalo monoka aialerinio eaio, mia naio saaro ka rivitikar toro dolu ea kunuano, a mia monoka naio rijikia vatitig bajago na verloglogiano.