1 Timoti 1:7 - Verikariano Vou Na Baki

⁷ Nalo abarvar kalo, a ajidom ka amei ave naverloglogiano na tuboiano lu, mia aju aber bulavulag sano iliano nalo na jikili nene, a maka ajikia vatitig rivu venia napano nalo ga bereio ajum̃a aberenio, maka ajikia aver bisivisii vatitigio leleio.

1 Timoti 1:7 ပူးပေါင်းရင်းမြစ်များ

Romo 1:22

Nalo be tinielo ka aber abe masou, mia nalo abano aba vovu batitigio,

2 Pitere 2:12

Vite miroano napano kito romial ka abe lu p̃eli abe sop̃i m̃ele, mia tomu nalo na maka avitilubar leleio, aju amila lelan tolu nalo na. Kialo bajago nalo ajibe na, mila na ajibe ka temeul deden nalo ga, napano amila pariparilo ga, mia maka ala tonovo tai. Aju amiel janea vio jibe na banbano tomu nalo amilivi kalo amuebinvinlo, a mia tibe ga na bunu ban tomu nalo nei ga, aiilo ga ka aial kanalo m̃ariano.

1 Timoti 6:4

Toro napano naio jakii kiano jidomiano ba be dolu jibe na, kito romial naio, naio barka naio, naio parinio toru laka, mia naio maka rijikia titai leleio. Mia naio mila jibe ka toro tai na jidom m̃elea baravoiano nalo, bija bajago kilkil, mia maka tonovo tai rimaluvo ea vio nene. Mia bajago na bova nalo amalmaluvo ea naio, jibe ka jokuano, jup̃e iliano, ilidieiano, bija jidomiano sorosoro na bova ka tomu dolu nalo.

2 Timoti 3:7

Venia na tomu nalo nei aberiio, mia nalo amonea ga vonganei, a aju amila jibe na banbano mia maka lele avokar jikiaiano na bo na Atua kiano ilirianiano.

Kalesia 3:2

Kiniou nejidom nevika vikadeniano tai van kamiu beamu vo. Vikadeniano nene jibe nei “?Kamiu nanua kumijev Niununo Lu ruei, kumijevio kar vaio? ?Kumijevio bior kumonea Mosis kiano tuboiano nalo na?” Makanio, kamiu kumijevio kar ga kumijog Ioluano Vou ana kumitu kumoneaio.

Kalesia 4:21

Nalo na kamiu napano ajidom ka kito monoka rodukar kiado tuboiano rimemedu vija Atua, nejidom ka nalo averdop̃e kanaku vikadeniano tai, ka “?Tuboiano nei napano ajum̃a aberiio, nalo aju amijoglubar venia na tuboiano nei jom̃a berenio, p̃elina maka ajoglubario?”

Im̃auano 15:1

Ana bogo napano Pol naljuo Barnabas aju kia ga vo yako Antioko, kulo namoneano tealo na tanobuku na vio Yutea, napano abe kulo Ju, abatove ea vio nene. Ana bogo napano nalo amioliolu ban kulo namoneano dolu nalo na vio Antioko, aberial kanalo verloglogiano tai, aberinavo “Verenio kamiu kulo namoneano nalo tealo, maka ave pakuveu takii vaio napano Mosis kiano tuboiano berenio, mia Atua maka rijikia rilarurlo.”

Mataiu 21:27

Kialo jidomiano nalo jibe nei mila na nalo amiolu aber ka Yesu jibe nei ga, aber “Kumemi maka nuvijikiaio.” Naruei Yesu berenio “Mo bo ga, mia kiniou bunu maka nejikia neverial ka kamiu ka kei naio mijamo ka ban kiniou ka nala saba nalo nei.”

Luka 2:46

Amiel bogoti takurano momou, abinimei aboru bereio Yerusalemo, nalo ajiragio bano-o, ana ea bogoti dolu nene, be bogoti tolu na kialo ieliano, ana amileal vonga naio, amial naio jom̃a jotano ea Atua Kunuano Lu. Naio jotano bija naverloglogiano nalo na vio na, naio jom̃a mije tiliniene ka kialo iliano nalo, a jom̃a bivika vikadeniano denlo.

Yemesi 3:1

Nao kuruaku nalo a kuvivinioku nalo, maka rivu ka kamiu ve telabo kuvilavon ka kuvokar im̃auano tavukia naverloglogiano ea yimo nalotuano, bior jibe ka napano kumijikia, ea bogo na tibu-reiano, mia Atua naio tibure kumemi naverloglogiano nalo sikili laka.