1 Pitere 3:20 - Verikariano Vou Na Baki

²⁰ Niununo nalo nei, naio be tomu nalo na m̃a maka asidom amonmonea Atua, ajavukia nalo na ea bogo na tormoruo Noa re nua. Ea bogo na, Atua naio jororealo ka aviliglo, naio midu bogo tebievi banlo. Aju jibe na, bano na Noa naio jo mim̃auka burum̃ara kanano uako nei banbano, mia maka asidomio ga, naruei bogo napano ueimiya jovukolo nalo amadudu. Nalo miroano aba kovio ka bogo na, mia tomu telisu ga amije ioruriano joomo ea uako, nina be Noa nalo arolu ga.

1 Pitere 3:20 ပူးပေါင်းရင်းမြစ်များ

2 Pitere 2:5

A kuvisidomii bunu tomu nalo na beamu nua laka nei, nina ea tormoruo Noa kiano bogo. Bogo napano naio jom̃a mioliolu ka Atua kanano bajago na memedu banlo, mia parilo jikili laka, maka asidom leleio ga. Naruei Atua mila burum̃ara ueimiya binimei buru bulaglo, mia Noa ga bija kanano m̃aratavo aluo, naio milarurlo.

Abe Kulo Ju 11:7

Tormoruo tai bereio naio be Noa. Ea kiano viekouoiano ea Atua, naio mila venia na m̃a naio berkanio. Atua berial burum̃ara ueimiya nei banio, ana bogo na Noa naio maka rial kijokijo na tenei tai leleio vo, mia naio mila ga venia napano Atua naio ber kanio, mim̃auka burum̃ara kanalo uako ka sano m̃aratavo nene amijikia ameul eaio. Noa kiano viekouoiano na ea Atua milarur nalo nene, mia mila bunu burum̃ara vironiano maluvo ka nalo dolu nonovio ea yetemeriba nei, bior nalo maka amonea. Mia Noa be nalo tai ea taara nei na m̃a amonea Atua, ana Atua milalo amemedu ea mirano.

2 Pitere 3:15

Be riano ka Tubo naio maka rimei vo, mia kito ve tiniedo re ka naio bova, monoka rasaaro ka napano naio midu bogo ban kito ka rovilig kito, a jian buluvio ban bilbilu dolu nalo bunu ka amijikia avokar ioruriano. Jidomiano na, kuruado novo nei Pol naio bunu ber ka kamiu ea m̃esi tai beamu ruei, napano bivitauia bija masouano na bo nalo napano Atua jo jian banio.

Romo 9:22

Ana Atua bunu mim̃au jibe nei, a naio bunu be kiano tenalo juo napano jidom rilaio. Naio jidom rila tomu nalo avitilubar napano naio tinien jer kialo kariano nalo, banbano-o mia mijikia rije vatitig vironiano vanlo vija kiano moroano na toru. Bogobe ruei, naio mila kiano jidomiano ealo tebievi, a vonganei joa naio ka rila rivanlo venia napano naio jidom rilaio.

Luka 12:32

Ierinio kiaku nunu sesa nalo, karamemiu naio jidom toru ka rijamo ka kamiu kumei kuve tubo ka kiano tomu nalo, ana na mia kamiu kuvisidomial re titai leleio, mia vite nonovio rimei rivu ka kamiu.”

Eveso 5:26

Naio mila kiano nalotuano meravo, a naio je ka uei a ka kiano iliano, naruei naio miokoio ban Atua.

Im̃auano 2:41

Naruei nalo telabo kalo napano amijog Pitere kanano iliano nei, ana nalo amonea naio kanio, ana abaruei ealo. A ea tomu nalo nonovio napano ajua legiano nei, nalo telabo laka mia titai jibe ka menu tolu [3,000] napano abinimei ajusol lo ea kanalo taara nene.

1 Pitere 1:9

Kenemiu saariano nei, naio be m̃arati novo tai ea kenemiu moneano napano kuvijikia kuvisenio vonganei, mia maka ve nina ga, bior bija naio, ea bogo napano jo binimei, mia kuvijikia kuvisen tai napano jesei lie vo, nina ioruriano na kenemiu meuliano.

1 Pitere 1:22

Jikario ea vio nei naruei kamiu kumonea ilirianiano na Atua kanano, a kenemiu meuliano jo binimei memedu bo, a kumitu tiniemiumaio lie vo ka kuruemiu dolu nalo. Mia kamiu kuveve re torogio ea naio, monoka kuvila vio sikili ka tiniemiuriia kamiu kuviniu ea kenemiu iviso nalo ka rimei ve toru lie laka.

1 Pitere 2:25

Beamu, kito roju romiel vovu jibe ka nunu nalo napano m̃a amilaluvu kanalo m̃arabo, mia vonganei toro na m̃a bitikar nunu naio mileal kito bereio ruei, vonganei robinimei ber roju batitig bija naio napano jukuku ka kiado meuliano.

1 Pitere 3:19

Beamu ka naio meul bereio jibe na, napano naio joa vio na m̃ariano kia ga vo, moroano na Niununo na Atua kanano nei binimei bujo magmago eaio, mila na naio ba mioliolu memedu ban niununo dolu nalo napano ajua vio nei, ka vonganei naruei Atua naio jovululo ruei, ana Sim̃aro naio bijukude garuei.

1 Pitere 4:19

Mo, ea vio nei never iliano telisu tai van kamiu napano Atua mijamo ka jogvaiano maluvo ka kamiu. Neber kamiu kuvitu bogo nonovio ka kuvila rivu van tomu nalo nonovio, a kamiu kuvidu kenemiu meuliano toa Atua jum̃ano. Naio naruei be Atua na jii vite nonovio, naio be Atua na biekouo laka, naio be Atua napano romijikia rovarkar tiniedo rivu ea naio dam̃ariga.