1 Pitere 2:13 - Verikariano Vou Na Baki

¹³ Jibe ka kito robe namoneano nalo ea Tubo ruei, kiado bajago, bogo napano rojua yetemeriba nei naio monoka rimemedu ea naio siano na m̃a roju romioliolu kanio. Namoneano nalo monoka atovon tomu na tortoru nalo napano abitiri bulaglo ka avitikar vatitig tomu nalo. Vede tubo nalo, p̃eli navurim̃araboiano na tortoru nalo,

1 Pitere 2:13 ပူးပေါင်းရင်းမြစ်များ

Taitas 3:1

Bo jau koverloglog namoneano nalo ka asidomii bogo nonovio bajagvuiano ka alaio. Ea tilikiti na tubo nalo kialo, bija kialo tomu na tortoru nalo, napano aju, nalo monoka avamenealo, amonealo, a asaaro ka ala kialo im̃auano novo nonovio.

Luka 20:25

Ana naio ber kalo, ber “Mo, tena be Sisa kanano, kamiu kuvidu van Sisa. A tena be Atua kanano, kamiu kuvidu van Atua.”

Yesu Kristo Kiano Ioluano Vou Napano MAK Bivitauiaio 12:17

Ana naio ber kalo berinavo “Bo ga, vite na be Sisa kiano, kamiu monoka kuvar van Sisa, a vite na be Atua kiano, kamiu monoka kuvar van Atua.” Mia bogo na amijog verdop̃eiano nene, nalo amiilo va laka.

Mataiu 22:21

Naruei naio berii kalo, berenio “Mo, vite napano be Sisa kanano, kuvar van Sisa. Mia vite napano be Atua kiano, kuvar van Atua.”

2 Pitere 2:10

Iliano nei ba ban tomu nonovio, mia jokol batitig nalo napano aju ajakii sidomvovaiano nalo na bajago na kariano napano amoluo bijaio, a jokol bunu nalo napano maka asidom aiagago, parilo jikili laka. Tomu kinkin na jibe na abe m̃arou ka kialo veribinio nei, a parilo toru laka ea kanalo vovaiano nalo, banbano maka bunu amerou ka vite tai, mia aju amil niegeniege Atua kanano kulo sop̃i nalo.

Eveso 5:21

Kamiu nalo napano abe namone-ano, sum̃ano nalo a tire nalo, kamiu monoka kuvatove ka kamiu, tibe ka ga napano kamiu kubatove ka Kristo.

1 Pitere 2:17

Namoneano nalo monoka atovon kulo dolu nalo, monoka tiniel tii kurualo dolu nalo a kuvivinielo nalo na ea Atua kanano m̃aratavo. Monoka amerou ka Atua, avameneaio, a monoka avatove bunu ka kialo tubo nalo.