1 Korin 9:5 - Verikariano Vou Na Baki

⁵ Mia nalo amil ea kumemi tealo napano ajoro ruei, nalo abika aber bior vaio koalo nalo bunu abinimei aju ajakisor kumemi? Mia kei berenio ka nina naio kirivova? Atevi nalo dolu napano abinimei beamu, bija Tubo kuruano nalo, bija Kevas, bogo napano amieliel ka im̃auano jibe na, koalo tire nalo aju ajakigsorlo, mia ea bogo na, tomu nalo nei maka aildielo.

1 Korin 9:5 ပူးပေါင်းရင်းမြစ်များ

Jone 1:42

Berial ka kuruano nei, ana buru binimei ea Yesu. Ana bogo na Yesu mialio, naio berinavo “?O, jau na naruei kobe tormoruo Jone kenerinio dolu nene, siamo Saimon? Mo vonganei kiniou nesisiaso bereio, never siamo Kevas.” Sio nei bunu naio be iliano na Ipru, napano naio ber puruveru, napano ea iliano na vio Kris aberenio Pitere.

Mataiu 8:14

Ana Yesu naio jo kia ga Kapeneam, ana naio ban ea Pitere kunuano, mia naio mial Pitere koano kenieno mieyulu, naio jo mon ea m̃ano jogu.

Abe Kulo Ju 13:4

Bo ka roviniu rovitii vatitig bajago na soriano naio be kirinovo tai a be vite lu, ana bior vite na, maka rivu ka niamiamo tai rimei rila niegeniege jogu novo napano aboeio ban naljuo neibano ajoro, bior napano aberkar ka mia nalo avuru re bunu dolu. Mia Atua rije tibureiano van nalo na m̃a amiel janea vio, jibe nalo napano ajoro amila siakaiano p̃elina m̃eiaku bija niatira amila siakiano.

Kalesia 1:19

Mia ka bogo na maka neial atevi dolu nalo bunu, mia takurano ga na nemialio, nina kialo navurim̃araboiano napano Yemesi ga, napano naio be kiado Tubo kuruano.

1 Korin 7:39

Ea tivelinio na nalo napano ajoro ruei, nalo monoka atuvanlo re. Tira napano joro ruei monoka to rivu vija koano sum̃ano napano koano nene meul jo kia ga. Mia verver toro neibano rim̃aro, tira neibano mijikia soro bereio, a naio mijikia soro ka toro kei napano jidomio, mia monoka tai napano monmonea bunu Tubo.

1 Korin 7:7

Ver tomu nonovio amijikia atu tibe kiniou, napano maka nosoro, nojo jibe na ga, p̃eli mia bo mia bo, mia nemijikia ka tena joa ga jidomiano napano Atua jian ban kito terakurano.

Im̃auano 1:14

Ana ea bogoti nalo nei, nalo nei, naliko tire nalo, amidu buronlo bogo nonovio ka volkouano. A Mere, Yesu kenieno, bija Yesu kuruano nalo bunu, amidu buronlo nalikolo.

Taitas 1:6

Nalo na, monoka ave tomu napano maka tokoriano tai toa kialo meuliano, monoka asoro ka koalo tira ve takurano ga, napano abe riano tulaka bijaio, a kenerilo nalo, nalo bunu monoka amonea Yesu, maka lele rimemedu kito reial parilo nalo sikili, p̃eli atu atup̃e kialo tormoruo juo kialo iliano.

1 Timoti 5:2

keial tiramoruo nalo atibe ka napano abe koniomo, a keial niatira nalo atibe ka napano abe kuviviniomo. Ver jau kala tibe na, mia kanamo jidomiano rimeravo rivu dam̃ariga.

1 Timoti 3:2

Vite na jukamu, navurim̃ara-boiano naio monoka ve toro tai napano maka ve vite tai na bova toa kiano meuliano. Mia naio monoka rivuru tira ve takurano ga, a rive riano tu laka vijaio. Mia naio monoka telan vuu vatitig ka kiano bajago nalo, mia naio monoka ve masou, mia tomu nalo monoka aialerinio eaio, mia naio saaro ka rivitikar toro dolu ea kunuano, a mia monoka naio rijikia vatitig bajago na verloglogiano.

1 Korin 7:15

Mia ea tivelinio na naljuo nei napano tai monmonea mia tinene maka monmonea, ver naio napano maka monmonea jidom tuvan koano napano monmonea, kito namoneano dolu nalo monoka rojamo ka tibe na ga. Ver napano maka monmonea maka bunu sidom napano monmonea, maka rojikia rola von ka royuku napano monmonea ka to vija koano neibano napano juvan naio, bior napano Atua jidom ka rotua meuliano tai napano bujo bija bajago na tum̃aro.

1 Korin 1:12

Nomijog napano kamiu terakurano kumitu kuber kenemiu bagaro nalo. P̃eli tai berinavo “O, kiniou natakisor Pol,” p̃eli dolu river “O, kiniou Apolos kiano,” p̃eli tai bereio, river “O kiniou neiasol Kevas kiano bagaro.” Ana tealo bereio nalo abitirilar kialo bagaro dolu na tertelisu nalo, abuku bulag dolu nalo, aberenio “O, kumemi ga nube tomu na Kristo kiano riano.”

Romo 16:1

Bilbilu nalo, nojidom netetavoko kiaku m̃esi ea iliano nalo tai ea tivelinio ka kamiu nalo tealo. Ea tivelinio na kuviviniedo nei Vipi, napano naio naruei ridu m̃esi nene riviedu ea kamiu, nejidom kuvijikia ka naio be ijaiano novo tai ea taara na namoneano nalo na ea komeli na Kenkria,

Jone 2:12

Bisi naruei ana nalo abiniu aban bere ea Kapeneam bereio, nina be Yesu, kenieno, a kuruano nalo, bija kanano naiagagoano nalo, abinimei abokar vio nei ana aju kija jibe na ba bokar legiano nalo tai.

Luka 6:15

a Mataiu, a Tomas, a Yemesi, napano Alveas kenerinio, a Saimon, nanua m̃a mila poletik, jidom ka rijil bulag kulo Romo, a Jutas, na Yemesi kenerinio,

Yesu Kristo Kiano Ioluano Vou Napano MAK Bivitauiaio 6:3

Kito romijikia kema na naruei. Naio be toro na mim̃auka yimo nalo ga na, tira na Mere kenerinio na. Mia nalo nei Yemesi, a Joses, a Jutas, a Saimon, nalo na abe kuruano nalo. A kuviviniene nalo, nalo nei napano aju kitoliko ga.” Naruei nalo tiniel jer naio, maka asidom naio.

Yesu Kristo Kiano Ioluano Vou Napano MAK Bivitauiaio 1:30

Naruei ea m̃aratavo nene, Saimon kenieno simemi, naio mie m̃a niabene bituvitunu na naio jom̃a mon ea ga m̃ano jogu, mia nalo aberial ka Yesu.

Mataiu 13:55

Romijikia tete nei ruei. Naio karam̃ano napano be toro nam̃a mim̃auka yimo ga napano Yoseve, a napano kenieno, tira napano Mere. A kuruano nalo, nina Yemesi, a Yoseve, a Saimon, a Jutas, nalo na abe kurualo ea naio.

1 Timoti 4:3

Vite tealo napano mia averenio naio jibe nei, ka toro maka bunu rijikia soro, a mia ala veliano lu ve telabo ea sinaniano novo nalo napano Atua naio jiilo be sado ka romijikia rasaaro ka rejevio. Bior kito napano romonea a romijikia vite napano be riano, kito roju rejen julaka, roju reber siva ban naio biorio.

1 Korin 7:8

Nojidom never iliano tai van nalo napano aju ga jibe na, jibe nalo napano maka asoro vo, bija taanou nalo. Kiniou nemial jibe ver kamiu kumijikia kuvitu tibe na ga, jibe napano kiniou bunu nojo nomilaio, mia rivu mia rivu.

Luka 8:20

Mia tomu nalo aber lilian iliano binimei bokar Yesu, ana aberenio aberinavo “!Ai, koniomo naliko kuruamo nalo, nalo yako ajikili aju tavio, ajidom aialso beamu vo!”