1 Korin 8:11 - Verikariano Vou Na Baki

¹¹ Nina berenio ka jau kojo kojakii kiamo jikiaiano novo, kobitilubario ka komijikia kala vite na. Mia monoka tiniemo maio ka toro dolu na, napano naio be kuruamo tai napano Kristo m̃aro ka rilarur kiano meuliano, bior naio merou laka ka rilaio. Tibe na, ver naio rial napano bogo tai komilaio, mia mijikia rila ka napano komila bulag kiano viekouoiano novo.

1 Korin 8:11 ပူးပေါင်းရင်းမြစ်များ

Romo 14:15

Ana verver jau kojidomii ka sinaniano nalo abo ka asenio, komijikia koto kalala ga, mia ver kuruamo dolu naio bel kanio, jau kala vonio re ka naio bunu monoka senio. Ver maka, mia komijikia kola bulag vatitig kiano jidomiano, a nina maka bajago novo tai na kito tomu nalo napano tiniedo titii kito ka rolaio. Jau monoka tiniem maiio ka Kristo m̃aro ka rila kiado meuliano rivu, mia maka rivu rotuvan jidomiano tertelisu nalo tivelinio na sinaniano nalo amei ve tena tortoru nalo napano atu ala bulag kiado meuliano bereio.

1 Korin 8:13

Bior vite nei, nomila kiaku ji-domiano tai, ka ver kiaku bajago ka nosen sunbue nene naio be titai napano mila bulag kuruaku kiano viekouoiano, mia notuvanio ga. Mia notokolio re bunu, bior napano maka nosidom ka mia nola kuruaku rijoru.

1 Korin 10:33

mia bo ka kuvila von ka kuvila tibe na kiniou nojo nemilaio kalo. Ea vite nonovio napano nojo nemilaio, maka nala von ka nala ka rivu van kiniou, mia namila von ka nala rivu vanlo, ka rila ka p̃eli nalo tealo amijikia avokar ioruriano.

Jone 6:27

Mo, kanaku ilirianiano van kamiu naio jibe nei: kamiu kuvitum̃a kuvisidomii m̃ele re rivior sinaniano ga napano naio be tena bogo bulati ga naio joono bereio. Mia bo kanio kuvim̃au sikili rivior sinaniano nei na m̃a naio mijikia to dam̃ariga to, naio mijikia to to riva rivokar bogo na meuliano nei napano naio maka ve jukuti nene. Be riano, mia kiniou Kulorinio Kenerinio nemijikia nesian meuliano nene van kamiu, bior ka napano teta Atua naio jekarlar kiniou takurano ga ka nela tibe na.”

1 Korin 8:4

Bo ga, nina naruei kiaku iliano juo bereio ea tivelinio na sunbue nalo napano amila sida kanio ban tavoru nalo. Nana be moti ber jibe nei, ber kito romijikia vatitig ka tavoru nalo na abe toto ga, ana maka ave toto ka vite na be riano tai leleio. A juo nene jibe nei, ber kiado Atua naio takurano ga be riano ju.