1 Korin 7:5 - Verikariano Vou Na Baki

⁵ Jibe na, tai monoka tukovio re ka dolu rimei re vaataro kanio. Ee, p̃eli bogo tai ave juo averiio, ajamo ka mia atuvanlo, abe juo maka amon vio takurano ea bogo ve telisu, ka rila amijikia abolkouo sikili rivior vite tai beamu, a nina naio bo ga. Mia iorou, ave juo monoka asaaro ka amei vio takurano bereio, bior napano ver makanio, p̃eli Sim̃aro bitilubar napano tai melukluku, maka bunu rijikia rivokar naio, ana mila mijoru ea jukujukuano ea vio tai.

1 Korin 7:5 ပူးပေါင်းရင်းမြစ်များ

Mataiu 19:11

Mia Yesu ber kalo, naio berinavo “Nao, be riano ka napano be tomu tealo napano mia asoro re bogo tai, jibe ka napano tealo amiyotuba mia niabele nalo abova, p̃elina tealo napano amila bulag niabele nalo, jibe ka napano ajivivi nalo, naruei nalo maka ajikia asoro. Mia tomu tealo maka asoro bior ka napano nalo ajuvan soriano ga ka amim̃au jikili ka Atua kiano navenatuboiano. Mia Iliano Lu naio berinavo bo kanio sum̃ano a tira, ave juo asoro, a bo ka nalo ve juo atu rivu vija naljuo rivokar jukuti na kialo meuliano nalo ve juo. Mia jau napano jau kajaaro ka iliano nei, a napano jau komial ka napano Atua naio mila jibe na banso ruei, mia bo ka kovokar sikili iliano na ea kiamo meuliano.”

1Tesa 3:5

Nina naruei mila nomijog ka maka nejikia noto tibe na ga, a monoka nala titai ka nojog iliano tai river kumitu jum̃abe. Kiniou nemerou kija ka toro va na rila vonvon toro nei, p̃eli naio mial kiano m̃arabo tai ka rila kamiu kuvijoru ruei, mia nojidom nojog kamiu kumitu jikili kia ga vo p̃eli na jum̃abe, bior maka rivu ka kenememi im̃auano novo nalo napano ea kamiu rimei rive iakurano bereio. Jibe na naruei, nomiila Timoti biedu.

Mataiu 4:10

Mia Yesu naio mil ban Sim̃aro, berdop̃e kiano iliano, berinavo “Jau kovuro den kiniou, Sim̃aro. Niosi Lu naio berenio ruei, berinavo ‘Mia jau kolotu ka ga Tubo kiamo Atua, naio ga takurano, mia naio ga kala kanano im̃auano.’”

1 Korin 7:4

Tira napano joro maka jikia river mokotenano be kanano naio takurano, mia koano sum̃ano mijikia river be kiano bunu. Mia sum̃ano napano joro maka rijikia rivere mokotenano be kanano naio takurano, mia koano tira mijikia river be kiano bunu.

Mataiu 17:21

Mia ka natitiglariano na niadu nalo tibe nei, m̃arabo nene jibe nei: toro naio monoka rivolkouo, a naio rimodulu ka sano sinaniano. Ea bajago na ga, mia naio mijikia titiglar niadu ninio nalo na.”