1 Korin 3:22 - Verikariano Vou Na Baki

²² Kiniou Pol bija Apolos a Kevas, kumemi numila im̃auano novo ban kamiu ruei, a vonganei yetemeriba nei joa jumemiu. P̃eli kumeul p̃eli kum̃arm̃aro, p̃eli kumitu vonganei p̃eli kuvitu ea bogoti napano ju ka rimei, mia vite nonovio be kenemiu ruei,

1 Korin 3:22 ပူးပေါင်းရင်းမြစ်များ

Jone 1:42

Berial ka kuruano nei, ana buru binimei ea Yesu. Ana bogo na Yesu mialio, naio berinavo “?O, jau na naruei kobe tormoruo Jone kenerinio dolu nene, siamo Saimon? Mo vonganei kiniou nesisiaso bereio, never siamo Kevas.” Sio nei bunu naio be iliano na Ipru, napano naio ber puruveru, napano ea iliano na vio Kris aberenio Pitere.

1 Korin 1:12

Nomijog napano kamiu terakurano kumitu kuber kenemiu bagaro nalo. P̃eli tai berinavo “O, kiniou natakisor Pol,” p̃eli dolu river “O, kiniou Apolos kiano,” p̃eli tai bereio, river “O kiniou neiasol Kevas kiano bagaro.” Ana tealo bereio nalo abitirilar kialo bagaro dolu na tertelisu nalo, abuku bulag dolu nalo, aberenio “O, kumemi ga nube tomu na Kristo kiano riano.”

2 Korin 4:5

Kumemi numitu numioliolu ka nina naruei, ninei Yesu Kristo, kiado Tubo. Maka nuvitu nuvidular kumemi ka kamiu bereio, mia kumemi tomu na im̃auano na kenemiu ga, ka nuvioliolu ka Yesu van kamiu ka kuvijikiaio.

Vilip 1:21

Venia na joa kiniou naio jibe nei, berinavo ver kiniou nemeul, mia Kristo kiano meuliano na bo naio to vija kiniou, mia ver kiniou nam̃aro, nava noto vija naio, naio bo lie vo bereio.