1 Korin 16:11 - Verikariano Vou Na Baki

¹¹ Kamiu kuvituvan re ka tomu tealo avitii rivova ka naio, ana mia kuvitikar vatitig naio ea bajago na tum̃aro, karina kuvidu naio toa kiano m̃arabo ka naio mijikia rimei ea kiniou rivu, bior napano nojo rorea naio bija kuruado dolu nalo ka asel ea vio nei.

1 Korin 16:11 ပူးပေါင်းရင်းမြစ်များ

1 Timoti 4:12

Ver tomu tealo atu avitso rivova bior napano jau kobe m̃eaku ga, mia komerou re, koim̃au p̃ilinio ga. Lerinio jau kobe m̃eaku ga, mia jibe ka napano kojo komila, monoka kesiloglog m̃arabo ka namoneano dolu nalo. Mia bo ka aue jaamo, napano koberloglog vatitiglo bo ea meuliano kirinovo, ea tivelinio na iliano, ea tivelinio na bajago novo, a ea tivelinio na tinietiiano, viekouoiano, a meravoiano.

Im̃auano 15:33

Nalo aju amil banlo jibe na ea legiano telabo, ana iorou kanio, ana nalo na vio Antioko amivenlo aban bereio ea kialo m̃arabo, abolkouo ka naljuo, aber “Tum̃aroano na Atua kiano to vija kamjuo.” Ana naljuo abavin bereio ea vio Yerusalemo.

Taitas 2:15

Iliano nalo na naruei mia koto koverialio. Toro napano bo ka atunukakar naio, jau kotunukakario, a toro napano bo ka ail van naio, jau koil vanio. Bogo nonovio jau koim̃au vija moroano a sikiliano, a jau kotuvan re ka ailkueso p̃eli asidomii iakurano easo.

1 Korin 16:10

Ver kamiu kuvial napano Timoti riyotuba kean kamiu, neber bo, kamiu kuvijuku rivu ka naio, kuvila rijog rivu ka to vija kamiu, bior napano naio jo mila Tubo kiano im̃auano, beverarei ka na nojo nemilaio.

1 Korin 16:6

Maka nejikia vatitig vo ka mia noto vija kamiu rivokar bogo vaio, ana nojo nojidomii ka noto vija kamiu ea bogo na niavo napano ju ka rimei, a kario ka nina, kumijikia kuvitii kiniou bereio ea kiaku m̃arabo, ka navan ea vio vabe bereio na navan eaio.

3 Jone 1:6

Nalo abinimei aberialio ea mirano namonea nalo na lotuano na vio na ruei, aju ajukunu ka kanamo im̃auano na bo na kanamo tinietiiano. Naruei tomu ta bunu abiedu bereio aju kamliko vonganei, naruei nebika denso ka jau kajailo bunu. Ana vere ala nonovio im̃auano ribisi, mia bo ka ver kamiu kuvitii kiri titai ve telisu ka riijailo ea kanalo m̃arabo, tibe ka na memedu ka ala van toro na mila Atua kanano im̃auano.

1Tesa 4:8

Tibe na, toro napano maka tinien saaro ka verloglogiano nalo nei, naio monoka rivitilubario ka maka toro kiano iliano ga na naio jo bukular, a naio jo bukular Atua kiano iliano ga na, nina napano midu kiano Niununo joa kito, napano naio be Niununo napano be Lu.

Luka 10:16

A Yesu ber bunu ka nalo, berinavo “Toro napano verenio ka mia naio rudukar kamiu, naio jo midukar kiniou, a ver toro napano maka sidom kamiu, naio jo maka sidom kiniou, a ver toro na maka sidom kiniou jibe na, naio jo maka sidom toro na toru napano naio miila kiniou nebinimei.” Naruei bija iliano na, Yesu miila kiano naiolioluano nalo abatavio ka ala im̃auano.

Im̃auano 15:3

Naruei, kulo namoneano nalo amiilalo abano, abatove ea tanobuku na ea vio nalo na jibe kanio Vonisia, karina vio Sameria, a ea bulukomeli nonovio napano amiovodudulu eaio, ajum̃a abior bija kulo namoneano nalo, a ajum̃a ajukunu naliko ka jum̃abe ana nalo aba ajeliviv ea bunu nalo napano maka ave kulo Ju, a aberial Lilianiano Vou na bo banlo, a jum̃abe ana viobujo kalo abiliglo abinimei ea Atua ruei. A kialo veriiano nei naio mila namoneano nalo ajaaro toru laka, a nalo abamenea Atua biorio.

2 Korin 1:16

Riano, nojo nojidomiio ka nesel ea kamiu ea bogo ve va juo ruei, beamu ea bogo napano nojo nabano Masetonia, a juo nene ea bogo napano nojo nebinimei bereio, napano neberiam̃a mia kamiu kuvitii kiniou noto vatitig ea kiaku m̃arabo ka navan yako Yutea, mia be deio. Nojidom nola rivu ka kamiu tibe na, mia tibe napano kumijikia ruei, maka bunu nejikia nalaio.