1 Korin 15:45 - Verikariano Vou Na Baki

⁴⁵ A bunu, romijikia rosidomii toro moti nei napano Atua jiio, napano be Atam, bija Atam na maariano napano midu joa yetemeriba, napano be Kristo. Iliano tai berenio ber Atam, Atua jii naio binimei bija mokotenano tai napano meul, ana Kristo, Atua miila naio binimei bija niununo tai napano be burupati na meuliano.

1 Korin 15:45 ပူးပေါင်းရင်းမြစ်များ

Jone 5:21

A bunu, tibe ka napano Teta naio bitiri bulag bereio nalo napano m̃a am̃arm̃aro naio jian bere kialo meuliano banlo, mia kiniou Kenerinio bunu nemijikia nesian meuliano van toro kei nam̃a nojidom nesian vanio.

Romo 8:2

Nina kar napano beamu, kito rojua meuliano va tai napano bajago na kariano bavavin a napano berkar m̃ariano ban kito, a iorou, Yesu Kristo midu kito rajaluvo meuliano na, midu kito rojua m̃arabo vou dolu tai napano romijikia rovokar meuliano nabo napano Niununo Lu jianio.

Jone 6:63

Kanaku iliano nalo nei abe m̃arabo na Niununo, abe m̃arabo na meuliano. Kulorinio naio mijikia rivar bere kulorinio, mia kulorinio naio maka rijikia sian meuliano riano nei van kulorinio dolu. Vite na Niununo na Atua kanano ga naio mijikia sianio.

Jone 14:6

Ana Yesu berinavo “Kiniou nebe burupati m̃arabo, kiniou nebe burupati ilirianiano, kiniou nebe burupati meuliano. Maka toro tai rijikia rivan ea karam̃aku, ver naio maka selea kiniou.

Jone 6:57

Karam̃aku na be burupati na meuliano, ana naio miila kiniou nebinimei, mia kiniou nojo nomeul ea kanano meuliano napano joa kiniou, naruei naio napano m̃a jen niamonioku, mia naio rimeul ea kanaku meuliano napano joaio.

Jone 6:33

Atua kanano joko be kiniou napano najaluvo ea vio mave nebinimei yetano, ka nesian meuliano vou rivan tomu na yetemeriba nalo.”

Jone 6:54

Mia naio napano m̃a jen niamonioku, a naio munu kanaku burukija, naio bokar meuliano napano maka ve jukuti nene, mo mia kiniou nevitirilar naio bereio ea legiano na maaro, nala naio rimeul bereio.

Navisip̃eiano 22:17

Mo Atua niununo naio mijog iliano nalo nei, naio ber ka Yesu, berinavo “Bo ga, jau komijikia komei!” Tira na ju ka soro kanio, naio berinavo “Nao, bo ka jau komei naruei!” A toro kei napano naio mijog iliano nalo nei, bo ka naio bunu riverialio, riverinavo “O Yesu, ver jau komei ga!” Mia kei napano midou jer, kuvetavo ka m̃aratavo kanio ka naio mijikia riviedu joomo. Toro napano naio jidom rimei, mia naio mijikia rivokar m̃ano uei na meuliano, jibe ka kanano jidomiano kurano tai ga.

Navisip̃eiano 22:1

Karina, nailiano jiloglog parinio uei na meuliano ka kiniou. Nemial napano be uei novo nene, naio meravo mia meravo, naio jo mieraro miyotuba jikar ea vio lu na Atua napano Nunu Solbouo juaio.

Navisip̃eiano 21:6

Ana naio mil du kia ga, berinavo “Kiaku im̃auano nonovio, nemila nonovio biniu ruei! Kiniou nebe motoru a nebe natumaariano, kiniou natikariano a najuluvatiano. Toro na m̃a midou jerio, mia noviov m̃ano uei tai ea burupati uei na meuliano, nesian van naio rimunuio tibe na ga.

Kolosia 3:4

bior ka Kristo naio naruei be burupati na kiado meuliano vonganei, mia iorou kanio, bogo napano mia naio riyotuba ea tomu nalo miralo, mia kito bunu royotuba vija naio ea kanano burum̃ara mermerano.

Vilip 3:21

Mia bogo na ver naio rimei, mia rim̃au vija kanano burum̃ara moroano napano bare ka rila vite nonovio atu yetano ka kanano tuboiano, naruei naio mia rivilig kito. Vonganei, roju bija kuluniabedo moruo nalo na yetemeriba nei, napano amenunu, aburu kokorovio, abe tena m̃ariano ga, mia naio sian kuluniabedo vou tai, na naio bo jibe ka niabene, napano naio meravo, naio merera, naio jikili, naio jobo to tobo to.

Romo 5:21

Beamu, kariano buru m̃ariano binimei, mia m̃ariano nene na naio jo mila kariano jo juvulu bogo nonovio. Mia iorou, Atua mila kiado m̃arabo ka romei memedu ea mirano, mia nina mila ka vonganei kiano tinieseseiano naio juvuluio, kar napano jo mila ka kito roviniu napano romonea Tubo Yesu Kristo, mia rovokar meuliano napano maka rijikia ribisi.

Romo 5:17

Be riano napano toro takurano kiano kariano ga, nina Atam, mila nam̃ariano jo juvulu kito, napano mia mijikia rivar bulag tomu nonovio kialo meuliano. Mia iorou, toro dolu kiano tinievuiano, nina Yesu Kristo, jian jidomiano novo nei ban kito napano vonganei, romemedu ea mirano Atua, a rojuvulu m̃ariano ruei, a mia iorou robokar meuliano novo vija naio.

Im̃auano 3:15

Tenene na mia kamiu kumuebin ruei Burubati Na Meuliano naio m̃aro, mia iorou kanio ana Atua mila naio meul bereio den nam̃ariano, mia vite nei naruei kumemi numial ka mirememi, ana na numitum̃a nuber lilianio.

Jone 14:19

Bogo teliki ga jo kiano vo, vesiou lele re, karina mia tomu nalo na yetemeriba nei ajikia re bunu aial kiniou bereio. Mia kamiu ga kuvial ka napano mia nemeul bereio, a bior mia nemeul, mia kamiu bunu kumeul.

Jone 10:28

Kiniou nojom̃a nejian meuliano nei napano maka ve jukuti nene banlo, ka mia ava kovio deio, a ve re toro tai napano mijikia rivuru bulaglo den jum̃aku.

Jone 10:10

Toro na vinauano naio binimei ka rivuru bulag bena nunu, p̃eli na rue binvinlo am̃arm̃aro, p̃eli na ka rila lelanlo ve toru ga, mia kiniou nebinimei ka ajikia avokar meuliano, ka amijikia asaaro ka meuliano tai napano rivu laka rivanlo.”

Jone 6:68

Ana Saimon Pitere naio berdop̃e, berkar jikili ban Yesu, berinavo “Tubo, ver kumemi nuvituvanso, mia kumemi nuva nuvitakisor kei bereio? Jau takurano ga napano ioluano na meuliano na joaso,

Jone 4:14

Mia toro na naio rimunu uei nei napano nemijikia nesianio vanio, karina mia naio maka rijikia midouser naio bereio. Mia uei napano naio rimunuio, mia rimei tibe ka burupati uei bereio joomo ea kiano iviso, ve uei na meuliano napano maka ve togio eaio, naio jom̃a mieraro den naio dam̃ariga, maka rijikia tabo bogo tai.”

Jone 4:10

Naruei ana Yesu naio berdop̃e berinavo “!Tira, verver jau komijikia ga ijaiano na bo napano Atua naio jidom sian vanso! !Verver jau komijikia ga ka kiniou nebe kei nei ga nam̃a nebika uei denso! Ver tibe na, vede maka ve kiniou na nebika uei denso, ana mia jau kovika uei den kiniou. Mia bogo na ver jau kovika uei den kiniou, nemijikia nesian uei na be uei na ridu meuliano vanso.”

Jone 1:4

Meuliano na be riano maluvo den naio ga, naruei meuliano nei binimei jibe ka yulu na taara nonovio na tomu nalo.

Navisip̃eiano 16:3

Bisi na nailiano juo nene naio miyon bulag kanano basidobidobi ban ea tei, ana sano uei nene miou ba mila tei binimei be burukija jibe ka toro na m̃aro kanano, ana temeul nalo napano ajuaio am̃arm̃aro nonovio.

1 Korin 15:46

Jakii nina, romial ka vite na tivelinio na mokotenano, binimei beamu, mia vite na tivelinio na niununo, binimei maariano.

Abe Kulo Ju 9:14

Mo na ver burukija na temeul ga mijikia rila tibe na, mia Kristo kiano burukija naio mijikia rila riva lie vo ve toru laka. Kristo naio be toro lu tai, naio meravo nonovio, maka ve niajebijo tai toaio, naruei naio mijamo ka kiano meuliano ka Niununo Lu mijikia rudu van Atua tibe ka ijaiano tai, ana naio binimei be kiado naioruriano. Tibena na mia burukija na Kristo mijikia rila tiniedo rimeravo, rivurular kito den kiado im̃auano na m̃ariano nalo rivitiri bulag kito, ka romila Atua na meul kiano im̃auano.