1 Korin 14:7 - Verikariano Vou Na Baki

⁷ Nina jibe ka p̃i m̃arauo tai, ver kiano terati jooa nalo avova, mia bogo na aserei kanio, maka rojikia rojog lubar vatitig iou venia napano ajerei kanio.

1 Korin 14:7 ပူးပေါင်းရင်းမြစ်များ

1 Korin 14:8

P̃eli ver tubo tai jidom rue p̃i, mia p̃i minunu, maka jikia riolu m̃elea, mia tomu nalo maka ajikia ajoglubario ka tubo mue p̃i bior vaio.

1 Korin 13:1

Tinietiiano, naio be vite tai napano monoka ve vite moti ea kiado meuliano. P̃eli nemijikia neil sel kulo dolu kialo iliano, p̃eli nemijikia neil ka agelo nalo kialo iliano, nina bo, mia ver kiniou tinieku tii re tomu nalo, mila napano kiaku iliano nonovio ajibe ka p̃i tai napano amue vovu, miolu kurano ga.

Luka 7:32

Vite nonovio na Atua mila ka rilavonio rivu van kamiu, mia kamiu maka kuvisidomio ga, mia kumil niegeniege naio ga biorio. Bior bogo napano Jone naio binimei, naio jom̃a monodulu ka m̃a bolkouo, a naio bel ka m̃arjum̃elm̃elu, mia tomu nalo amial jibe na, nalo ajum̃a amilia naio aberinavo ‘Tete na sim̃aro juaio.’ “Mia bogo na kiniou Kulorinio Kenerinio nebinimei nojo, nejinan batitig bo a nomunu batitig bo, naruei amilia kiniou, aberinavo ‘!Keal, tete na naio be toro nam̃a jinano m̃ele, a naio be toro nam̃a munu m̃elea m̃arjum̃elm̃elu, a napano kanano bilbilu nalo, nalo abe tomu nam̃a abarbijii takis a tomu na abova!’ “Bior vite na naruei, kiniou nemial kamiu tomu na vio banei napano kamiu kumitibe ka kiritete nalo, napano ver ajum̃a amijejea ea vio yauo na komeli, mia nalo aviovio aiagiaga van kialo bilbilu sesa nalo, averinavo ‘!Oi, kamiu kubova na! Ver kumemi numitum̃a numue bulaiu, mia kamiu maka kuvisidom kuvolu rivija kumemi, p̃eli na ver kumemi numitum̃a numiou ka iou na m̃ariano, mia kamiu maka kuvisidom kuviteg vija kumemi!’

1 Korin 14:6

Bilbilu nalo, kuvisidomii vonio ver kiniou, bogo nojo nebinimei ea kamiu nojo nomioliolu ban kamiu jel iliano dolu tai napano Niununo Lu jiianio ban kiniou. Tibe na, mia kiaku iliano nalo maka ajikia aija kamiu leleio. Mia bogo na nemil ban kamiu jel iliano napano kumijoglubario, mila na venia napano nejianio ban kamiu, jibe vite vou tai napano Atua berloglog ka kiniou, p̃eli jikiaiano tai, p̃eli verialiano tai na Atua kiano iliano, p̃eli verloglogiano tai, mia mijikia rijai vatitig kenemiu meuliano.