1 Korin 12:9 - Verikariano Vou Na Baki

⁹ Ea tai, jian viekouoiano toru. Ea tai, jian napano mijikia milarur namieiano nalo.

1 Korin 12:9 ပူးပေါင်းရင်းမြစ်များ

2 Korin 4:13

Iliano tai joa Niosi na Iouano Lu nalo, napano toro tai mil, ber “Kiniou nomonea ruei, naruei mila na kiniou nemijikia neverial iliano,” Iouano 116:10 a numialio jibe niununo na vie-kouoiano napano joa toro na, vonganei binimei toru ea kumemi bunu. Kumemi numitibe ka naio ga, napano kumemi bunu numonea, a vite venia napano numonmoneaio, nina naruei numijikia nuverialio.

Eveso 2:8

Atua naio milarur kamiu ea ga kiano tiniememiano, bior kamiu kubarkar tiniemiu ea naio. Vite na maka rimaluvo ea kenemiu im̃auano novo tai, makanio, mia Atua ga naio jian kurano ka ga ban kamiu.

1 Korin 13:2

P̃eli burum̃ara moroano joa kiniou ka neverial Atua kiano iliano, p̃eli na nemijikia vatitig vite telabo napano tomu dolu nalo maka ajikiaio, p̃eli na kiaku viekouoiano toru laka bare ka nobolkouo ka tenalo na tortoru mia amaluvo, vite nalo na abo laka, a ver tinieku tii re tomu nalo, nebe iakurano ga.

Abe Kulo Ju 11:33

Be riano keana, ver romijikia rojog tukunuano nalo nei ga, nalo bo mia bo. Ea kialo viekouoiano na ea Atua kiado tormoruo nalo amila burum̃ara vite nalo telabo. Reialio ka napano amila mira, ajovulu buruvenuo dolu na jikili, amila napano tomu na vio ga nalo monoka aim̃au takii tuboiano memedu, mia ajikili ka avokar venia napano amijikia ka Atua naio berkario banlo. Kulo dolu nalo abukulo aban ea bulukup̃ili na laion ka aserlo, mia maka ajikia aserlo.

1 Korin 12:30

A abiniu amijikia ala rur mieiano nalo? P̃eli abiniu amijikia ail ka iliano dolu nalo, p̃eli avilig iliano dolu nalo?

1 Korin 12:28

A Atua bitiri bulag kito terati nalo na Kristo mokotenano, ka rola im̃auano nalo na lotuano. Na beamu, Atua bitiri bulag tealo abe navagadeano, na juo nene tealo abe atevi, na tolu nene, tealo abe naverloglogiano, a iorou kanio, nalo napano amim̃auka vremesiano, p̃eli amilarur mieiano nalo, p̃eli abitikar im̃auano ea lotuano, p̃eli amijev iliano dolu nalo, jibe na.

Yesu Kristo Kiano Ioluano Vou Napano MAK Bivitauiaio 16:18

mia ver bogo tai avokar maro tai, mia nalo avu ga, a ver bogo tai amunu vite tai napano monoka am̃aro kario, mia vite nene naio maka rijikia rila titai kalo, a mia adu jum̃alo toa namieiano nalo, naruei mia nalo amei avu bereio.”

Im̃auano 5:15

Bior vite nalo nei bunu, tomu nalo aju aburu kialo tomu na mieiano nalo abinimei, ana amidu nalo aju amon ea m̃alo jog a m̃alo yebe nalo, ea ikim̃arabo. Nina nalo amila jibe na ka bogo na Pitere naio riel sel ea vio nei, mia verenio niununo nene ga tokol nalo tealo, mia nalo avu bereio.

Luka 10:9

a mia kamiu monoka kuvieliel ka tomu na mieiano nalo na vio nene, a kamiu kuvijikia kuver kalo, kuver ‘Vonganei, Atua kanano navenatuboiano binimei vaataro ka kamiu, vonganei Atua jo binimei ka ve kenemiu Tubo naruei.’

Luka 9:2

Naio mila jibe na ka mia naio riila bulaglo ka mia ava aioliolu ka Atua kiano navenatuboiano, a ka aieliel ka namieiano nalo.

Yesu Kristo Kiano Ioluano Vou Napano MAK Bivitauiaio 6:13

a amijil bulag sim̃aro telabo den tomu nalo, ana nalo amionion bonotanunu na m̃arolivi teliki ea tomu na amie telabo parilo, jibe kijokijo tai na Atua kiano ilivuiano, ana amijog bo bereio.

Mataiu 21:21

Naruei Yesu berdop̃e berii kalo, berinavo “Riano ga kiniou neberii ka kamiu, verenio kamiu kuvitu sikili ea kiniou, ka mia kenemiu jidomiano riveve juo re, mia kamiu bunu kumijikia kuvila tibe na, mia kamiu kumijikia kuvila bunu nana mave lie vo ka ninei. Verenio kamiu kuver ka burum̃ara suku na, ka naio tumolu tabujo rivan ea tei, mia naio rila tibe na.

Mataiu 10:8

Mia monokanio kamiu kuvieliel ka namieiano nalo, a kamiu kuvurumeulia tomu nalo napano am̃arm̃aro ameul bereio. Kamiu kuvilarur nalo napano burumieni milalo, niabelo ameravo bereio, a kamiu monokanio kuvititig bulag niadu nalo ea tomu nalo. Im̃auano nalo na, mia kamiu kuvim̃au kanio ea moroano tai napano kamiu kumijev kurano ka ga, ana mo mia kamiu monokanio kuvisian kurano ka ga bereio van tomu nalo.

Im̃auano 10:38

Burum̃ara vite nene, nina Yesu na vio Nasarete na bija burum̃ara im̃auano nalo napano naio jom̃a milaio, napano Atua midu kanano Niununo Lu banio, bujolou batitigio toru eaio, a naio midu kanano burum̃ara moroano toru banio, ana Yesu jo miel jeliviv ea vio nonovio, mila im̃auano novo nalo a mila batitig bunu ga nalo napano Sim̃aro jom̃a mila lelanlo laka. Yesu mila vite nalo na, bior napano Atua jo bija naio.