1 Korin 12:6 - Verikariano Vou Na Baki

⁶ a jidomiano novo telabo ka ala im̃auano aju, mia Atua naio takurano jo mila abavavin ea kito nonovio.

1 Korin 12:6 ပူးပေါင်းရင်းမြစ်များ

1 Korin 12:11

Nina naruei ijaiano nalo napano Niununo Lu naio takurano ga mijikia ridu toa toro kiano meuliano, jo jian bulagio ban kito terakurano jakii ga venia napano naio jidomio.

1 Korin 3:7

Naruei monoka rovitilubar ka toro napano mebija kurukuti a naio napano se toti nene, naljuo maka leleio ala titai na toru, mia naio napano mila burupati binimei toru bar m̃arati, naio naruei mila titai na toru.

Jone 5:17

Ana na Yesu berdop̃elo, naio berinavo “Karam̃aku, naio jom̃a mim̃auka kanano im̃auano nalo na bo ea bogo ninio, ba bokar bunu Legiano Lu nalo, mia kiniou bunu monoka noto nala tibe na ga napano naio milaio.”

Kolosia 3:11

Bior vite nalo na, kito maka bunu rejikia retiburevure tomu nalo, ka mia rover tealo abe kulo Ju, mia tealo abe tomu na vio dolu nalo ga, p̃eli na tealo abe navakuveuiano, mia tealo maka atibe na, p̃eli tomu tealo abe tubo, a tealo abe tomu na im̃auano na tubo kiano ga. A maka rejikia rover tom tealo roverinavo aberloglog batitiglo tenene na amijikia vite, a nalo tealo abe kulo yeturu ga napano maka ajikia vite. Mia be burum̃ara vite tai ga napano mia romijikia rovitii toro kanio, rober naio rimonea Kristo p̃eli maka rimoneaio, bior Kristo naio joa vite nonovio a ea tomu nalo nonovio.

Eveso 4:6

a Atua takurano ga napano jo, napano naio be kulorinio nonovio karam̃alo, a naio mije tuboiano ka vite nonovio, a naio mila kiano im̃auano miyotuba ea vio nonovio, a naio joa kulorinio nonovio kialo meuliano.

Abe Kulo Ju 13:21

Ana kiniou nabarkar tinieku ea naio ka mia naio sian vite novnovo nalo riviniu napano kamiu kuvisidom ka kuvila kanano im̃auano ea yetemeriba nei tibe ka na naio jidomio. Naio jo mim̃au ea kanado meuliano nalo beve terakurano ea ga Yesu Kristo, ana naio jo mim̃auka batitig kanado bajago binimei jibe ka na naio jaaro kanio, ana mia kito reiaia naio ve toru laka riviorio, rivanvano-o na mia rijikia re ribisi, Mm.

Kolosia 1:29

Kiniou nojo nobukudeli bijonio bior vite na, mia bogo nonovio nojom̃a nemim̃au ea moroano na toru napano Kristo naio jo misonio ban ea kiniou.

Vilip 2:13

Mia kiniou nomonea ka romijikia ralaio, bior ka Atua ga na naio jo mim̃au ea kiado meuliano terakurano, naio jo miija batitig kito ka rila kanado sidomiano nalo ajaaro ka rila kanano sidomiano, mia naio rila kito ravare ka rala tenene.

1 Korin 15:28

Mia bogo napano Atua ridu vite nonovio atutano ka Kristo tibe na, mia Kristo, tibe Atua kenerinio, ridu naio takurano bereio totano ka Atua, ana mia rila ka Atua naio ve takurano ve Atua ka vite nonovio.

1 Korin 12:5

Jibe ka ga napano bajago telabo ka ala im̃auano aju, mia kiado Tubo naio takurano be parinio ka nonovio,