1 Korin 11:26 - Verikariano Vou Na Baki

²⁶ Bilbilu nalo, naina naruei Tubo kiano iliano ea tivelinio na, a mila ver bogo napano rosen joko vija rodu baja tibe nei, roju romila sidomkariano na kiano m̃ariano, a mia kito monoka rotu rala tibe na vokar bogo napano naio rimaluvo kean kito bereio.

1 Korin 11:26 ပူးပေါင်းရင်းမြစ်များ

Navisip̃eiano 1:7

Kamiu kuvitii vatitig rivu! Naio naruei jom̃a mijian burevure melijo nalo na mave, naio riyotuba rimei. Mia kito nonovio reial naio ka mirado memedu, a vija bunu nalo nanua m̃a ajukukakar naio ea m̃akolkolo, nalo bunu avitilubar naio bereio. A mia ve burum̃ara jogvaiano a tegiano riyotuba ea tomu nalo na yetemeriba, tinielo rimaio ka venia napano amila ban naio ea bogo nanua beamu. Mia monoka tibe ga na, neber “Ee” ban naio kanio.

Abe Kulo Ju 9:28

mia ea tivelinio na Kristo, naio jibe na bunu. Naio binimei miyotuba ea yetemeriba nei, karina mila jokoluolu ka naio ka rivar vironiano na kiado kariano nalo, karina mia riyotuba bereio ve valuo nene, maka ka mia rivulu bulag kariano bereio, mia ka rivuru bulag kito den vironiano na kariano na kiado, na m̃a rabarkar tiniedo eaio, rojidom ka mia naio rimei rilarur kito.

Jone 14:3

Kiniou navan ka nala vatitig rivu kenemiu vio nene, avona bisi, mia kiniou nemei bereio yetano nei ka kamiu, novuru bulag kamiu kumei ea kiniou, ka na mia kamiu kuvijikia kuvitu dam̃ariga vija kiniou ea vio napano mia notoaio.

1 Jone 2:28

Naina naruei, keneriku nalo. Verenio kiado meuliano naio to rivu ea Kristo nam̃ariga, mia maka rejikia rojog rivova ka bogo na ver mia naio riyotuba ka kito bereio. Mia ver maka, mia ve burum̃ara kenieno imouiano, mia rosidom rodu van mirado ka bogo na raial naio to rimei.

Im̃auano 1:11

“!Ai, kulo Kalele nalo! Kamiu kuvijog re rivova, ana kuvitu kuvisirarag re vavin vesio tibe na. Yesu nene napano Atua burular den kamiu bavin tiniabene, monokanio mia naio rimei bereio, a mia rimei bereio tavukia ga na naio bavin tiniabene ruei, napano kumialio vonganei na.”

2 Pitere 3:10

Be riano, bogo tai mia burum̃ara legiano na Tubo kiano riyotuba ea yetemeriba. Mia rimei tavukia toro na bina, napano yetemeriba maka rijikia ka naio jo binimei, mia riilo ka ga napano binimei bokar vio ruei. Ea bogo na, ea vio yauo nalo na tiniabene asaraburuburu tavukia tubaalo, ana avakovio nonovio, a mia sebi sisen vite nonovio rivan riva vokar napano yetemeriba vija vite nonovio napano ajua naio, abisi.

Jone 21:22

Naruei Yesu berkanio berinavo “Ver kanaku sidomiano ka mia naio rivakovio re, mia mijikia to tibe na-o vokar napano mia kiniou nemei bereio, vite na be kanaku, maka ve kanamo ka mia kover titai kanio. Mia venia napano be kanamo ka kala, nober kaso ruei, ka katakisor kiniou nam̃ariga.”

Navisip̃eiano 22:20

Naio napano jom̃a berial iliano nalo nei, naio berinavo “Naio jibe ga na naruei. Vesiou re, mia kiniou noyotuba kean kamiu.” Mia tomu nalo na Atua kanano kialo jidomiano, aberinavo “Ver tibe na, rivu mia rivu laka. Aiou Yesu, jau komei sop̃eli!”

M̃esi Napano JUT Bivitauiaio 1:14

Kuvisidomii von naverialiano tai bunu na tormoruo Inok re nua nua laka, napano naio be togio na terati aluo napano amoluo ea Atam. Naio berii tomu nalo na jibe na naruei, napano ber jibe na, ber “!Kamiu kuvitikarlo! Mia Atua na loa laka naio rimei rivija taam̃aka na nailiano lu nalo na kanano,

1Tesa 4:16

Makanio, a venia mia rimoluo ea bogo na jibe na. Mia parinio nailiano na tiniabene rivio souo vija verialiano tai na toru, a mia Atua kiano simeduo riolu, a mia kiado Tubo taluvo ea tiniabene mave rivatove nei. Naio rivatove, mia namoneano nalo na am̃arm̃aro aju, mia atumormolu bereio beamu.

1 Korin 15:23

Mia vite nonovio be kialo bogo memedu, bior napano Kristo be moti ka jumolu den nam̃ariano, mia kito namoneano nalo, mia rotu vo rivano-o vokar bogo na naio rimei bereio, naruei mia kito bunu rotumolu den nam̃ariano.

2Tesa 1:10

Ea bogoti napano mia naio rimaluvo, mia kiano tomu lu nalo aiaia naio ve toru laka, mia nalo na amonea naio aial naio tibe naio bo bo laka, a mia kamiu bunu vijalo, kuvitakisor naio. Kumijikia kuvila tibe na bior kumonea kenememi Ioluano nalo, mia nalo dolu napano na, mia maka ajikia atakisor naio leleio.

1 Korin 4:5

Tibe na, kito rala sop̃eli re ka rotibure toro dolu, mia monoka rotu rorea Tubo ka rimei bereio ea kiano legiano nene na tibureiano. Ea bogo na, mia naio rivar vite nalo napano ajuluku ea melijokouo, rila amalmaluvo ea mermerano, a mia naio rivar jidomiano nalo napano ajuluku ea toro kiano iviso, rila amalmaluvo ea mirano vio. Mia Atua rivitivitii vite nalo na, ana mia sian iliano van tomu nalo rimemedu ka venia napano naio mialio ea kialo meuliano.

Jone 21:23

Mia iorou ka bogo na, bogo napano namoneano dolu nalo amijog ka napano Yesu mil jibe na, amijog belea, aberiam̃a Yesu berii kiniou, berkar ka mia maka nejikia nom̃aro bogo tai. Mia Yesu maka river tibe na, naio ber ga ka ver naio sidom, mia rijikia tibe na. Tibe na, nioti nene ber ka vite na Pitere bikanio, naio maka ve kanano, mia be Yesu kanano ga.