1 Korin 10:31 - Verikariano Vou Na Baki

³¹ Bo ga, nina berenio jibe nei, ber verver kito rosen titai, p̃eli romunu titai, p̃eli vaio bereio napano romijikia ralaio, mia monoka ralaio nonovio ea bajago tai na ridular Atua siano.

1 Korin 10:31 ပူးပေါင်းရင်းမြစ်များ

Kolosia 3:17

Mia vite nonovio napano kumilaio, mia iliano nonovio napano kuberenio, mia monokanio kuvilaio ea Yesu kanado Tubo siano, mia bogo nonovio monoka kuver siva sel ea naio van Atua karam̃ado.

Kolosia 3:23

Ea im̃auano vaio napano kumitum̃a kumim̃aukanio, monoka kuvilaio napano mia kuvisaaro kanio, tavukia napano kumitum̃a kumim̃au Tubo kanano, mia ka re tomu nalo ga.

1 Pitere 4:11

Toro napano jikiaiano na iliano joa naio, naio monoka ril rivu tibe ka napano Atua kanano iliano na memedu ga naio jo moluo ea niono. Toro napano jikiaiano na ijaiano na im̃auano joa naio, naio monoka rila rivu vija sikiliano nonovio napano Atua jian banio. Ver bogo nonovio rala vite nonovio rivu laka tibe na, mia tomu nalo amijikia avamenea Atua ve toru riviorio, avamenea naio ka Yesu Kristo siano, napano mermerano nalo a moroano nalo abe kanano ga rivan riva ribisi re bogo tai.

Luka 11:41

Tonovo nalo nam̃a kamiu kumitum̃a kumisonlo toru bogo nonovio ban ea kenemiu baju nalo a bija kenemiu baja nalo, ver kamiu kuvitum̃a kuvilavon ka m̃a kuvio ka kija ga rivan talim̃asa nalo ga, mia rivu. Ver tibe na, p̃eli mia kamiu kuvial ka kenemiu vite nonovio nalo amei rimeravo vatitig ruei, ana mia m̃a kumila bijon re bunu kenemiu bajago dolu nalo.”

1 Korin 7:34

a mijikia rila ka kiano jidomiano beveve juo. Mia tira m̃eaku p̃eli tira kulovu napano maka ve koano, naio bunu kiano jidomiano mijikia sikili vatitig ka rila Tubo kiano im̃auano nalo, a kiano ieliano bija kiano meuliano mijikia ve lu vatitigio laka. Mia tira napano be koano, kiano jidomiano monoka toa im̃auano nalo na yetemeriba nei, tibe napano monoka rim̃auka vite nalo na rila koano rijogio rivu.