1 Korin 10:29 - Verikariano Vou Na Baki

²⁹ Ee, ea tivelinio na kiamo jido-miano, kojaaro ka kosen ga, mia ea tivelinio na kuruamo dolu nei napano ber vite na kaso, bova ka naio, naruei bo ka kotokol re bunu, bior verenio makanio, mia jau kola vite tai napano kiano jidomiano maka rimemedu kanio leleio. Mia ver jau ga takurano, a maka toro tai riverial vite tai vanso tibe na, jau komijikia ka kola venia napano komijikia ka memedu kaso ka kolaio. Naina naruei kiaku jidomiano jibe na ka vio na. Kiniou neber p̃eli maka rimemedu ka toro dolu kiano jidomiano ga jo miyuku kiniou ka monoka nala nina p̃eli nala re ninei.

1 Korin 10:29 ပူးပေါင်းရင်းမြစ်များ

1 Korin 9:19

Jidomiano jibe nei naruei joa kiniou, a mila nojo nomim̃au ea bajago tai napano mia nevisivisi vatitigio van kamiu vonganei. Jibe nei, maka noim̃au toro tai kiano, a maka toro tai napano ve kiaku boru, mia nojo namila kiniou nebinimei jibe nakuraniano ga na kulo dolu kialo, ka rila nemijikia novokar nalo ve telabo amei amonea.

2 Korin 8:21

Numisidom nuvila im̃auano nei tibe napano mia rimemedu vatitig ka Tubo kiano vitiiano, a mia rimemedu vatitig ka tomu dolu nalo kialo vitiiano bunu.

1 Korin 10:32

Kirivova ver kamiu kuvila titai napano mia rila bulag kulo Ju nalo kialo jidomiano, p̃eli kulo Kris nalo, p̃eli kiado namoneano dolu nalo,

1Tesa 5:22

a vite na bova, kuvituvanio.

Luka 4:18

“Niununo na Atua kanano naio joa kiniou ruei, bior Atua naio jiloglog kiniou ka kiniou naruei noioliolu ka Ioluano vou nabo rivan talim̃asa nalo. Naio miila kiniou nebinimei ka neverial van nalo na ajua lakoiano, ka vonganei, amijikia avanvan tavio bereio ga tibe na, a ka kiniou neverial ka merebono nalo, ka vonganei, miralo mijikia rimei rivu bereio. A naio miila kiniou, ka tomu nalo nam̃a ajutano, napano kulo dolu nalo ajum̃a amila kikilo julaka, mia kiniou novuru bulaglo, amei atua vio tai nabo bereio.

1 Korin 9:1

Bilbilu nalo, nojidom never ka kamiu ka kiniou maka noto yetano ka toro dolu kiano jidomiano, mia nojo nomim̃au jakii venia napano nemijikia ka memedu ka nalaio. Kiniou atevi tai napano nomial Yesu Kristo kiado Tubo ka miraku, a kamiu naruei ajibe m̃arati na kiano im̃auano napano nomilaio.