1 Korin 10:27 - Verikariano Vou Na Baki

²⁷ A ver toro tai napano maka rimonea rivioso ka kova kosinan ea kunuano, p̃eli komerou ka kovano, kojo kober p̃eli avar sinaniano tai vanso napano amila ruei lotuano kanio ban kialo tavoru nalo. Mia makanio, ver koto kosidomii ka kovano, kavano ga, a koto kovivika re vikadeniano tibe na, kodu ga venia napano ajianio banso.

1 Korin 10:27 ပူးပေါင်းရင်းမြစ်များ

1 Korin 10:25

Bo ga, vonganei mia neber tenalo tai ea tivelinio na sunbue na temeul nalo napano amila sida ruei kanio ka kialo tavoru sibisibi. Verver avar sunbue nene amei, avar tu vija sunbue dolu nalo ka aṽilṽili kanio, romijikia rovulu ka resenio nina bo ga. Nina bior napano maka rotu rovitilubar ka sunbue nalo nei ajum̃abe, nuber sunbue vabe na amila sida kanio, p̃eli sunbue vabe na maka ala sida kanio, mia rosidomio m̃elea re, rovika re vikadeniano, rovulu ga.

2 Korin 5:11

Bogo napano tiniememi maio ka Kristo tibure tomu nalo, numerou, a numial jibe bo ka nuvim̃au sikili ka nuvuru tomu nalo ka avakovio re. Atua bitilubar batitig bajago na kenememi im̃auano nalo nei, a neber p̃eli kamiu bunu kubitilubar ka numim̃au jibe na ga napano naio jaaro kanio.

2 Korin 4:2

A bogo napano numim̃au, numitu numim̃au memedu bo bogo nonovio. Tomu tealo amijikia amim̃au lukluk bena ga na amila sibisibiano ga ka avuru tomu nalo kialo jidomiano, a amijikia bunu aviligvilig Atua kiano iliano riva rive dolu, mia kumemi maka nuvila bajago kinkin nalo na jibe na. Kumemi numijikia ver bogo na numitu numim̃au, numitu numila ea Atua mirano, ana monoka nuvila vatitigio. Tomu nalo dolu bunu aju abitivitii kenememi im̃auano, a aju amijog bo kanio, bior napano aju abitilubario ka numitu nuberial Atua kiano ilirianiano nonovio nalo me-medu ga.

2 Korin 1:13

Vite nonovio napano nubivitauio ban kamiu ea kenememi m̃esi nalo nei, nina vite nalo napano numijikia ka kamiu kuvijikia kuvulukuio, a numijikia ka kamiu kuvijikia kuvuluku lubario. Ana ver vite nalo tai napano kumitu kumijikia beve torogio ga, nejidom ea bogoti nalo napano ju binimei, mia kamiu monoka kuvila von kuvijog vatitig nonovio.

Luka 19:7

Naruei bogo na tomu nalo amial tenei, nalo telabo maka asaaro, amil mum̃iio tertelisu, a berinavo “Toro na Sakias na, naio be toro tai nam̃a mim̃au kirivova, naio jom̃a mijukubin tomu nalo bogo nonovio ga, mia kar vaio ana Yesu jidom riva to naljuo ea kiano vonuo?”

Luka 15:23

A kiribue m̃arauo nam̃a roju rabagan vurua m̃adigdig kirinovo na, kamiu kuva kuvueio, ka kito rala sado sinaniano tai ka ramijikia rasaaro kitoliko keneriku maratoru nei.