1 Korin 1:31 - Verikariano Vou Na Baki

³¹ Ana bior tenalo na, romial ka iliano tai ea Vivitauiano Lu be riano laka, napano berenio jibe nei, ber Toro napano jidom rive m̃arou, naio mijikia rive m̃arou ga ea venia Tubo milaka naio. Jeremaia 9:24

1 Korin 1:31 ပူးပေါင်းရင်းမြစ်များ

2 Korin 10:17

Jidomiano nalo nei abo laka, ana bova ver robe m̃arou ka vite tai napano romilaio, bior napano Niosi Lu berenio ruei, berinavo Toro napano jidom ve m̃arou ka vite tai, monoka ve m̃arou ka venia ga napano Atua milaio. Jeremaia 9:24

Vilip 3:3

Venia napano kito rojuaio, naio maka tibe na leleio. Kito maka rotu rovitii venia nam̃a joa kuluniabedo riverinavo naina naruei naio mila kito robo ea Atua mirano, kar kito roju romilotu ka naio ea niunudo, mia rajaaro julaka ka tiniedo rimaio ka Kristo Yesu ga naio mila batitig kanado m̃arabo. !Ver nalo atum̃a asidom aver ka pakuveuano naio mila Atua jaaro ka kulorinio, mia monoka rover roverinavo naina be kanalo tena mokotenalo ga, mia nana be riano nene, naio nei naruei kito rojuaio, napano rojum̃a reje bulag bajago a jidomiano na bova nalo den kanado meuliano!

Romo 4:2

Naio mila im̃auano novo telabo napano Atua jaaro kanio, a im̃auano nalo nene na maka ala naio rimemedu ea Atua mirano. Verver naio rimei rimemedu kar kiano im̃auano, p̃eli naio mijikia rivarvar ka naio bereio, mia maka tibe na. Maka toro tai napano mijikia rivarvar ea Atua mirano bior im̃auano napano naio milaio,

1 Korin 4:6

Bilbilu nalo, iliano nalo napano nojo neber ruei na, nojo neberii laka kumemi juo Apolos ga, ana nemila jibe na bior napano nojidom neverloglog vatitig kamiu, ka kuvitii re ve dolu ea kenemiu naverloglogiano nalo. Kamiu tealo abe m̃arou bior naverloglogiano ea kialo burukuti, a nalo aju abitii bova ea naverloglogiano na nalo dolu kialo, mia maka rimemedu tibe na.