1 Jone 5:1 - Verikariano Vou Na Baki

¹ Mia toro napano naio monea ka Yesu naio be Naverikariano, toro na naio be Atua kenerinio riano. Ana verenio Atua kenerinio nei naio riverenio riverinavo naio tinien jii Atua kiano Teta, ana na naio monoka tinien tii Atua kenerinio dolu nalo bunu.

1 Jone 5:1 ပူးပေါင်းရင်းမြစ်များ

Mataiu 16:16

Ana Saimon Pitere naio berdop̃e, berinavo “Jau kobe Naverikariano, jau kobe Atua na meul kenerinio.”

Luka 7:5

Be riano ka naio maka ve kito tai, naio be toro re Romo ga, mia naio be toro tai nam̃a jidomii m̃elea taara na kiado tomu nalo, a naio bunu miija kumemi toru ruei ea vio nei, napano naio mim̃auka kenememi yimo na volkouano. Naruei numial bo laka ka ver kajaaro ka komei keial kanano toro na mie toru neibano.”

Jone 1:3

naio mim̃auka im̃auano na rim̃auka vite nonovio, maka ve vite tai na naio maka rim̃aukanio.

Jone 15:23

Nao, be riano ka parilo jikili ka Atua ruei, bior napano ajerm̃i ka kiniou, ana naio javukia ga napano ajerm̃i bunu ka Karam̃aku.

Jone 3:3

Ana Yesu berdop̃e banio, berinavo “Ee, burutomoluo nalo na bo, a monokanio never ve riano bo vanso, toro na maka sidom rimoluo bereio ve terivou, mia Atua naio maka rijikia rive tubo ea kiano meuliano.”

Jone 6:69

jau ga takurano napano vonganei kumemi numonmoneaso, a kumemi numijikia ruei ka jau kobe Naverikariano Lu napano Atua juvanso kobinimei ka kolarur kumemi.”

Jone 8:42

Ana na Yesu berinavo “Ver iliano na be riano, ka Atua naio be karamemiu, mia kamiu monoka tiniemiu tii kiniou ve toru mia, bior ka kiniou najaluvo den naio nebinimei ea vio nei. Kiniou maka nemei tibe ka napano kiniou ga, mia naio naruei miila kiniou nebinimei.

Im̃auano 8:36

Mia ka bogo na, abe juo aju aburo ea rukuruku kia ga vo, ajakii m̃arabo abano, mia nalo abinimei abokar vio tai napano uei tai joaio. Naruei bogo napano toro na toru nei naio mial uei nei, naio mil ban Vilip, berinavo “Kiniou nejidom ka jau kavaruei ea kiniou, mo keialio, ninei be uei tanie jo. ?P̃eli maka bunu ve titai tokovio ka kito juo ka kavaruei ea re kiniou a?”

Im̃auano 8:37

[Ana na Vilip berdop̃e, berinavo “Jibe nei, verenio jau komonea vija kiamo iviso momou reraio garuei.” Ana na toro nei berial ka Vilip, berinavo “Kiniou nomonmonea ka Yesu Kristo naio be Atua Kenerinio riano.”]

Yemesi 1:18

Ninei be Atua nene ga napano ea kiano jidomiano ga, naio mila kito robinimei robe kenerinio, bior kito romonea kiano ilirianiano, ka kito rojibe ka m̃ariesi na be moti garuei jukamu ka tomu telabo napano mia nalo amonea Kristo iorou.

1 Pitere 1:3

Bo ka kito rosidomii jum̃abe ka napano Atua na Yesu Kristo kiado Tubo karam̃ano, naio mila bo laka ban kito. Kito romiaia naio toru laka, bior napano naio tinien miia kito, mila kito romoluo rebe terivou bereio jouro ea kiano m̃aratavo. Naruei jibe ka napano naio mila kenerinio Yesu Kristo naio meul bereio den nam̃ariano, romijikia rejikia vatitig ka vite napano naio jukamu kean kito, maka bunu rive nam̃ariano, mia naio be nameuliano napano maka ribisi bogo tai.

1 Jone 2:10

Mia toro na tinien jii kuruano, mila bo kanio julaka, toro na naio jo miel ea miamoiano ruei, naio maka bunu riel vovu ea melijokouo mia naio to rijoru re bereio bogo tai.

1 Jone 2:29

Kito romijikia ka Kristo, kiano bajago nonovio naio bo a kirimemedu tanea, naruei toro na naio bunu jibe na, romijikia rover ka kema na bunu naio be Atua kenerinio javukia Kristo.

1 Jone 3:14

Mia kito na m̃a kito maka m̃a reserm̃i ka toro, mia tiniedo tii kiado m̃aratavo nalo rivu, nina be m̃arabo na mila meravo ka rojuvan m̃ariano, robinimei ea meuliano ruei. Mia toro na tinietiiano maka toa naio, naio jo keano ea m̃ariano vo.

1 Jone 3:17

Toro tai, naio jum̃ano bujo ka saba novnovo nalo, mia kuruano tai naio maka ve kiano saba tai, naio jum̃ano bulati liki. Mia naio bitilubar kia ka kuruano nei jibe na, mia naio mila kiano iviso jikili lie vo kanio, naio maka sidom riijaio, Toro na jibe na, Atua kanano tinietiiano maka toa naio leleio.

1 Jone 3:9

Toro na jo jouro ea Atua kanano m̃aratavo, mia naio rila re bunu kariano, bior Atua kiano meuliano joaio ruei. Naio be Atua kenerinio, naruei monoka naio rivar karam̃ano kiano bajago na bo nei, ana naio maka bunu rijikia rila na bova.

1 Jone 4:2

?Ana mia kito romijikia rovitii niununo na tum̃abe? Romijikia rovitilubar Atua Niununo bior naio jom̃a berial ber Yesu Kristo naio binimei be toro, naio binimei miyotuba ea yetemeriba nei.

1 Jone 4:20

Toro na m̃a jo ber naio tinien jii Atua, mia naio jo kia ga m̃a jerm̃ii ka kanano m̃aratavo tai, naio jom̃a milasibi ga. A ver naio maka tom̃a tinien tii kiano m̃aratavo neibano naio mial ka legiano nonovio ga, naio maka rijikia tinien tii Atua na naio maka lele rial kija naio.

1 Jone 4:7

Banalo, bo ka kito tiniedo riia ea kito tulaka ga, bior ka tinietiiano naio be Atua kanano bajago. Toro na tinien jii toro, naio be Atua kenerinio, naio bar bajago na Atua kanano memedu, a naio mijikia batitig Atua bo ea kiano meuliano.

1 Jone 5:18

Mia kito romijikia ruei ka toro napano naio binimei be Atua kenerinio ruei, p̃eli kariano na maka ve tena m̃ariano p̃eli be tena m̃ariano, maka ka mia naio rila bereio. Mia toro na jibe na monoka naio rivitikar batitig naio, naio rivel ea vatitig kiano meuliano, naruei Toro na Bova nei naio maka rijikia rila bulag naio bereio.

1 Jone 5:4

bior kito rabe kiritete nalo nam̃a romiyotuba ea Atua, mia ver kito rotumolu rotu sikili ea kiado viekouoiano, kito robe tomu na ratovulu yetemeriba nei ruei.

1 Jone 5:5

Kiniou nebika den kamiu bereio: ?Toro na mia tovulu yetemeriba nei, naio be kei? ?Naina ga napano naio jumolu jo jikili ber ka Yesu naina be Atua kenerinio memedu.