1 Jone 3:18 - Verikariano Vou Na Baki

¹⁸ Kanaku tete nalo, kiado tinie-tiiano naio monoka ve re iliano ga. Tinietiiano na be riano, naio maka ve tena ververenio ga, mia be tena roim̃aukanio a ve tena ralaiio.

1 Jone 3:18 ပူးပေါင်းရင်းမြစ်များ

Luka 7:5

Be riano ka naio maka ve kito tai, naio be toro re Romo ga, mia naio be toro tai nam̃a jidomii m̃elea taara na kiado tomu nalo, a naio bunu miija kumemi toru ruei ea vio nei, napano naio mim̃auka kenememi yimo na volkouano. Naruei numial bo laka ka ver kajaaro ka komei keial kanano toro na mie toru neibano.”

Jone 17:19

Nomioko kiaku meuliano vanso riviorlo, ka mia nalo bunu aioko kialo meuliano rivanso rive riano.”

Romo 12:9

Ana ninei naruei bajago novo dolu nalo na mia kuvilaio: kenemiu tinietiiano ea tomu dolu nalo monoka rive riano, monoka kuvitaluvo ea bajago va nalo, monoka kuvakar vatitig rivu bajago novo nalo,

Kalesia 5:13

Mia kamiu kanaku bilbilu nalo, Atua naio buru bulag kamiu ruei, riano ga ka maka bunu kuvitan ka Mosis kiano tuboiano na. Mia kamiu kuvisirarago vatitig rivu, mia kuvisidomii re bunu ka kuver “Bo na, kiniou najaluvo ruei den tuboiano nei ruei, kiniou ga naruei. Ana kiniou nemijikia nala vite nonovio nalo napano kanaku jidomiano naio jidomiio.” Kamiu kuver re bunu tibe na, ana mia monoka bajago na kenemiu tinievuiano naio monoka rila kamiu kuvisaaro ka kuvijaija toro dolu bunu.

Eveso 4:15

A kito monoka rovokar ilirianiano ea bajago na tinietiiano, a ea kiado m̃arabo nonovio nalo, monoka reiluo ka mia romei rove Kristo kiano tomu nalo, napano naio be parinio ka bagaro na namoneano nalo na kiano.

1Tesa 1:3

Kumemi numitu tiniememi maio ka kamiu ea kenememi volkouano jibe nei, maka nuvijikia tiniememi ribobogia kenemiu moneano, napano kumim̃au jikili jakiio, a napano kenemiu tinietiiano, jo miyoyotuba ea kenemiu bajago novo nalo, a napano kenemiu jidomiano tebievi, naio mila kamiu kumitu jikili batitig ea kiado Tubo Yesu Kristo.

1 Pitere 1:22

Jikario ea vio nei naruei kamiu kumonea ilirianiano na Atua kanano, a kenemiu meuliano jo binimei memedu bo, a kumitu tiniemiumaio lie vo ka kuruemiu dolu nalo. Mia kamiu kuveve re torogio ea naio, monoka kuvila vio sikili ka tiniemiuriia kamiu kuviniu ea kenemiu iviso nalo ka rimei ve toru lie laka.

1 Jone 2:1

Keneriku nalo, nojidom novivitauia iliano nalo nei van kamiu ka riija kamiu ka kuvitilubar ka bo ka mia kamiu monoka kuvila re bunu kariano bereio. Mia ver bogo tai, toro tai rila tena bova tai, kito monoka tiniedo rimaio ka Yesu Kristo naio ju rorea ju, jibe ka toro lu tai ka rivar kiado iliano. Naio kiri memedu, a naio meravo, ka mia naio mijikia riva sikili tua Atua Teta mirano rimemedu, ka mijikia rivika denio ka naio tinien riia kito, a riviekokoa kito.

1 Jone 3:7

Kanaku kiritete sesa nalo, maka rivu ka mia nalo ala sibilili kamiu. Toro na ver kiano meuliano bo, naio be tor memedu javukia Kristo.

2 Jone 1:1

Kiniou tormoruo navagadeano, nebivitauia m̃esi nei biedu banso, javukia tira tai napano Atua bitirilarso, a ea kenerimo lu nalo. Kiniou najaaro toru laka ka neviviuo kamiu ea m̃esi nei, bior ka kiniou tinieku jii kamiu toru laka, mia maka kiniou ga ve takurano, mia namoneano dolu nalo bunu nalo aju tinielo maio ka kamiu dam̃ariga.

3 Jone 1:1

Kiniou tormoruo navagadeano, nebivitauia m̃esi nei ka riviedu vanso, kuruaku Kaias. P̃eli kito tealo ajum̃a amiliaso kija, mia kiniou nojidom nover kaso never kiniou najaaro toru ka neviviuoso ea m̃esi nei, bior kiniou tinieku jiiso toru, jakii bajago novo na ilirianiano na Tubo kanano.