1Tesa 4:13 - Verikariano Vou Na Baki

¹³ Mia banalo, nemial bo ka kuvijikia kija saba nalo tealo ea tivelinio na nalo na kito na amonmelio ruei, jibe abano kovio ea yetemeriba. Tomu nalo telabo na maka ave namoneano, amerou laka ka m̃ariano, aber p̃eli tomu nalo abano kovio mia rivova laka ka nalo, ana mila ka bogo na nalo tai bakovio, nalo ajegi toru kanio.

1Tesa 4:13 ပူးပေါင်းရင်းမြစ်များ

1Tesa 5:10

Naio m̃aro kar kito, mila ka ver bogo na naio rimei bereio, be iakurano napano romonmelio, jibe na rabakovio ruei, p̃eli rotu rotevijo, tibe na romeul keano roju, a kiado meuliano mia to vatitigio vija naio bogo nonovio.

1Tesa 4:15

Nemijikia never riano ka kamiu, ka iliano tai na Tubo ga naio berenio nua, kito na roju remeul kia ga rivokar bogo na naio mia rimei bereio, kito maka rejikia ravavin beamu ka nalo na abano kovio ruei.

Eveso 2:12

Mo, ana nanua beamu, kamiu kumitibe na ruei. Kamiu tiniemiu ribobogia re nanua, kumitu koalabo ka Kristo, kumitu tavio ka taara na kulo Israel nalo, a kube valauo ga, mia maka kuvijikia kuvokar vite nalo napano Atua naio berkario ban kiano tomu nalo. Kamiu kumitua vio yetano nei, kube iakurano ga liki, a maka kuvijikia Atua leleio.

2 Pitere 3:4

Vite tai napano mia amijikia atu avital ea kito rivior, naio be tivelinio na tubo kanano iliano napano naio berenio mia naio rimei bereio rivior kito. Mia atum̃a avivika aver “Ana liliuano bereio nei napano kenemiu toro na toru berkario ban kamiu, nibe? Jikar ea bogo na korobido nalo binimei, vite nonovio ea yetemeriba aju aba bavarare dam̃ariga. Kumemi maka numial vite tai leleio kija vo, p̃eli kamiu ga kumialio?”

1 Korin 15:6

Kar iorou ka naina, bogo tai naio miyotuba bereio kean taara tai na namoneano nalo miralo, jovulu toromomou jimo [500], napano miroano ka nalo ameul kia bokar banei, mia tealo am̃arm̃aro ruei.

Im̃auano 7:60

Ana naio minie ka sudu jaano, ana mil medave, berenio, berinavo “Tubo-o, koig jau koje re vironiano van nalo nei rivior kialo kariano nalo neibano nalo aju amila ka kiniou nei.” A bogo napano naio berenio iliano nei bisi, ana mijoru mon napano m̃arodobi garuei.

2 Korin 1:8

P̃eli kamiu maka kuvijoglubar vatitig vo burum̃ara bogokouo nalo napano kumemi nubinua bogo napano numitu numim̃au janea tanobuku na toru nei Esia, mia nemijikia never ka bova mia bova laka. Vite nalo teremi laka ka kumemi, maka nuvare kalo, banbano numisidomii nuber nina naruei monoka nuvial juluvati na kiado meuliano vonganei.

1 Korin 10:1

Bilbilu nalo, bo ka kito tiniedo maio ka venia napano korobido nalo amilaio. Nina ea bogo napano tormoruo Mosis burulo ajaluvo den Ijivi, ajakisor melijo na napano jo ban beamu kalo, banbano burulo abarkor burum̃ara tei nei napano betavo kalo.

Romo 1:13

Banalo, nojidom kamiu kuvijikia ka va telabo ruei kiniou nemila vio jikili ka neviedu kean kamiu, mia dam̃ariga m̃arabo bisaro ea vite tealo, mila na maka neviedu vo. Mia nojidom toru ka neviedu, ka kanaku im̃auano mijikia rivar m̃arati tai bunu ea kamiu napano kumonea ruei, jibe na napano bar ruei ea nalo napano maka ave Ju ea vio dolu nalo.

Im̃auano 13:36

“Ana iliano nalo nei maka atum̃a averii tormoruo Teviti nanua beamu, bior karina napano naio mila Atua kiano im̃auano ban kiano tomu nalo, ban bano-o mia naio m̃aro garuei, ana ajivin jo bija korobinio nalo, ana mokotenano mon ea vio na bano-o mia menunu.

Jone 11:24

Naruei Marita berdop̃eio berinavo “Ee, kiniou nemijikia nina, nemijikia ka mia rimeul bereio ea burum̃ara tumoluano bereio ea legiano na maaro.”

2 Pitere 3:8

Mo bilbilu nalo, ea tivelinio na verikariano na Tubo kiano bogo na rimei ea bereio, bo ka kito tiniedo ribobogia re ka Atua naio maka vuluku yuka nalo p̃eli legiano nalo tibe ka kito. Ea Atua kanano vitiiano, yuka menu takurano bija legiano tai abe veverare ga.

Mataiu 27:52

mia ea pakeltavo, martanbo telabo na tomu nalo na memedu nua ajuvavo, mia tomu nene nalo amemeul bereio.

1 Korin 12:1

Bo ga kuruaku a kuvivinioku nalo, kiniou nojidom neverii moroano nalo napano Niununo Lu mijikia sianio van kito namoneano nalo jibe jidomiano tai. Ea tivelinio na, maka rivu kamiu kuve taboso, mia nojidom ka monoka kuvijikia vatitig kija kalo.

Eveso 2:3

A nanua beamu, kumemi kulo Israel nalo bunu, kumemi nubare ga ka kulo dolu nalo, napano numitum̃a numiel jakii ga kenememi tinietiiano nalo na bajago va na toro ga. Kumemi bunu, numitum̃a numila ga vite nalo napano kenememi jidomiano jidomio, vite nalo napano m̃a numijog bo kanio. Bior saba nalo na, numitavukia tomu dolu nalo na, napano Atua tinien ser kumemi bunu, rivan rivano bisi ana mia naio maka rijikia rila vite tai ea kumemi nei, ana monoka sian vironiano van kumemi bunu.

1Tesa 4:14

A kito maka tibe na, bior romonea ka iorou ka Yesu naio m̃aro ea m̃akolkolo, naio jumolu meul bereio, a ea bajago na naruei, kito na romonea bunu ka nalo na abinimei takurano bija naio am̃arm̃aro, mia Atua naio rilalo amei ave takurano vija naio ameul bereio, a mia amei bereio vijaio.

1Tesa 5:6

Tibe na naruei, mia kiado jidomiano ritevijo vatitigio rivu bogo nonovio, rovokar vatitig rivu kiado meuliano, ka rotibe ka re tomu nalo dolu na melijokouo.