1Tesa 3:6 - Verikariano Vou Na Baki

⁶ Timoti biedu mial kamiu, a vonganei ga naio binimei bokar kumemi. Bogo na binimei, bar iliano nalo na bo laka, berial jum̃abe kenemiu moneano bija bajago na tinietiiano na kenemiu jo kia ga toru, ju bo ga ju, ana mila tinieku jaaro toru laka. Naio midu kenemiu iliano binimei ban kumemi, ka kumitu tiniemiu maio ka kumemi julaka, a kumisidom m̃ele ka kuvial mirememi bereio, jibe ka ga kumemi numisidom nuvial miremiu.

1Tesa 3:6 ပူးပေါင်းရင်းမြစ်များ

1 Korin 11:2

Bilbilu nalo, nomijog ka kumitu kumisidomii kia ga im̃auano nalo napano nomim̃auka ban kamiu, a kumitu kubakar batitig bajago nalo na im̃auano nei napano neberloglog ka kamiu.

1Tesa 1:3

Kumemi numitu tiniememi maio ka kamiu ea kenememi volkouano jibe nei, maka nuvijikia tiniememi ribobogia kenemiu moneano, napano kumim̃au jikili jakiio, a napano kenemiu tinietiiano, jo miyoyotuba ea kenemiu bajago novo nalo, a napano kenemiu jidomiano tebievi, naio mila kamiu kumitu jikili batitig ea kiado Tubo Yesu Kristo.

Im̃auano 18:5

Mia iorou kanio, ana Sailas naljuo Timoti nalo abinimei aboru iorou ea vio nei, ana ea bogo na, Pol naio mijamo ka momonio kiano bogo ea Tubo kiano im̃auano, ka napano naio jom̃a mioliolu, jom̃a berialio ban kulo Ju nalo berinavo kialo Naverikariano riano napano m̃a aju rorea ka naio rimei, nina be Yesu nene napano binimei ruei.

Vilip 1:8

Naina be riano na, mia Atua naio mijikia bunu ka nejidom toru ka neial miremiu nalo bereio. Aue, kiniou tinieku jii kamiu na toru ea tinietiiano nonovio na Yesu Kristo kanano.

1 Jone 3:23

Atua kanano tuboiano ea kito naio jibe nei, ka ber: kito monoka romonea kenerinio Yesu Kristo siano, amonoka tiniedo titii kito bogo nonovio, tibe ka na naio ber ka kito.

Abe Kulo Ju 13:7

Vite dolu, bo ka kamiu kuvitu tiniemiu rimaio ka kenemiu navu-rim̃araboiano nalo, napano ajukamu ka aberial Atua kanano iliano beamu ban kamiu. Kuvilavon ka kuvitii vatitig m̃arati napano naio miyotuba ea kialo bajago novo na kialo meuliano, a kuvilaii kialo moneano na jikili ea kenemiu meuliano nalo.

Abe Kulo Ju 13:3

Kuvisidomial nalo na m̃a ajua nalakoiano, kuvar bitiran kanalo jogvaiano nalo, na tavukia ga napano abuku kamiu bunu kumitu bijalo. Mia kamiu tiniemiu ribobogialo re bunu nalo na m̃a kulo dolu nalo amila lelanlo, bior ka kito robiniu rojua vio yetemeriba nei ga, monoka rajai kito ka ravar bitiran bogokouo nalo nam̃a robiniuaio.

Vailimon 1:5

Nina bior nomijog ruei ka napano ajum̃a aberii kanamo bajago novo, napano kanamo viekouoiano ea Tubo Yesu naio jikili vatitigio bo, a kanamo tinietiiano ban namoneano nalo bunu, naio toru laka.

2 Timoti 1:3

Jibe na napano korobiku nalo amila nua ruei binimei, kiniou nojom̃a nomila Atua kiano im̃auano dam̃ariga, nojom̃a nomilotu ka naio ea kiaku iviso momou. Ana ea legiano a bogiano, ea aura na volkouano nalo, nojo tinieku maio kaso, nojo neber siva toru laka banio kaso.

1 Timoti 1:5

Tibe na bo ka kito roverburelo, ka rila na mia kiado tomu nalo, kialo iviso mijikia rimeravo rivu, kialo jidomiano mijikia memedu rivu, a kialo viekouoiano ve riano to, bior napano ver tibe na, mia bajago novo na tinietii kito naio mijikia rimei rive toru laka bure kito bereio.

2Tesa 1:3

Titai napano bo ka nuvila bogo nonovio, monoka nuver siva ka Atua ka kamiu nalo na kenememi bilbilu nalo. A vonganei, kumemi numisaaro toru ka nuvila tibe nei, bior kumemi numijog lilianiano nalo na kenemiu, aber kenemiu moneano binimei bavin laka bogo nonovio, a kamiu tomu nalo biniu aju tinielo jiilo bavin toru lie.

1Tesa 2:17

Banalo, kumemi numisidom nuverial ka kamiu, numituvan kamiu bogo nua ga na, nubano teliki ga, nuber aua toru ka kamiu, numisidom nuvial miremiu bereio. Be riano ka robeve terakurano ka mokotenado, a ea kiado iviso, kito roju robe takurano ga.

1Tesa 2:9

Banalo, neber jibe na maka nalasibi, bior kumijikia jum̃abe numinonou ka im̃auano nalo na jikili ka jumememi ka bogo na. Kumemi numim̃au legiano a bogiano, ka rila bogo na kumemi nuvitu vija kamiu ka nuvioliolu ka lilianiano vou na Atua kiano, maka numila ve temi van kamiu. Kumemi ga numitum̃a nubitikar kumemi, maka bunu kam tai bereio vitikar kumemi leleio.

Kolosia 4:18

Mia vonganei, kiniou nodular vovojulu den toro nam̃a jo bivitauia m̃esi, naruei kiniou Pol nejirii kanaku iliano na maaro biedu ban kamiu ka jum̃aku ga, neber kavijo bo p̃eli na bogiano bo ban kamiu. Kamiu tiniemiu ribobogia re marimieni nalo na amiadikar kiniou kanio, mia Atua kanano tiniamemiano naio to vija kamiu nonovio. Kiniou, Pol.

Kolosia 1:4

Nina bior kumemi juo numisaaro toru ka kamiu, bior lilianiano bokar kumemi ber kamiu kumitu kubiekouo jikili ea Yesu Kristo, a kumitu tiniemiu jii namoneano dolu nalo.

Kalesia 5:6

Bogo napano robinimei takurano kitoliko Kristo Yesu jibe na, bekurano ka toro be pakuveu, p̃eli maka rive pakuveu mia tena burutomoruo loa laka nina be kiado viekouoiano ea Kristo, napano viekouoiano nei naruei naio mila kito rojidom Atua a bija tomu dolu nalo bunu.

1 Korin 13:13

Tibe na, vite dolu nalo mia abisi, mia vite tolu ga amijikia atu tulaka, nina naviekouoiano, baleaiano, a tinietiiano. Mia ea vite tolu nei, nana napano toru laka kalo, naina neberenio maariano na, naio be tinietiiano.

Im̃auano 18:1

Ana iorou ka vite nalo neibano Pol mila yako Atene, naio jaluvo denio, ana ban yako ea burum̃ara bulukomeli dolu na Korin.

Im̃auano 16:1

Naruei ea kiano burum̃ara ieliano valuo nene, Pol binimei bokar bereio komeli juo nei Tebe bija Listra. Naruei ea vio Listra nei, be naiagagoano tai jo na, nina be toro m̃eaku nei Timoti. Timoti nene kenieno be tira re Ju tai, napano naio monmonea Yesu ruei, mia karam̃ano naio maka ve toro Ju, naio be toro tai na vio Kris.

1Tesa 3:7

Mia be iakurano ka numitu numijog jaleleano laka ea vio nei ka tenalo na bova amila ka kumemi, mia bogo na numijog lilianiano na kenemiu moneano kuruememi nalo, numijog jibe midular kenememi jidomiano bereio.