1Tesa 3:13 - Verikariano Vou Na Baki

¹³ A bija nina, nobolkouo ka mia naio ridu jidomiano tai na bo a jikili vatitig ea kamiu, ka kuvijikia kuvokar vatitig kenemiu meuliano nalo vanvano vokar bogo na kiado Tubo Yesu riyotuba vija kiano kulo lu nalo, ana bogo na mia kuvijikia kuvisikili kuvitu ea Atua Karam̃ado mirano na kamiu kumeravo rivu, kube lu vatitigio ga kumitu.

1Tesa 3:13 ပူးပေါင်းရင်းမြစ်များ

1Tesa 5:23

Ana nobolkouo ka Atua ga, napano be Atua na tum̃aro, rila kenemiu iviso vija jidomiano a meuliano bunu rive lu mia rive lu vatitigio. Nojidom laka ka bogo na kiado Tubo Yesu Kristo rimei bereio, mia niunomiu, tiniemiu, vija mokotenemiu nonovio maka lele kiri soro tai toalo.

Kolosia 1:22

Mia vonganei, napano Kristo binimei jibe ka kito, kiano m̃ariano mila kito robe merevuiano kitoliko Atua bereio. Atua naio mila jibe na, ka mia naio mijikia rivuru kamiu kumei keano naio napano kuve lu batitig rivu, kumeravo vatitig rivu, a napano maka niamiamo va tai toa kamiu leleio.

Eveso 5:27

Kristo naio mila jibe na, ka naio mijikia rivuru kiano nalotuano nei rimei ea naio, napano naio rive lu mia rive lu batitigio to, tibe ka niatira sesa napano naio ju rorea ka mia soro, naio meravo bo, maka vite tai rila niegeniege naio, a amiovovua batitig naio bo mia bo.

1Tesa 2:19

Ana ka venia numisidom laka ka nuvial bereio kamiu? Nina ka kei bereio numijikia nuvar tiniememi ealo? Kei bereio na mijikia rila kumemi nuvisaaro? Kei bereio nalo abe m̃arati na bo na kenememi im̃auano, napano nuvijog rivu kanio ea bogo na kiado Tubo Yesu riyotuba bereio? Maka toro dolu tai, mia kamiu na ga!

M̃esi Napano JUT Bivitauiaio 1:14

Kuvisidomii von naverialiano tai bunu na tormoruo Inok re nua nua laka, napano naio be togio na terati aluo napano amoluo ea Atam. Naio berii tomu nalo na jibe na naruei, napano ber jibe na, ber “!Kamiu kuvitikarlo! Mia Atua na loa laka naio rimei rivija taam̃aka na nailiano lu nalo na kanano,

M̃esi Napano JUT Bivitauiaio 1:24

Kito ravamenea Atua, ka napano naio mijikia rivokar batitig kito ka mia rojoru re, rivan rivano-o naio rivuru kito rava rotumolu rotu ea kanano mermerano lu, napano kanado meuliano naio meravo bo ea mirano, mia rovokar burum̃ara jogvuiano.

1Tesa 4:15

Nemijikia never riano ka kamiu, ka iliano tai na Tubo ga naio berenio nua, kito na roju remeul kia ga rivokar bogo na naio mia rimei bereio, kito maka rejikia ravavin beamu ka nalo na abano kovio ruei.

1Tesa 3:11

Nina naruei be tena nojo nobolkouo jikili kanio vonganei, ka mia karam̃ado Teta Atua bija kiado Tubo Yesu, nalo avetavo ea m̃arabo ka kumemi ka numei bereio nuvial kamiu.

Vilip 1:10

Mia ver kamiu kuvitibe na, mia kumijikia kuvitu kuvidu ga bajago nonovio na naio bo laka, a kuvituvan nana naio bova, ana mia kenemiu meuliano mijikia to rimeravo rivu, mia ve re titai na naio toa kamiu ea Legiano na Kristo kanano na jo binimei.

2Tesa 2:1

Kiniou nojidom neverii bereio Tubo kiano liliuiano bereio, bijaio jum̃abe ka mia rivuru kito rotu vija naio. Banalo, ea vio nei, nojidom never tibe nei,

2Tesa 1:10

Ea bogoti napano mia naio rimaluvo, mia kiano tomu lu nalo aiaia naio ve toru laka, mia nalo na amonea naio aial naio tibe naio bo bo laka, a mia kamiu bunu vijalo, kuvitakisor naio. Kumijikia kuvila tibe na bior kumonea kenememi Ioluano nalo, mia nalo dolu napano na, mia maka ajikia atakisor naio leleio.

Romo 16:25

Vonganei ea kiaku iliano maariano, nejidom nedular bereio ilivuiano nonovio nalo van Atua. Nobolkouo ka mia naio ridu iliano nalo na Ioluano Vou, vija verloglogiano nalo novo napano aberii Yesu Kristo napano nejian ban kamiu ruei, ridu vatitig tua kenemiu meuliano nalo, ka kuvijikia kuvitu sikili ea bogoti napano ju binimei. Ilirianiano novo nalo na, tomu nalo maka ajikiaio ea yuka miroano napano barlaka ruei, mia vonganei ga Atua berialio ka kito.

Romo 14:4

Namoneano nalo abiniu aju abitii Atua ga ka naio be kialo tubo, ka naio ga mijikia river kalo ve terakurano ka nalo ala nina p̃eli nalo ala re ninei. Ana jibe na, maka rivu kito ga rotu rotibure kito bereio. Atua mial napano kiano tomu tealo nalo ajen sunbue, a tealo maka asen sunbue, mia naio jaaro ga ka nalo abiniu, kar napano naio mijikia ka mia Tubo Yesu mijikia to rijailo bogo nonovio ka asikil atu sikili ea naio.

1 Pitere 5:10

Ierinio ka napano kamiu kumitu kumijog jaleleano kija ea bogo na, mia kanado Atua na tiniememiano nonovio mia rijai kamiu. Naio naruei napano bijauia bulag kamiu ruei ka mia kamliko Kristo joomo ea kiano mermerano, mia naio naruei napano mia ridururu kamiu vonganei. Mia kumemebiju re bunu, mia kuvikulkul re, ana ea kiano moroano, mia kuvijikia kuvitumolu vatitig bereio.

1 Korin 15:23

Mia vite nonovio be kialo bogo memedu, bior napano Kristo be moti ka jumolu den nam̃ariano, mia kito namoneano nalo, mia rotu vo rivano-o vokar bogo na naio rimei bereio, naruei mia kito bunu rotumolu den nam̃ariano.

Mataiu 25:31

Mia Yesu naio mil berinavo “Bogo napano mia Kulorinio Kenerinio naio rimei naliko kiano nailiano nalo, ea kiano mermerano ka rive Parinio Tubo, naruei mia naio rimei ka mia totano ea kiano jobaro lu.

Yesu Kristo Kiano Ioluano Vou Napano MAK Bivitauiaio 8:38

Tomu nalo miroano ea taara na vonganei nalo amila kariano, nalo maka leleio ave riano ea Atua, nalo abova laka, a nalo amimou ka tomu dolu nalo bior kiniou bija kiaku iliano. Ana iorou mia Kulorinio Kenerinio rimei bereio, naio vija kiano nailiano lu nalo, vija karam̃ano kiano mermerano, a bogo na amei, ver toro mimou ka naio vonganei, mia naio bunu rimou ka toro nene.”

Luka 1:6

Mia naljuo nei, kialo meuliano kiri memedu laka ea Atua kiano vitiiano, ka nam̃a amonmonea kiano tuboiano, a nalo ajum̃a amila bajago nalo na memedu kam̃a amila bogo nonovio ga, maka atum̃a ala belea tai.

Kalesia 1:4

Nao, Yesu Kristo naio mila memedu ga jibe ka napano Atua karam̃ado jidomio, ka napano naio rijamo ka mia naio rim̃aro ka rila bulag kiado kariano nalo, ka mia naio mijikia rivuru bulag kito den bajago na bova na bogo nei napano kito rojuaio vonganei.

1Tesa 3:2

mia Timoti mijikia riviedu bereio ea kamiu. Kuruado nene, kumemi numim̃au Atua kiano vio takurano bija naio, ka rila lilianiano vou na Kristo kiano rivanvano-o tavio, ana namial jibe naio be toro na bo tai ka riyotuba ea kamiu. Namijikia ka mia naio mijikia riilikakar kamiu, a mia mijikia rijai kamiu ka kenemiu moneano to sikili bogo nonovio,

1Tesa 4:17

Iorou ana mia kito na remeul roju kia ea vio yetano, mia naio rivuru kito bunu ravavin mave vija nalo roviniu, ravan bure melijo nalo na mave ea tiniabene, ravan roviviuo kiado Tubo mave ea vio yauo. Rovan tibe nei, a mia rotu vija naio maka rijikia ribisi bogo tai.

2Tesa 1:7

Nalo amila kamiu kumitu kubar bogokouo laka, a mia naio rila ribisi, mia naio rijai kamiu yako, a rijai bunu kumemi ea vio nei napano kumemi bunu numitu nubinua saba tealo. Bogo na reial ka burum̃ara sebi vilivili ea vio yauo, remijikia ka mila m̃arabo na Atua kiano ka riila Tubo Yesu taluvo ea tiniabene rimei ea yetemeriba, vija kiano nailiano nalo na jikili, ka mia naio rivuru bulag kito den jaleleano nalo na yetemeriba.

Yemesi 5:8

Ana kamiu monoka kumelumu ga tibe na bunu naruei ka kuvitu rorea kiado Tubo naio rimei bereio. Mia kenemiu jidomiano naio monoka tu sikili, bior mia naio rimei bere vesiou re ga na.