1Tesa 3:11 - Verikariano Vou Na Baki

¹¹ Nina naruei be tena nojo nobolkouo jikili kanio vonganei, ka mia karam̃ado Teta Atua bija kiado Tubo Yesu, nalo avetavo ea m̃arabo ka kumemi ka numei bereio nuvial kamiu.

1Tesa 3:11 ပူးပေါင်းရင်းမြစ်များ

Mataiu 6:14

“Bior ver kamiu kuviekokoa tomu nalo na abijuku jorokor ban kamiu, mia Karamemiu na joa vio mave naio riviekokoa kenemiu vijukuano torokoriano nalo bunu.

Mataiu 6:18

ka mia tomu nalo ajikia re vaio napano jau komilaio. Karam̃amo ga napano jo, maka tomu nalo aialio, mia naio ga rivitilubario bior naio rial vite nalo napano tomu dolu nalo maka ajikia aialio, ana na mia naio rijev mauo nene vanso kanio.”

Mataiu 6:26

Kamiu kuvial von menu nalo napano m̃a aju amier janea vio. Mia nalo maka ala tiniavio, a nalo maka avarbijii sinaniano rimei vonuo, a nalo maka avar batitig sinaniano tu joomo ea yimo. Mia Karamemiu na vio mave naio baganlo, mia kamu ea mirano, naio mial kamiu kumitu mave loa menu nalo, mia naio monoka rivitikar kamiu rivu lie vo loalo.

Mataiu 6:32

Nao, bogo nonovio ga tomu na maka amonea Atua nalo ajum̃a ajidomii m̃ele vite nalo na jibe na julaka, mia kamiu, Karamemiu napano jo mave, naio mijikia ruei ka monoka kamiu kumisidom ka kuvar vite nalo na.

Mataiu 6:4

Ver jau kalavan kiamo im̃auano vu tibe na, mia Karam̃amo napano mijikia mial vite nalo napano kulo dolu maka ajikia aialio, naio mia sian ijaiano vanso riviorio.”

Mataiu 6:6

Mia ver bogo napano jau kobolkouo, mia bo ka jau kala ka mia jau ga ve takurano kava joomo ea kunuamo yesobi, ea vio na tomu nalo ajikia re ka aialso, mia jau ketetavoko kiamo m̃aratavo, ana mo jau kobolkouo van Karam̃amo napano naio jo, mia maka toro tai rijikia rial naio. Ana mia Karam̃amo nene naio ga mijikia rial vite nonovio nalo napano tomu nalo maka ajikia aialio, mia naio rijev mauo nene vanso riviorio.

Yesu Kristo Kiano Ioluano Vou Napano MAK Bivitauiaio 1:3

Mia naio jom̃a bio ea vio yauo, berinavo ‘Kamiu kuvila vatitigio m̃arabo nalo na Tubo Atua kiano, nalo amemedu rivu, ka naio mijikia rieliel ealo, naio rimaluvo ea kenemiu meuliano nalo!’ ” Aisaia 40:3

Luka 12:30

Ierinio, tomu nalo reraio na buruvenuo nonovio na yetemeriba neibano ajum̃a ajidomii m̃elea vite nalo jibe na bogo nonovio ga, mia kamiu, karamemiu naio mijikia ruei ka monoka kuvar vite nalo na jibe na.

Luka 12:32

Ierinio kiaku nunu sesa nalo, karamemiu naio jidom toru ka rijamo ka kamiu kumei kuve tubo ka kiano tomu nalo, ana na mia kamiu kuvisidomial re titai leleio, mia vite nonovio rimei rivu ka kamiu.”

Jone 20:17

Ana Yesu ber kanio, berinavo “Mere, to, kotokol re kiniou tibe na. Kiniou maka najikia notoa vio nei, bior maka nava mave vo ea Teta. Mia bo jau kavan ea kuruaku nalo, koverial kalo ka kiniou neber jibe na, ka vonganei, kiniou nojo nabavin mave bereio ea naio napano be karam̃aku, a be karamemiu, napano be kiaku Atua, a be kenemiu Atua.”

Romo 1:3

Burum̃ara vite napano Ioluano Vou nei naio berialio, naio be Yesu Kristo kiado Tubo, napano naio be Atua kenerinio napano naio miila naio miyotuba ka kito ea yetemeriba nei. Naina naruei napano ea tivelinio na yati na m̃aratavo na kanano, kito romijikia roverinavo naio moluo ea yati na tormoruo Parinio Tubo Teviti memedu.

2 Korin 6:18

Mia kiniou, jibe Atua Sop̃i, nemijikia never kalo never ‘Kamiu kumei ka neve karamemiu, a ka kamiu kuve keneriku nalo rimemedu.’ ”

Kalesia 1:4

Nao, Yesu Kristo naio mila memedu ga jibe ka napano Atua karam̃ado jidomio, ka napano naio rijamo ka mia naio rim̃aro ka rila bulag kiado kariano nalo, ka mia naio mijikia rivuru bulag kito den bajago na bova na bogo nei napano kito rojuaio vonganei.

1Tesa 3:13

A bija nina, nobolkouo ka mia naio ridu jidomiano tai na bo a jikili vatitig ea kamiu, ka kuvijikia kuvokar vatitig kenemiu meuliano nalo vanvano vokar bogo na kiado Tubo Yesu riyotuba vija kiano kulo lu nalo, ana bogo na mia kuvijikia kuvisikili kuvitu ea Atua Karam̃ado mirano na kamiu kumeravo rivu, kube lu vatitigio ga kumitu.

1Tesa 4:16

Makanio, a venia mia rimoluo ea bogo na jibe na. Mia parinio nailiano na tiniabene rivio souo vija verialiano tai na toru, a mia Atua kiano simeduo riolu, a mia kiado Tubo taluvo ea tiniabene mave rivatove nei. Naio rivatove, mia namoneano nalo na am̃arm̃aro aju, mia atumormolu bereio beamu.

1Tesa 5:23

Ana nobolkouo ka Atua ga, napano be Atua na tum̃aro, rila kenemiu iviso vija jidomiano a meuliano bunu rive lu mia rive lu vatitigio. Nojidom laka ka bogo na kiado Tubo Yesu Kristo rimei bereio, mia niunomiu, tiniemiu, vija mokotenemiu nonovio maka lele kiri soro tai toalo.

2Tesa 2:16

Karam̃ado Atua tiniene jii kito, kiano tiniememiano ka kito midular kiado jidomiano ea kiano verikariano tai na bo, ka kito rotu rivu vija naio bogo nonovio maka rijikia ribisi bogo tai. Ana nobolkouo ka naio, ka mia kenerinio, kiado Tubo Yesu Kristo,

2Tesa 3:16

Kiaku iliano na maaro, nobolkouo ka mia Tubo na tum̃aro rudu kiano tum̃aro to vija kamiu ea kenemiu m̃arabo nalo riviniu, nobolkouo ka naio rivija kamiu kuviniu bogo nonovio.

2Tesa 3:5

Kamiu kumila jibe na bo laka, mia kiaku volkouano ka mia Kristo kiado Tubo tukamu ka kamiu riva rivokar na kenemiu jidomiano rimei rive tebievi riano tibe ka kiano, a na kenemiu iviso rivujo ea Atua kiano tinietiiano.

1 Jone 3:1

Kamiu kuvisidomii von tinietiiano na Atua Teta kanano na ban kito tomu na bova. Naio tinien jii kito toru laka-o mia, banbano-o na mila ban kito jibe ka na kito romial kito robe kenerinio nalo ga. Mia maka ve kito ga na ramial kito jibe na, bior naio bunu, naio buru kito robinimei jouro ea kiano m̃aratavo ruei, jibe ka kenerinio nalo memedu ga. Nalo dolu nalo na yetemeriba nei nalo maka ajikia batitig karam̃ado vo, jibe ka na m̃a kito romijikia naio, naruei vite na mila na nalo maka ajikia kito bunu, ka kito robe kenerinio nalo.

Navisip̃eiano 21:3

Mo ka bogo na kiniou nomijog iliano na bo tai juvan vio mave, berial jibe nei, berinavo “Vonganei, Atua jidom to vija tomu nalo na yetemeriba, jidom rila kanano vonuo toalo. Mia nalo amei ave tomu nalo na kanano, bior ka napano mia naio to vijalo toboto, naio rimei ve kialo Atua riano.