1Tesa 2:18 - Verikariano Vou Na Baki

¹⁸ Kumemi numitu jibe nei, numisidom ka nuvial m̃arabo ka nuviedu nuvial kamiu bereio, a kiniou Pol nojo nomilavon vatelabo laka, mia toro va nei Sim̃aro, naio jo jokoko vio julaka ga.

1Tesa 2:18 ပူးပေါင်းရင်းမြစ်များ

Romo 15:22

Jibe napano nober ruei, bogo miroano nojidom neviedu ea kamiu na Romo, mia nojo nomila im̃auano ea vio dolu, a todolu nalo miroano banbano-o maka bunu neial bogo tai kanio vo.

Romo 1:13

Banalo, nojidom kamiu kuvijikia ka va telabo ruei kiniou nemila vio jikili ka neviedu kean kamiu, mia dam̃ariga m̃arabo bisaro ea vite tealo, mila na maka neviedu vo. Mia nojidom toru ka neviedu, ka kanaku im̃auano mijikia rivar m̃arati tai bunu ea kamiu napano kumonea ruei, jibe na napano bar ruei ea nalo napano maka ave Ju ea vio dolu nalo.

Navisip̃eiano 2:10

“ ‘ “Mia be riano, p̃eli mia vesiou re kamiu tealo monoka avar burum̃ara jogvaiano nalo rivior napano kumonea kiniou, mia kumerou re. P̃eli Sim̃aro naio mijikia rila ka mia avuku kam tealo avan ea nalakoiano, ka naio to rila vonvon kamiu, mia nemijikia never ka mia naio rijikia rila lelan kamiu ea jogvaiano nalo riva rivokar legiano ve duelimo ga. Ver tibe na, monoka kuvitu sikili riva rivokar bogo na mia adular kenemiu jegi, mia ver kuvijoru re ea bogo na, mia bogo na koviyotuba kean kiniou, mia nesian burum̃ara ijaiano van kamiu, nina be batubatu niogo na meuliano.

Mataiu 4:10

Mia Yesu naio mil ban Sim̃aro, berdop̃e kiano iliano, berinavo “Jau kovuro den kiniou, Sim̃aro. Niosi Lu naio berenio ruei, berinavo ‘Mia jau kolotu ka ga Tubo kiamo Atua, naio ga takurano, mia naio ga kala kanano im̃auano.’”

Kolosia 4:18

Mia vonganei, kiniou nodular vovojulu den toro nam̃a jo bivitauia m̃esi, naruei kiniou Pol nejirii kanaku iliano na maaro biedu ban kamiu ka jum̃aku ga, neber kavijo bo p̃eli na bogiano bo ban kamiu. Kamiu tiniemiu ribobogia re marimieni nalo na amiadikar kiniou kanio, mia Atua kanano tiniamemiano naio to vija kamiu nonovio. Kiniou, Pol.

Vailimon 1:9

mia takii bajago na tinietiiano, maka nesidom neil sikili tibe na vanso. Vonganei nebinimei nebe tormoruo ruei, nojoa yimo na tetavokoiano bior Yesu Kristo, naruei nejidom nevika denso ga, verenio jau kajaaro ka kajamo ka vite napano ver nevika denso.

Vilip 4:16

Mia kamiu kubo laka, kumitu kumijai kiniou ea bogo na jum̃aku bulati, kumitum̃a kumituvan ijaiano binimei ban kiniou va telabo kija, bano-o bokar bogo na naba nojo nomim̃au laka yako Tesalonaika.

2Tesa 3:17

Vio nei telisu yetano nei mia keial ka kiniou ga nobivitauia iliano nalo ka jum̃aku. Nojidom ka nala tibe nei ea kiaku niosi nalo ka kuvitu kuvitilubar jum̃aku ka kiniou naruei nojuvan niosi nei biedu. Naio naruei kiaku vivitauiano jo, beriio:

1 Korin 16:21

Mia jikar ea vio na telisu nei, kiniou Pol nojo nobokar vovojulu nojo nobivitau ka nesian kiaku iliano maariano van kamiu.