1Tesa 1:9 - Verikariano Vou Na Baki

⁹ Kumemi maka bunu nuvitukunu rivan kulo dolu nalo na, mia nalo ajukunu binimei ban kumemi bereio, ajukunu jum̃abe ka napano kamiu na vio Tesalonaika kuburu kumemi numitu bija kamiu, a jum̃abe na kubilig kamiu, kubuku bulag kenemiu tavoru nalo na m̃arm̃aro, kumei tibe tomu nalo na Atua na meul riano kiano.

1Tesa 1:9 ပူးပေါင်းရင်းမြစ်များ

1 Korin 12:2

Beamu, bo ka kuvisidomii nua ea bogo na maka kumonmonea vo. Ea bogo na, moroano nalo na niununo dolu nalo aju amim̃au ea kamiu, aburu kenemiu jidomiano ba be vovu vatitig ka kuvilotu ka tavoru nalo ninio napano maka ajikia ail.

1Tesa 2:13

Titai dolu bunu nuber siva ban Atua bogo nonovio biorio, naina kenemiu bajago na bogo na lilianiano miyotuba ea kamiu. Kumijog, a maka lele kuvukulario ka kuver toro ga kiano iliano, a kumitu kubitii kuber be riano, be Atua kiano iliano memedu. Mia kamiu na kumonea, kubetavo ea kenemiu iviso ka mia naio to rim̃au ea kenemiu meuliano rivokar banei.

1Tesa 2:1

Banalo, kumemi numijog iliano tai aber numim̃au kirivova, mia be tinieku ka kubitilubar ka kenememi yaduiano ea kamiu bar m̃arati moroano na bo.

Im̃auano 14:15

“!Kuverburelo, kuverburelo! !Kamiu kuvila re tibe na van kumemi! !Kumemi juo nube toro ga javukia kamiu ga, maka nuve atua nei! Kumemi nubinimei ga bija Lilianiano Vou na bo, nubinimei ka nuverial van kamiu ka monoka kuvituvan kenemiu bajago moruo nalo na jibe na atu, kuvolkouo re bunu ka kenemiu atua nalo na telabo napano am̃arm̃aro ga. Mia nubinimei ka nuverial van kamiu ka Atua takurano ga jo napano naio meul, a numisidom nuvilig kamiu van naio, napano naio ga naio jii na vio yauo bija borotano, bija tei, a naio jii vite nalo nonovio napano ajua vio nonovio nalo ea yetemeriba nei.

Abe Kulo Ju 12:22

Naina naruei be burusuku lu na tuboiano moruo re beamu, mia vonganei kito maka bunu m̃a ravan eaio, robinimei ea burusuku lu na Ioluano Vou na bo burusuku Saion nei. Naina jo tiniabene, napano be burum̃ara bulukomeli na Atua na meul kanano naio joaio, naio be Yerusalemo vou na vio mave. Naio bujo magmago ka nailiano nalo, miroano mia miroano napano maka ajikia avulukulo, napano abitiri bijiilo aju janea vio ka ala iouano na saariano.

Romo 9:26

A bogo tai bereio, Osea berial Atua kiano iliano dolu napano ber “Beamu, neber ka tomu nalo ea vio nei ka nalo maka ave kanaku tomu, a vonganei, mia ajog napano aju abiolo ka nalo abe keneriku, kiniou Atua na moroano, kiniou Atua napano nemeul.” Osea 1:10

Mataiu 16:16

Ana Saimon Pitere naio berdop̃e, berinavo “Jau kobe Naverikariano, jau kobe Atua na meul kenerinio.”

1 Jone 5:21

Keneriku nalo: Kamiu kuvitikar vatitig kamiu rivu, mia kuvilotu ka Atua nei naio takurano ga tulaka, kuvijamo ka re tavoru dolu nalo amei ka adu jeleig naio ea kenemiu jidomiano nalo. Kiniou, Jone.