Tito 2:13 - Lalang Hu Dios

¹³ Buhaten taw haena iman ha tag-angat kuy pa hu pagdini hu gamhanan ha Dios ha si Cristo Jesus sa Manluluwas taw

Tito 2:13 ပူးပေါင်းရင်းမြစ်များ

Mateo 16:27

Siak sa Batà hu Etaw aglikù a dà dini ku malugay duma hu mga balinsuguen hu Dios daw magpangaluanlag a iling hu Dios ha Amay ku. Duun asem taena balesan din sa kada sabuwa sumalà hu mga binuhat dan.

Mateo 25:31

“Siak sa Batà hu Etaw ku lumikù a dini ha tagpangaluanlag duma hu alan ha mga balinsuguen hu Dios minuu a duun hu trunu.

Mateo 26:64

Tuminubag si Jesus, “Iyan ad en su inikagi nu. Ba ikagiyen ku inyu ha siak sa Batà hu Etaw maahà a asem inyu ha minuu a duun hu kawanan taena ha gamhanan ha Dios daw maahà a daan inyu ha makabulus diyà tayà ha gabunan.”

Marcos 14:62

Tuminubag si Jesus, “Iyan ad en daw ikagiyen ku inyu ha siak sa Batà hu Etaw maahà a asem inyu ha minuu a duun hu kawanan taena ha gamhanan ha Dios daw maahà a daan inyu ha makabulus diyà tayà ha gabunan.”

Marcos 8:38

Duun taini ha panahun nakadiyù en sa etaw duun hu Dios daw tagbuhat en sidan hu mga madaet. Bisan sin-u haena sa ikagayhà din sa pagsunud kanak daw sa mga lalang ku siak sa Batà hu Etaw ikagayhà ku daan asem haena ku lumikù a dini ha magpangaluanlag iling hu Dios ha Amay ku daw hu mga balinsuguen din.”

Mga Buhat 24:15

daw tagsalapen ku iman ha sa alan ha namamatay en sa matareng daw sa makasasalà mabanhaw dà hu Dios iling ha iyan daan haini tagsalapen taini ha migsusumbung kanak.

Roma 15:13

Sa Dios ha iyan puunaan hu taghinamen taw mailahan kaw kandin hu adagi ha kalipay daw kalinaw tumenged hu pagsalig nuy kandin ta daw mag-iseg gayed sa paghinam nuy pinaagi hu gahem hu Balaan ha Ispiritu.

Roma 5:5

ha madawat taw gayed sa insaad din kanuy. Natun-an taw haena ta in-ila kanuy hu Dios sa Balaan ha Ispiritu ha iyan migpadayag hu adagi ha pagpalanggà hu Dios kanuy.

Roma 8:18

Inisip ku ha sa mga alantusen taw iman atiyuay dà gayed tungkay dì hu mga madagway ha intagana kanuy hu Dios diyà ta langit.

1 Corinto 1:7

hurà kaw kakulangi hu bisan inu ha katatau ha in-ila hu Balaan ha Ispiritu iman ha tag-angatan nuy sa paglikù hi Cristo Jesus ha Ginuu taw.

2 Corinto 4:4

Hurà sidan tuu ta tinambunan hi Satanas sa henà-henà dan ta daw harì sidan mailawan hu Maayad ha Tultulanen mahitenged hu pagkagamhanan hi Cristo sa iling hu Dios.

2 Corinto 4:6

Su tanghagaen hu Dios sa alan minikagi haena, “Humiwal sa kapawà duun hu kasukileman.” Iyan haena nakailaw hu henà-henà taw ta daw matun-an taw sa pagkagamhanan din ha impadayag din pinaagi ki Cristo.

Colosas 1:23

Ba kinahanglan ha malig-en gayed sa pagtuu nuy daw harì kaw umendà duun hu taghinamen ha napaliman nuy en. Saini ha Maayad ha Tultulanen ha napaliman nuy insangyaw duun hu bisan hindu daw iyan a si Pablo sa sinaligan hu Dios hu pagpanunultul taini.

Colosas 1:27

Sa katuyuan hu Dios iyan sa pagpadayag kanuy hu belenganen ha paagi din duun hu kenà mga Judio. Saena ha inlilung iyan sa dini en ta kanuy si Cristo daw pinaagi taini amin madagway ha tagsalapen taw diyà ta langit.

Colosas 1:5

Saini tumenged hu hinam nuy taena ha intagana inyu diyà ta langit ha napaliman nuy su anay makauma diyan sa kamatuuran mahitenged ki Cristo Jesus. Saini ha Maayad ha Tultulanen agpakalekep en dini ta kalibutan daw agpamunga duun hu bisan hindu iling daan diyan ta inyu sugud su anay nuy mapaliman daw su masabut nuy en sa kamatuuran mahitenged hu grasya hu Dios.

Colosas 3:4

Ku magpadayag asem si Cristo ha iyan kinabuhì nuy magpangaluanlag kaw daan duma kandin.

2 Tesalonica 2:16

Si Cristo Jesus ha Ginuu daw sa Dios ha Amay taw maglipay daw magpalig-en inyu ta daw maayad gayed sa alan ha mabuhat daw maikagi nuy, ta pinalanggà kuy kandin daw pinaagi hu grasya din inilahan kuy en kandin hu hurà din katapusan ha kalipay daw hu adagi ha hinam.

2 Tesalonica 2:8

Duun asem taena humiwal haena hu mababà ha panahun ta ku lumikù si Jesus ha Ginuu, pinaagi hu pagkagamhanan din daegen din haena daw silutan gayed.

1 Timoteo 1:1

Iyan a si Pablo sa migsulat taini. Apustul a hi Cristo Jesus sinugù hu Dios ha Manluluwas taw daw hi Cristo Jesus sa tagsalapen taw iman.

2 Timoteo 1:2

Sinulatan ku ikaw, Timoteo sa pinalanggà ku ha batà duun hu pagtuu. Sa Dios ha Amay daw si Cristo Jesus ha Ginuu taw mahid-u daw mag-ila ikaw hu grasya daw kalinaw.

2 Timoteo 4:1

Duun hu atubangan hu Dios daw hi Cristo Jesus ha iyan maghukum hu mga minatay en daw mga bubuhay pa daw tumenged ta aglikù si Jesus hu pagharì, ikagiyen ku ikaw

2 Timoteo 4:8

Aman intagana en sa bales ha ig-ila kanak hu Ginuu sa matareng ha Maghuhukum duun asem taena ha aldaw tumenged hu mga matareng ha binuhat ku. Daw kenà a iyan dà makadawat taena ta lagkes en daan sa alan ha tagsalap hu paglikù din.

Tito 1:2

daw mahinam dan daan sa kinabuhì ha hurà din katapusan ha insaad kanuy hu Dios su hurà pa tanghagaa sa kalibutan. Sa Dios ha Manluluwas taw harì gayed tagbidù, aman duun hu natugun ha panahun impadayag din haena pinaagi hu pagpanunultul ku hu lalang ha insalig din kanak.

Tito 1:4

Sinulatan ku ikaw, Tito sa batà ku duun hu pagtuu. Sa Dios ha Amay taw daw si Cristo Jesus ha Manluluwas taw mag-ila ikaw hu grasya daw kalinaw.

Tito 3:4

Bisan pa ku iyan haena mga buhat ta su anay ba sa Dios ha Manluluwas taw impaahà din kanit sa pagmahid-uwen daw sa pagpalanggà din kanit

Hebreo 9:28

Iling daan taena si Cristo kasabuwa dà magpakamatay hu pagpamalas hu salà hu kaet-etawan. Ku lumikù asem haena sa tuyù din kenà en iyan sa pag-uwit duun hu krus hu salà hu kaet-etawan ba iyan en sa katumanan hu kaluwasan taena ha tagsalap kandin.

1 Pedro 1:3

Dayeen sa Dios ha iyan Amay hi Cristo Jesus ha Ginuu taw. Tumenged hu adagi ha kahid-u din kanuy in-isab kuy imbatà pinaagi hu pagbanhawa din ki Cristo Jesus. Aman iman amin taw adagi ha hinam

1 Pedro 1:7

Sa katuyuan taini ha mga pagsulay iyan sa pagsusi ku laus ba gayed sa pagtuu nuy. Iling hu bulawan ha agkadaetan dà ba saena limpyuwan gihapun pinaagi hu hapuy. Ba sa pagtuu nuy labaw pa dì hu bulawan. Ku makaantus kaw taena ha pagsulay dayeen kaw gayed daw tahuran kaw asem ku lumikù si Cristo Jesus.

2 Pedro 1:1

Iyan a si Simon Pedro ha suluguen daw apustul hi Cristo Jesus sa migsulat taini. Sinulatan ku inyu sa amin din pagtuu ha iling kamahal hu kanay ha pagtuu pinaagi ki Cristo Jesus sa matareng ha Dios daw Manluluwas taw.

2 Pedro 3:18

Kinahanglan ha tumubù gayed sa pagtuu nuy pinaagi hu grasya daw hu pagpakatuen nuy mahitenged ki Cristo Jesus ha Ginuu daw Manluluwas taw. Dayeen si Cristo Jesus iman hangtud hu hurà din katapusan.

1 Juan 4:14

Daw sikay sa mga apustulis makapanistigus kay daan ha impadini hu Dios ha Amay taw sa Batà din ta kalibutan ta daw iyan Manluluwas hu kaet-etawan. Sa hinengdan ha pakapanistigus kay taena ta naahà day gayed si Jesus.

Judas 1:21

Magpabilin kaw duun hu pagpalanggà inyu hu Dios iman ha tag-angat kaw pa hu katumanan taena ha kinabuhì ha hurà din en katapusan ha ig-ila kanuy hi Cristo Jesus ha Ginuu taw tumenged hu kahid-u din kanuy.

Impadayag 1:7

Timan-i nuy ha ku lumikù si Jesus diyà tayà ha gabunan maahà gayed hu alan-alan bisan haena sa migdughang kandin su anay. Duun asem taena maglugul gayed sa alan ha kaet-etawan dini ta kalibutan tumenged kandin. Matuman gayed haena.