Tito 1:16 - Lalang Hu Dios

¹⁶ Tag-ikagi sidan ha nakilala dan sa Dios ba tagpaahà ha kenà sidan tumutuu pinaagi hu mga buhat dan, ta sa tagbuhaten dan iyan sa agtambagan hu mga etaw daw masinupaken daan sidan daw harì gayed sidan pakahimu tagbuhat hu maayad.

Tito 1:16 ပူးပေါင်းရင်းမြစ်များ

Roma 1:28

Tumenged ta hurà dan en gayed bali-baliya sa kamatuuran mahitenged hu Dios binay-anan sidan hu Dios ta daw maulipen sidan hu bisan inu ha madaet ha henà-henà daw kinaiya.

Efeso 5:6

Harì kaw gayed magpalimbung hu bisan sin-u pinaagi hu mga lalang dan ha hurà din pulus ta tumenged taena ha mga madaet ha buhat agsilutan hu Dios sa etaw ha agpakasupak kandin.

1 Timoteo 1:9

Daw natun-an taw daan ha saini kenà para hu mga matareng ha etaw ta intagana haini hu tagbuhat hu madaet daw masinupaken, sa kenà matinahuren hu Dios daw sa mga makasasalà, sa harì agtuu daw sa tagtameyes pa gayed hu Dios, saena ha agpangimatay hu mga laas din daw hu bisan sin-u,

1 Timoteo 5:8

Ta ku amin harì din tagtanulen sa mga kadumahan din labi en sa kandin ha pamilya, saena suminuway duun hu kamatuuran daw sa batasan din madaet pa dì hu kenà tumutuu.

2 Timoteo 3:17

ta daw sa etaw hu Dios mahimpit daw maandam gayed pagbuhat hu maayad.

Tito 3:1

Ikagiyi dà sa mga tumutuu ha magmatinumanen gayed sidan hu mga agalen daw hu panggubirnuhan daw maandam daan sidan pagbuhat hu maayad.

Tito 3:3

Bisan su anay mga buang-buang ki daan, masinupaken ha nalaag duun hu kamatuuran, nabuhat ha ulipen taena ha kabayà ta hu bisan inu ha madaet daw kalibutanen ha kalipayan. Dayun dà madaet sa henà-henà ta duun hu duma daw amin ta kasina, sigi ta tagkuntrahen sa mga etaw daw kuntra ki daan kandan.

1 Juan 2:4

Ku amin tag-ikagi ha agpakakilala hu Dios ba harì tagtuman hu mga sugù din saena biduen gayed.

Judas 1:4

Sa hinengdan ha sinulatan ku inyu ta amin en nakaamul diyan ta inyu ha iglimud dan sa Dios. Tag-ikagi sidan ha mabaluy taw en buhata sa sumalà en ha malaw-ay tumenged ta sa Dios maluluy-en gayed aman pasayluwen kuy daan kandin, ba saini ha mga etaw insalikway dan gayed si Cristo Jesus ha iyan dà Ginuu. Sa igsilut kandan insulat en duun hu lalang hu Dios.

Impadayag 21:27

Ba hurà en gayed duun igpaseled ha mahugaw daw sa taghimu hu pinakagalugayhà daw sa limbungan ta iyan dà makaseled duun sa mga etaw ha nakasulat sa ngaran dan duun hu libru hu kinabuhì ha kandin ku Nati ha Karniru.

Impadayag 21:8

Ba saena ha agkahaldek hu pagsunud kanak daw sa kenà matinuuwen, sa mga pinakagalugayhà sa mga buhat dan daw sa mga talamunù, sa mga tagbuhat hu malaw-ay daw sa mga barangan, sa tagsimba duun hu mga diyus-diyus daw sa alan ha mga biduen, alan sidan iglambeg duun ku linaw ha tagkalegdeg ha asupri ha iyan en daan ikaduwa ha kamatayen.”