Santiago 5:13 - Lalang Hu Dios

¹³ Ku amin inyu taglised mag-ampù gayed. Ku amin malipayen ipagkanta taena ha pakadayè hu Dios.

Santiago 5:13 ပူးပေါင်းရင်းမြစ်များ

Mateo 26:30

Su makagkanta en sidan hu pagdayè hu Dios duminiyà sidan ta Buntud ta Ulibu.

Lucas 22:44

Miglugul gayed si Jesus aman ayuwà pa naniguru hu pag-ampù ha namanulù diyà ta bugtà sa ating din ha iling hu langesa.

Lucas 23:42

Dayun inikagiyan din si Jesus, “Ginuu, henhenaa a ikaw asem ku magharì ka.”

1 Corinto 14:15

Sa maayad ha buhaten ku na mag-ampù a pinaagi hu Balaan ha Ispiritu daw mahubad haena ta daw masabut ku daan, daw ku magkanta a gaheman gayed hu Balaan ha Ispiritu ta daw masabut ku daan.

1 Corinto 14:26

Mga suled, ku mag-amul-amul kaw hu pagsimba iyan haini buhaten nuy. Sa sabuwa inyu magkanta hu pakadayè hu Dios, sa duma magtudlù daw sa duma magpadayag hu lalang hu Dios, sa duma mag-ikagi hu harì agkasabut ha inikagiyan daw sa sabuwa iyan maghubad taena. Bisan inu sa agbuhaten nuy kinahanglan ha saena makapalig-en hu pagtuu nuy.

Efeso 5:19

Magdinasigay kaw pinaagi hu mga Salmo daw hu duma ha mga kanta ha pakadayè hu Dios. Magmalipayen kaw gayed hu pagbuhat taini isip ha iyan sa Ginuu tagkantahan nuy.

Hebreo 5:7

Su dini pa si Jesus ta kalibutan mig-ampù ha ta hinangyù hu madaging tag-agalà din sa Dios ha malibri ngaay hu kamatayen. Tumenged hu pagkamatinumanen din duun hu Dios napaliman sa pag-ampù din.

Santiago 5:10

Mga suled, henhenaa nuy sa mga prupita ha iyan migsaysay hu impaikagi hu Dios. Iyan haena buhaten nuy ha sampitan ta migpailub sidan hu mga alantusen.

Impadayag 14:3

Su 144 ha libu ha linuwas duun tagtiyadeg hu atubangan taena ha trunu hu Dios daw ku haepat ha tinanghagà daw taena ha mga magulang. Kinanta dan sa bag-u ha kanta ha iyan dà sidan pakatuen duun.

Impadayag 7:10

sa tagkulahì ha tagyanaen, “Sa Dios ha tagpinuu duun hu trunu daw sa Nati ha Karniru dayeen gayed ta naluwas kuy en kandan.”