Santiago 3:2 - Lalang Hu Dios

² Alan kuy pa gayed agkasayep, ba saena ha harì en gayed pakasalà pinaagi hu pag-ikagi din hurà taw makasaway kandin tumenged ta pakapugung en hu kaugalingen din.

Santiago 3:2 ပူးပေါင်းရင်းမြစ်များ

Mateo 12:34

Sinyu sa mga bunsalagan, in-inuwen nuy pag-ikagi hu maayad ha mga madaet kaw man? Ta ku inu sa duun hu henà-henà hu etaw iyan daan haena agkaikagi din.

Mateo 12:37

ta sa alan ha mga naikagi nuy iyan dà maghukum inyu ku silutan kaw ba daw ku harì.”

Roma 3:10

ta sa insulat ha lalang hu Dios tagyanaen, “Hurà gayed bisan sabuwa ha etaw ha matareng.

Roma 7:21

Iyan haini kahimtang ku ha agkabayaan ku ngaay agbuhata sa maayad ba iyan ku agkabuhat sa madaet.

1 Corinto 9:27

Tagpugung a hu kaugalingen ku ta kan ku natudluan ku sa duma ba iyan a man diay hurà din bales.

Galacia 3:22

Ba natun-an taw haini duun hu insulat ha lalang hu Dios ha sa kaet-etawan ulipen gayed hu salà, aman pinaagi dà hu pagtuu ki Cristo Jesus madawat taw sa kinabuhì ha insaad hu Dios.

Galacia 5:17

Ta sa makasasalà ha kinaiya supak hu Balaan ha Ispiritu daw sa agkabayaan hu Balaan ha Ispiritu supak gayed hu makasasalà ha kinaiya. Saini ha daruwa tagkuntra aman harì nuy gayed mabuhat sa agkabayaan nuy ngaay agbuhata.

Colosas 1:28

Iyan si Cristo tigsangyaw day. Tagsambagan daw tagtudluan day sa alan ha mga etaw sumalà hu natun-an day ta daw makagulang sa kada sabuwa duun hu pagtuu ki Cristo.

Colosas 4:12

Agpangamusta daan inyu si Epafras ha tagadiyan daan ta inyu daw suluguen hi Cristo Jesus. Saini agpaniguru tag-ampù ha gumulang sa pagtuu nuy daw matun-an nuy gayed sa agkabayaan hu Dios mahitenged inyu.

Santiago 1:26

Ku amin taghenà-henà ha masinimbahen duun hu Dios ba harì din agkatigelan sa pag-ikagi hu madaet, saena bà din dà nabidui sa kaugalingen din daw sa pagtuu din hurà din pulus.

Santiago 1:4

Ku maantus nuy iyan haena makapahamtung inyu ta daw mahimpit kaw gayed.

Santiago 2:10

Ta ku masupak nuy sa bisan sabuwa dà duun hu Kasuguan naamin nuy en nasupak sa Kasuguan.

1 Pedro 3:10

Ta sa insulat ha lalang hu Dios tagyanaen, “Sa etaw ha agkabayà hu maayad ha pagtimà kinahanglan ha magtigel hu pag-ikagi hu madaet daw hu pagbidù.

1 Pedro 5:10

Ku mapengahan sa mababà ha mga alantusen sa Dios maghimpit inyu daw makapalig-en hu pagtuu nuy ta daw harì kaw madaeg hu bisan inu, ta sa Dios tag-ila hu grasya daw iyan mighimu inyu ha tumutuu ta daw makaambit kaw duun hu hurà din katapusan ha pagkagamhanan hi Cristo.