Santiago 1:26 - Lalang Hu Dios

²⁶ Ku amin taghenà-henà ha masinimbahen duun hu Dios ba harì din agkatigelan sa pag-ikagi hu madaet, saena bà din dà nabidui sa kaugalingen din daw sa pagtuu din hurà din pulus.

Santiago 1:26 ပူးပေါင်းရင်းမြစ်များ

Mateo 15:9

Sa pagsimba dan kanak hurà din pulus daw sa katudluanan dan bà dà mga tulumanen ha binuhat hu etaw.’”

Marcos 7:7

Sa pagsimba dan kanak hurà din pulus daw sa katudluanan dan bà dà tulumanen ha binuhat hu etaw.’

Lucas 8:18

Aman panday kaw gayed magpaliliman ta sa etaw ha amin en kandin mailahan hu tungkay pa gayed madakel, ba saena ha hurà din en hu kandin bisan su iyan-iyan dà agtimuen pa gayed haena diyà ta kandin.”

1 Corinto 15:15

Ku iyan pa haini bidù diay sa tigtudlù day mahitenged hu Dios ta inikagi day ha sa Dios iyan migbanhaw ki Cristo. Ba ku laus pa ha harì agkabanhaw sa minatay hurà din ngaay banhawa si Cristo.

1 Corinto 15:2

Pinaagi taena maluwas kaw gayed ku mangeseg kaw duun taena ha intudlù ku inyu. Ba ku umendà kaw hurà gayed pulus hu pagtuu nuy.

1 Corinto 3:18

Harì nuy aglimbungi sa kaugalingen nuy. Ku amin inyu taghenà-henà ha matatau gayed kinahanglan ha isipen din haena ha hurà din pulus bisan ku ikagiyen hu mga etaw ha buang-buang. Ku buhaten din haena mabuhat ha matatau gayed ha etaw.

Galacia 2:6

Duun taena ha panahun, hurà en isabi hu pigkilala ha mga agalen sa inikagi ku. Bisan ku inisip sidan ha labaw ba mig-iling kay dà ta sa Dios hurà din gayed igpalabi.

Galacia 2:9

Si Santiago, si Pedro daw si Juan kinilala ha mga agalen, ba su matun-an dan en ha in-ila kanak hu Dios sa katenged ku nakigsabuwa sidan kanay ki Bernabe duun hu buluhaten hu Dios daw mig-uyun kay ha siak daw si Bernabe dumuun kay hu kenà mga Judio daw sidan dumuun daan hu mga Judio.

Galacia 3:4

Hurà ba diay pulus hu mga inantus nuy en duun hu pagtuu? Ba ikagiyen ku inyu ha mapuslanen gayed haena.

Galacia 6:3

Ku amin inyu taghenà-henà ha maayad en ba amin pa ikasaway kandin bà din dà nabidui sa kaugalingen din.

Efeso 4:29

Harì kaw tag-ikagi hu mga malaw-ay ba kinahanglan ha sa mga lalang nuy iyan sa makabulig taena ha tagpaliliman inyu sumalà hu kinahanglanen dan daw iyan sa makapalig-en hu pagtuu dan.

Efeso 5:4

Harì kaw daan mag-ikagi hu mga malaw-ay daw mga binuang ha lalang ta kenà haini angayan ha tagbuhaten hu mga tumutuu, ba sa buhaten nuy iyan gayed sa pagpasalamat duun hu Dios.

Colosas 4:6

daw pandayai gayed sa pag-ikagi nuy diyà ta kandan ta daw mabayà-bayaan dan haena, daw kinahanglan ha matun-an nuy daan sa hustu ha itubag duun hu bisan sin-u.

Santiago 1:19

Pinalanggà ku ha mga suled, henhenaa nuy haini ha sa kada sabuwa inyu kinahanglan ha magpanday magpaliliman daw harì maal en mag-ikagiyà daw harì daan madalì mapauk

Santiago 1:22

Harì kaw tagpalimbung hu kaugalingen nuy pinaagi hu bà dà pagpaliliman hu lalang hu Dios, ba kinahanglan ha tumanen nuy daan haena.

Santiago 2:20

Buang-buang kaw gayed. Hurà nuy ba diay katun-i ha ku hurà maayad ha buhat duma hu pagtuu saena hurà din pulus?

1 Pedro 3:10

Ta sa insulat ha lalang hu Dios tagyanaen, “Sa etaw ha agkabayà hu maayad ha pagtimà kinahanglan ha magtigel hu pag-ikagi hu madaet daw hu pagbidù.