Roma 9:17 - Lalang Hu Dios

¹⁷ Ta sa lalang hu Dios diyà ki Faraon sa Harì ta Ehipto tagyanaen, “Binuhat ku ikaw ha Harì ta daw pinaagi hu pagkadaeg nu makapadayag sa pagkagamhanan ku daw makilala a hu alan dini ta kalibutan.”

Roma 9:17 ပူးပေါင်းရင်းမြစ်များ

Juan 17:26

Impakilala kud ikaw diyà ta kandan daw agdayunen ku pa haena ta daw sa pagpalanggà nu kanak iyan daan pagpinalanggaay dan daw sabuwa a daan kandan.”

Roma 11:4

Ba sa Dios tuminubag kandin ha tagyanaen, “Kenà ka iyan dà ta amin pa pitu ha libu ha mga etaw ku ha hurà daan simba ki Baal.”

Galacia 3:22

Ba natun-an taw haini duun hu insulat ha lalang hu Dios ha sa kaet-etawan ulipen gayed hu salà, aman pinaagi dà hu pagtuu ki Cristo Jesus madawat taw sa kinabuhì ha insaad hu Dios.

Galacia 3:8

Daan en nakasulat duun hu lalang hu Dios ha bisan sa kenà mga Judio isipen gayed hu Dios ha matareng pinaagi hu pagtuu daw saini ha Maayad ha Tultulanen insangyaw en ki Abraham su anay ha tagyanaen, “Pinaagi hu pagtuu nu mapanalanginan sa alan ha kaet-etawan.”

Galacia 4:30

Ba sa insulat ha lalang hu Dios tagyanaen, “Ipaawà su bahi ha ulipen duma hu batà din ta harì mabaluy ha iyan sa batà din makaangken hu bisan inu ha kabilin ta intagana en haena hu batà hu laus ha asawa.”