Roma 8:37 - Lalang Hu Dios

³⁷ Aman duun hu bisan inu agpakadaeg kuy gayed pinaagi ki Cristo Jesus sa tagpalanggà kanuy.

Roma 8:37 ပူးပေါင်းရင်းမြစ်များ

Juan 16:33

“Inikagi ku haena inyu ta daw malinawen sa henà-henà nuy pinaagi hu pagkasabuwa taw. Dini ta kalibutan madakel gayed sa kasamukan nuy ba pandayai sa gahinawa nuy ta nadaeg kud en sa alan ha amin din gahem dini ta kalibutan.”

Roma 8:35

Aman hurà gayed makaelang hu pagpalanggà kanuy hi Cristo bisan pa sa mga kasamukan daw sa mga kalised, sa mga pasipala, sa kauhul daw sa pagkamakaluluuy, sa mga katalagman daw ku kamatayen ba.

1 Corinto 15:57

Ba adagi gayed sa pagpasalamat taw duun hu Dios ta sigi kuy dà agpakadaeg pinaagi ki Cristo Jesus ha Ginuu taw.

2 Corinto 12:19

Henà-henà nuy iman ha bà day dà aglabani sa kaugalingen day. Ba natun-an gayed haini hu Dios ha sa inikagi day diyà gayed napuun ki Cristo daw sa katuyuan day iyan gayed sa pagpalig-en hu pagtuu nuy sinyu sa pinalanggà ha mga suled ku.

2 Corinto 12:9

ba inikagiyan a Dios, “Sa bulig ku ikaw tumanan en ta daw makaantus ka, ta pinaagi hu kaluya nu mapadayag sa gahem ku.” Aman agkabayà-bayà a gayed hu pagpasigalbu mahitenged hu kaluya ku ta daw magbis-ay a pinaagi hu gahem hi Cristo.

2 Corinto 2:14

Adagi gayed sa pagpasalamat ku duun hu Dios ta pinaagi hu pagpakigsabuwa day ki Cristo impaahà hu Dios duun hu alan ha mga etaw ha nalibri kay duun hu gahem hi Satanas. Pinaagi kanay sa tultulanen mahitenged ki Cristo agkailing hu pahumut ha nakalekep duun hu bisan hindu.

Galacia 2:20

Iling a hu inlansang duun hu krus duma ki Cristo. Aman kenà ad en iyan tagbayà hu kinabuhì ku iman ba iyan en si Cristo sa tagtimà dini ta kanak, daw sa pagkinabuhì ku iman pinaagi en hu pagtuu ku hu Batà hu Dios ha iyan migpalanggà kanak daw migpakamatay para kanak.

Efeso 5:2

daw magpinalanggaay kaw gayed iling ha si Cristo pinalanggà kuy kandin daw migpakamatay para kanuy na sa kamatayen din iling hu mahumut ha inhalad duun hu Dios.

2 Tesalonica 2:16

Si Cristo Jesus ha Ginuu daw sa Dios ha Amay taw maglipay daw magpalig-en inyu ta daw maayad gayed sa alan ha mabuhat daw maikagi nuy, ta pinalanggà kuy kandin daw pinaagi hu grasya din inilahan kuy en kandin hu hurà din katapusan ha kalipay daw hu adagi ha hinam.

1 Juan 4:10

Sa laus ha pagpalanggà kenà iyan sa kanuy ha pagpalanggà hu Dios ba iyan sa pagpalanggà din kanuy, ta impadini din ta kalibutan sa Batà din ta daw pinaagi hu paghalad din hu kaugalingen din mapalas din sa mga salà taw.

1 Juan 4:19

Pinalanggà taw sa Dios ta iyan nauna ha migpalanggà kanuy.

1 Juan 4:4

Ba sinyu sa pinalanggà ku ha mga batà, iyan kaw iman etaw hu Dios daw nadaeg nuy en sa mga biduen ha manunudlù, ta sa Balaan ha Ispiritu ha uminulin diyan ta inyu mabis-ay gayed dì ki Satanas sa ag-tagu daan duun hu kenà mga tumutuu.

Judas 1:24

Sa Dios magbantay inyu ta daw harì kaw mahulug duun hu salà daw ku ipaatubang kaw kandin asem malipayen kaw gayed ta hurà ikasaway inyu.

Impadayag 12:11

Saena ha mga suled taw ha tumutuu nadaeg dan en si Satanas pinaagi hu langesa hu Nati ha Karniru daw pinaagi hu pagpanunultul dan hu lalang hu Dios ta hurà dan kanuguni sa kinabuhì dan bisan duun hu kamatayen.

Impadayag 17:14

Dayun sabaen dan su Nati ha Karniru, ba madaeg din sidan ta saena ha Nati iyan Magbabayà hu alan ha mga magbabayà daw Harì hu alan ha mga harì. Sa duma din iyan sa mga hinimu hu Dios ha tumutuu ha pinilì din daw matinumanen daan kandin.”

Impadayag 21:7

Bisan sin-u sa makapildi hu madaet makaangken taena ha kinabuhì daw iyan a kandin Dios daw iyan en daan batà ku.

Impadayag 3:9

Su mga tagpasibù-sibù ha mga Judio ba mga sakup hi Satanas ipaluhud ku gayed duun hu atubangan nuy daw matun-an dan ha palanggà ku gayed inyu.