Roma 8:19 - Lalang Hu Dios

¹⁹ Sa alan ha tinanghagà iman tagsalap gayed taena ha panahun ha ipadayag hu Dios ha mga batà kuy kandin.

Roma 8:19 ပူးပေါင်းရင်းမြစ်များ

Mateo 5:9

“Malipayen gayed sa mga tagbuhat hu kalinaw ta makilala sidan ha batà hu Dios.

Juan 1:12

Ba sa alan ha nakadawat kandin daw nakatuu daan inilahan din hu katenged ha mabuhat ha mga batà hu Dios.

Mga Buhat 3:21

Ba saena diyà pa iman ta langit taman ha bag-uwen hu Dios sa alan sumalà hu inikagi hu mga prupita.

Roma 8:14

Sa alan ha tagbayaan hu Balaan ha Ispiritu iyan gayed mga batà hu Dios.

Roma 8:16

ta iyan gayed sa Balaan ha Ispiritu migpadayag kanuy ha batà kuy en iman hu Dios.

Roma 8:18

Inisip ku ha sa mga alantusen taw iman atiyuay dà gayed tungkay dì hu mga madagway ha intagana kanuy hu Dios diyà ta langit.

Roma 8:23

Ba kenà iyan dà haena tag-antus ta nakalagkes kuy en daan sa inulinan hu Balaan ha Ispiritu iman ha tag-antus kuy pa hu pag-angat taena ha panahun ha ipadayag hu Dios ha mga batà kuy kandin daw ilisan din sa lawa taw hu bag-u ha harì en agpatay.

Roma 9:26

Daw inikagi daan, “Duun taena ha lugar su anay ha inikagiyan ku sa mga etaw duun ha kenà ku etaw na iman ngaranan en sidan ha mga batà hu Dios ha bubuhay.”

1 Corinto 1:7

hurà kaw kakulangi hu bisan inu ha katatau ha in-ila hu Balaan ha Ispiritu iman ha tag-angatan nuy sa paglikù hi Cristo Jesus ha Ginuu taw.

1 Corinto 1:8

Lig-enan din sa pagtuu nuy hangtud hu katapusan hu panahun ta daw hurà en ikasaway inyu ku lumikù si Cristo Jesus ha Ginuu taw.

2 Corinto 6:18

Mabuhat a ha Amay nuy daw mabuhat kaw daan ha mga batà ku. Iyan haini inikagi hu Dios ha gamhanan daw Magbabayà hu alan.”

Galacia 3:26

Pinaagi hu pagtuu nuy ki Cristo Jesus nabuhat kaw ha mga batà hu Dios.

Filipos 1:20

Iyan taghinamen ku ha harì a magayhaan ba pinaagi hu paniguru ku madayè gayed si Cristo dini ta kanak ku bubuhay a pa daw bisan daan ku matay ad.

Colosas 3:4

Ku magpadayag asem si Cristo ha iyan kinabuhì nuy magpangaluanlag kaw daan duma kandin.

Hebreo 12:27

Sa kahulugan taena iyan sa ag-awaen din sa alan ha mga tinanghagà. Ta daw iyan dà masamà sa harì en agkakayug.

1 Pedro 1:13

Iman andamen nuy sa henà-henà nuy duun hu bisan inu ha buluhaten, managentagen kaw daw hinamen nuy gayed sa mga panalangin ha ig-ila inyu hu Dios ku lumikù si Cristo Jesus.

1 Pedro 1:7

Sa katuyuan taini ha mga pagsulay iyan sa pagsusi ku laus ba gayed sa pagtuu nuy. Iling hu bulawan ha agkadaetan dà ba saena limpyuwan gihapun pinaagi hu hapuy. Ba sa pagtuu nuy labaw pa dì hu bulawan. Ku makaantus kaw taena ha pagsulay dayeen kaw gayed daw tahuran kaw asem ku lumikù si Cristo Jesus.

1 Juan 3:1

Adagi gayed tungkay sa pagpalanggà kanuy hu Dios ha Amay taw ta inisip kuy en kandin ha mga batà din daw laus gayed haena. Iyan haini hinengdan ha sa mga etaw dini ta kalibutan harì pakakilala kanuy ta hurà dan daan kakilala sa Dios.

1 Juan 3:2

Minahal ku ha mga suled, iyan kuy gayed iman mga batà hu Dios. Inlilung pa iman kanuy ku inu gayed sa kadagway taw asem, ba natun-an taw en ha ku lumikù si Jesus mailing kuy kandin ta maahà taw en haena.

Impadayag 21:7

Bisan sin-u sa makapildi hu madaet makaangken taena ha kinabuhì daw iyan a kandin Dios daw iyan en daan batà ku.