Roma 8:1 - Lalang Hu Dios

¹ Sikuy sa nakigsabuwa ki Cristo Jesus, harì kuy en mahukuman hu silut.

Roma 8:1 ပူးပေါင်းရင်းမြစ်များ

Juan 14:20

Duun asem taena ha aldaw matun-an nuy ha siak daw sa Dios ha Amay ku sabuwa kay dà, daw siak daw sinyu sabuwa kuy dà daan.

Juan 15:4

Ku harì kaw sumuway kanak harì a daan sumuway inyu. Hurà gayed panga ha makapamunga ku maawà duun hu puun din. Iling daan inyu harì kaw mamunga ku maawà kaw dini ta kanak.

Juan 5:24

“Laus gayed sa ag-ikagiyen ku ha bisan sin-u sa magpaliliman kanak daw tumuu hu Dios ha migsugù kanak amin din kinabuhì ha hurà din katapusan. Harì en haena masilutan ta nakalikay en duun hu kamatayen daw amin din en kinabuhì ha hurà din katapusan.

Roma 16:3

Ipangamusta a ki Priscila daw ki Aquila sa bulig ku duun hu buluhaten hi Cristo Jesus

Roma 16:7

Ipangamusta a ki Andronico daw ki Junias sa kadumahan ku ha mga Judio ha naprisu daan su anay duma kanak. Tinahud sidan hu mga apustulis daw iyan daan sidan nauna dì kanak ha nakatuu ki Cristo.

Roma 5:1

Iman tumenged ta inisip kuy hu Dios ha matareng pinaagi hu pagtuu taw malinawen en gayed sa pagdapità taw hu Dios pinaagi ki Cristo Jesus ha Ginuu taw.

Roma 5:16

Sa agkapayanan-an hu grasya hu Dios kenà iling hu napayanan-an hu salà hi Adan. Ta pinaagi hu salà hi Adan aghukuman sa kaet-etawan hu silut, ba pinaagi hu grasya hu Dios bisan pa ku makasasalà gayed sa etaw ba mabuhat haena ha matareng.

Roma 7:17

Sa igpakasalà ku kenà pinaagi hu kanak dà ha pagbayà ba tumenged hu makasasalà ha kinaiya ku.

Roma 7:20

Ku iyan ku iman agkabuhat sa harì ku agkabayaan kenà haena kanak ha pagbayà ta kandin hu daan ha kinaiya ku ha makasasalà.

Roma 8:11

Ku didiyan en ta inyu sa Balaan ha Ispiritu ha sinugù hu Dios ha migbanhaw ki Cristo Jesus, bisan pa ku matay kaw ba pinaagi kandin mabanhaw kaw gihapun.

Roma 8:14

Sa alan ha tagbayaan hu Balaan ha Ispiritu iyan gayed mga batà hu Dios.

Roma 8:2

Ta sa Balaan ha Ispiritu mig-ila en kanuy hu bag-u ha kinabuhì pinaagi hu pagpakigsabuwa taw ki Cristo Jesus aman nalibri kuy hu pagkaulipen taw hu salà ha iyan igsiluti ngaay kanuy hu hurà din katapusan.

Roma 8:34

Sin-u man sa makahukum pa kanuy hu silut? Hurà gayed ta si Cristo Jesus migpakamatay para kanuy ba nabanhaw dà daw duun en iman tagpinuu hu kawanan hu Dios ta iyan agpangatubang diyà ta kandin hu pag-ampù para kanuy.

Roma 8:4

ta daw mahimu taw sa pagtuman hu Kasuguan ta inendaan taw en sa makasasalà ha kinaiya taw daw sa tagtumanen taw iman iyan en sa agkabayaan hu Balaan ha Ispiritu.

Roma 8:9

Ba kenà kaw en iman ulipen hu makasasalà ha kinaiya nuy ta sa tagbayà inyu iyan en sa Balaan ha Ispiritu ha didiyan en ta inyu. Sa etaw ha hurà ulini hu Balaan ha Ispiritu ha sinugù hi Cristo kenà din sakup.

1 Corinto 1:30

Iman pinaagi hu Dios nasabuwa kuy ki Cristo Jesus, aman tumenged kandin amin taw kaalam daw inisip kuy hu Dios ha matareng daw mahimpit ha mga etaw din ha nalibri duun hu mga salà taw.

1 Corinto 15:22

Tumenged ta mga kaliwatan kuy ki Adan alan kuy mangamatay, ba pinaagi daan hu pagpakigsabuwa taw ki Cristo alan kuy gayed mangabanhaw.

2 Corinto 12:2

Amin ku natun-an ha tumutuu ki Cristo saena sampulù en daw haepat ha tuig ha inuwit duun hu banuwa hu Dios diyà ta langit. Hurà ku katun-i ku iyan en ba sa lawa din daw ku bà din dà ba haena damugu ta iyan dà sa Dios nakatuen taena. Iyan dà natun-an ku ha saini ha etaw nakaduun hu madagway ha banuwa hu Dios.

2 Corinto 5:17

Aman sa etaw ha nakigsabuwa ki Cristo bag-u en ha etaw ta sa daan ha pamatasan din nailisan en hu bag-u.

Galacia 3:13

Ba natun-an taw en ha hurà gayed makatuman hu alan ha Kasuguan. Ba bisan ku masupak taw sa Kasuguan linibri kuy hi Cristo ta iyan en haena sinilutan para kanuy pinaagi hu kamatayen din duun hu krus, ta sa insulat ha lalang hu Dios tagyanaen, “Sa etaw ha aghimatayan daw igbitay duun hu kayu sinilutan hu Dios.”

Galacia 3:26

Pinaagi hu pagtuu nuy ki Cristo Jesus nabuhat kaw ha mga batà hu Dios.

Galacia 3:28

Iman hurà en kalainan hu mga Judio daw hu kenà mga Judio, sa mga ulipen daw sa kenà, sa mga maama daw sa mga bahi, tumenged ta sabuwa kaw dà pinaagi hu pagpakigsabuwa nuy ki Cristo Jesus.

Galacia 5:16

Iyan haini ag-ikagiyen ku ha iyan nuy ipagbayà sa Balaan ha Ispiritu duun hu kinabuhì nuy daw harì nuy agtumana sa kabayà hu makasasalà ha kinaiya nuy.

Galacia 5:25

Tumenged ta amin taw bag-u ha kinabuhì pinaagi hu Balaan ha Ispiritu, kinahanglan ha sa Balaan ha Ispiritu iyan gayed magbayà kanuy.

Efeso 1:1

Iyan a si Pablo sa pinilì hu Dios ha apustul hi Cristo Jesus sa migsulat taini. Sinulatan ku inyu sa mga etaw hu Dios diyan ta Efeso ha mga matinumanen ki Cristo Jesus.

Filipos 3:9

daw makigsabuwa a diyà ta kandin. Inisip a iman hu Dios ha matareng kenà tumenged hu pagtuman ku hu Kasuguan ba tumenged hu pagtuu ku ki Cristo. Saini ha pagkamatareng duun gayed napuun hu Dios pinaagi hu pagtuu.