Roma 7:25 - Lalang Hu Dios

²⁵ Iman adagi gayed sa pagpasalamat ku duun hu Dios ta pinaagi ki Cristo Jesus ha Ginuu taw nalibri a. Aman duun hu henà-henà ku agtumanen ku gayed sa Dios, ba sa makasasalà ha kinaiya ku iyan hinengdan ha pakasalà a pa.

Roma 7:25 ပူးပေါင်းရင်းမြစ်များ

Mateo 1:21

Saena ku ibatà asem maama gayed daw sa ingaran nu duun iyan si Jesus ta sa mga etaw ha agsunud kandin aglibriyen din duun hu mga salà dan.”

Roma 6:14

Kenà en iman iyan tagbayà inyu sa salà ta sa grasya hu Dios iyan nuy tagsaligan kenà en iyan sa pagtuman hu Kasuguan.

Roma 6:17

Iman tagpasalamat a gayed hu Dios ta sinyu sa mga ulipen hu salà su anay migmatinumanen kaw en hu kamatuuran ha intudlù day inyu

Roma 8:2

Ta sa Balaan ha Ispiritu mig-ila en kanuy hu bag-u ha kinabuhì pinaagi hu pagpakigsabuwa taw ki Cristo Jesus aman nalibri kuy hu pagkaulipen taw hu salà ha iyan igsiluti ngaay kanuy hu hurà din katapusan.

1 Corinto 15:57

Ba adagi gayed sa pagpasalamat taw duun hu Dios ta sigi kuy dà agpakadaeg pinaagi ki Cristo Jesus ha Ginuu taw.

2 Corinto 9:15

Pasalamatan taw gayed sa Dios tumenged hu pag-ila din kanuy hu Batà din ha tungkay gayed palanggà.

Efeso 5:20

Sigi kaw magpasalamat duun hu Dios ha Amay taw mahitenged hu alan ha mga agkaul-ulahan nuy tumenged ta mga sumusunud kaw ki Cristo Jesus ha Ginuu taw.

Filipos 3:3

Ba iyan kuy laus ha batà hu Dios ta sinimba taw sa Dios pinaagi hu Balaan ha Ispiritu ha sinugù din daw igkalipay taw iman sa pagpakigsabuwa taw ki Cristo Jesus. Kenà taw iyan sinaligan sa kalibutanen ha mga tulumanen

Filipos 4:6

Harì kaw agkabuges hu bisan inu ba mag-ampù kaw duun hu Dios mahitenged hu alan ha kinahanglanen nuy duma hu pagpasalamat.

Colosas 3:17

Bisan inu sa ag-ikagiyen daw sa agbuhaten nuy buhata haena tumenged ki Jesus ha Ginuu daw pasalamatan nuy daan sa Dios ha Amay taw pinaagi kandin.

1 Pedro 2:5

Iling kaw daan hu mga batu ha inilahan hu kinabuhì ha aggamiten hu Dios hu pagbuhat hu balay din ta daw iyan kaw himpit ha sinaligan din daw pinaagi ki Cristo Jesus taghalad kaw hu kaugalingen nuy duun hu Dios ha iyan agkabayà-bayaan din.

1 Pedro 2:9

Ba sinyu iyan kaw iman hinimu hu Dios ha tumutuu daw mga sinaligan ha tag-alagad hu Harì daw mga etaw kaw kandin ha mahimpit gayed ta daw madayè nuy sa Dios pinaagi hu pagpanunultul nuy taena ha belenganen ha binuhat din, ta iyan migpaguwà inyu duun hu kasukileman payanaen duun hu kapawaan diyà ta kandin.