Roma 3:4 - Lalang Hu Dios

⁴ Bisan pa ku sa alan ha etaw mga biduen ba sa tag-ikagiyen hu Dios laus gayed ta sa insulat ha lalang din tagyanaen, “Pinaagi hu pag-ikagi nu agkatun-an ha hurà nu salà, ta duun hu bisan inu ha ighukumi ikaw pakadaeg ka gayed.”

Roma 3:4 ပူးပေါင်းရင်းမြစ်များ

Mateo 11:19

Siak sa Batà hu Etaw sa harì tagsalang hu pagkaen daw pag-inum kagi nuy paman, ‘Ahà kaw tayana ha agapan daw beleng-beleng, sa mga amigu din mga limbungan ha manunukut hu buhis daw mga masinupaken.’ Ba pinaagi hu maayad ha bunga hu mga buhat day napamatud-an ha hustu gayed sa mga paagi hu Dios.”

Lucas 20:16

Elegan din gayed sidan daw panhimatayi daan dayun su parasan paalimahan din hu lain ha mga sinaligan.” Su mapaliman haena hu mga etaw minikagi sidan, “Harì ngaay hayana mahitabù.”

Juan 3:33

Ba bisan sin-u sa agdawat taena makatuen gayed ha kamatuuran sa lalang hu Dios.

Roma 11:1

Harì kaw taghenà-henà ha isalikway en hu Dios sa alan ha mga Judio, ta siak kaliwat a daan hi Israel tumenged ta iyan gin-apuan ku si Abraham daw iyan kapuun ku si Benjamin.

Roma 11:11

Ku sa kadakelà hu mga Judio hurà gayed tuu isalikway en ba gayed sidan hu Dios duun hu hurà din katapusan? Harì daan ta pinaagi hu pagpamalibad dan iyan iman paagi ha maluwas sa kenà mga Judio ta daw madasig daan sa mga Judio dayun pinaagi taena tumuu daan sidan.

Roma 3:31

Tagpasabut ba haini ha hurà en pulus hu Kasuguan tumenged hu pagtuu? Harì gayed ta pinaagi hu pagtuu agkatuman taw sa Kasuguan.

Roma 6:15

Ku kenà en kinahanglan ha tumanen pa sa Kasuguan tumenged hu pagsalig taw hu grasya hu Dios, dayunen taw pa ba diay gihapun sa pagbuhat hu madaet? Harì gayed

Roma 7:13

Saini tagpasabut ba ha masilutan a pinaagi taena ha maayad? Harì daan. Ba sa hinengdan ha agsilutan a iyan sa nasupak ku sa Kasuguan tumenged hu salà dini ta kanak, ta sa Kasuguan iyan migpadayag ku inu gayed kadaet sa salà daw pinaagi hu pagpakatuen ku hu Kasuguan bà dà mig-iseg sa kabayà ku hu pagbuhat hu salà.

Roma 7:7

Ku iyan haini isipen taw en ba diay ha madaet sa Kasuguan? Harì daan ta ku kenà pa ngaay iyan sa Kasuguan harì ku gan matun-an ku inu sa salà. Ku hurà pa mag-ikagi sa Kasuguan ha harì kuy maayat harì ku ngaay matun-an ha madaet man diay sa kaayat.

Roma 9:14

Ba saini harì tagpasabut ha kenà matareng sa Dios mahitenged taena,

1 Corinto 6:15

Hurà nuy ba diay katun-i ha sa lawa nuy bahin man hu lawa hi Cristo? Mabaluy ba diay ha sa duma ha bahin hu lawa hi Cristo iamul duun hu makasasalà ha bahi? Harì gayed.

2 Corinto 1:18

Iling ha kasaligan sa Dios sa mga lalang ku kenà gayed bidù.

Galacia 2:17

“Iman agkabayaan taw ha maisip kuy ha matareng pinaagi hu pagpakigsabuwa taw ki Cristo. Ku pinaagi taena masusi ha makasasalà kuy pa tagpasabut ba diay haini ha pinaagi ki Cristo nabuhat kuy ha makasasalà? Kenà gayed.

Galacia 2:21

Kinahanglan gayed ha dawaten ku sa grasya hu Dios ta ku pinaagi pa ngaay hu pagtuman hu Kasuguan ha isipen sa etaw ha matareng, hurà pulus hu kamatayen hi Cristo.”

Galacia 6:14

Siak iyan dà gayed tigpasigalbu ku sa kamatayen hi Cristo Jesus ha Ginuu taw duun hu krus, ta pinaagi taena kenà ad en iman ulipen hu kabayà ku hu mga kalibutanen ta harì kud en haena agkabayaan.

1 Timoteo 3:16

Laus gayed ha labaw pa hu alan sa kamatuuran ha impadayag dini ta kanuy daw iyan tagtuuwan taw. Si Cristo Jesus migpakaetaw daw saini pigtistigusan hu Balaan ha Ispiritu ha matareng. Nakilala daan hu mga balinsuguen hu Dios daw luminigtu diyà ta langit hu pagharì. Intultul daan duun hu alan ha kaet-etawan daw tinuuwan dini ta tibuuk kalibutan.

Tito 1:2

daw mahinam dan daan sa kinabuhì ha hurà din katapusan ha insaad kanuy hu Dios su hurà pa tanghagaa sa kalibutan. Sa Dios ha Manluluwas taw harì gayed tagbidù, aman duun hu natugun ha panahun impadayag din haena pinaagi hu pagpanunultul ku hu lalang ha insalig din kanak.

Hebreo 6:18

Sa Dios harì tagbidù ta sa insaad din daw sa impanumpà din agkasaligan gayed. Aman sikuy sa uminabut diyà ta kandin nadasig hu pagsalap taena ha insaad din kanuy.

1 Juan 5:10

Saena ha tuminuu gayed ki Jesus ha Batà hu Dios nakatuen ha laus gayed haini, ba sa etaw ha hurà tuu hu inikagi hu Dios mahitenged hu Batà din hinimu din sa Dios ha biduen.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.

Impadayag 3:7

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Filadelfia, ‘Iyan a sa kasaligan ha pinilì hu Dios. In-ila kanak sa kagahem hu pagharì iling hu kagahem hi David su anay. Ku amin etaw ha ipaseled ku duun hu tagharian ku hurà bisan sin-u ha makabaldeng taena, daw sa sirahan ku harì daan mapuwaan hu bisan sin-u. Taini sa mga lalang ku inyu.