Roma 16:23 - Lalang Hu Dios

²³ Agpangamusta inyu si Gayo. Duun a iman tagtimà hu balay din daw duun daan tag-amul-amul sa mga tumutuu. Agpangamusta daan si Erasto ha iyan sinaligan hu pag-ibit hu salapì taini ha banuwa daw si Cuarto sa suled taw hu pagtuu.

Roma 16:23 ပူးပေါင်းရင်းမြစ်များ

Mga Buhat 19:22

Impauna din diyà ta prubinsya ta Macedonia sa daruwa ha sinaligan din ha iyan si Timoteo daw si Erasto ta si Pablo diyà pa hu kandin ta prubinsya ta Asia.

Mga Buhat 19:29

Aman amin kagubut ha nakalekep taena ha banuwa. Dayun migdengan sidan hu pagdakep ki Gayo daw ki Aristarco sa taga-Macedonia ha mga duma hi Pablo hu paghipanaw din daw pinangguyud dan sidan duun hu tigumanan.

Mga Buhat 20:4

Dayun duminuma kandin si Sopater ha taga-Berea sa batà hi Piro, si Aristarco daw si Segundo sa mga taga-Tesalonica, si Gayo ha taga-Derbe daw si Timoteo, si Tiquico daw si Trofimo sa mga taga-Asia.

Roma 16:24

Panalanginan kaw hi Cristo Jesus ha Ginuu taw.

1 Corinto 1:14

Tagpasalamat a gayed ta daruwa dà sa nabautismuwan ku diyan ta inyu ha iyan si Crispo daw si Gayo

2 Timoteo 4:20

Si Erasto diyà dà ta Corinto. Si Trofimo agkadaluwan aman intabun ku diyà ta Mileto.