Roma 16:12 - Lalang Hu Dios

¹² Ipangamusta a ki Trifena daw ki Trifosa sa tagtrabahu duun hu buluhaten hu Ginuu. Ipangamusta a daan ki Persida sa pinalanggà ku ha suled ha naniguru daan duun hu buluhaten hu Ginuu.

Roma 16:12 ပူးပေါင်းရင်းမြစ်များ

Mateo 5:47

Daw ku iyan dà pagsimahen nuy sa daan nuy en amigu inu man sa igkadayè inyu? Ta bisan sa mga etaw ha hurà makakilala hu Dios tagbuhaten dan daan haena.

Mateo 9:38

Aman humangyù kaw duun hu Dios ha suguen din sa mamanlegtay taini ha uma din.”

Roma 16:11

Ipangamusta a ki Herodion sa kadumahan ku ha Judio. Ipangamusta a daan hu mga tumutuu duun hu pamilya hi Narciso.

Roma 16:13

Ipangamusta a ki Rufo sa maayad ha suluguen hu Ginuu daw ki Inay din sa mig-isip kanak ha laus din en ha batà.

1 Corinto 15:10

Ba pinaagi hu grasya hu Dios nabuhat a ha apustul daw sa grasya ha in-ila din kanak amin din gayed pulus. Ta bisan pa iman labaw sa nabuhat ku dì hu duma, ba kenà a iyan migbuhat taena ta pinaagi dà hu grasya hu Dios kanak.

1 Corinto 15:58

Aman pinalanggà ku ha mga suled, harì kaw gayed magduwa-duwa ba lig-eni sa pagtuu nuy. Sigi nuy paniguruwi sa buluhaten hu Ginuu ta natun-an nuy en ha amin gayed bunga duun.

1 Corinto 16:16

Aman aghangyuen ku gayed inyu ha magmatinumanen kaw kandan daw hu bisan sin-u ha tagbulig daan duun hu buluhaten hu Dios.

Colosas 1:29

Iyan haini hinengdan ha agpaniguru a gayed pinaagi hu gahem ha in-ila hi Cristo ha iyan tagbulig kanak.

Colosas 4:12

Agpangamusta daan inyu si Epafras ha tagadiyan daan ta inyu daw suluguen hi Cristo Jesus. Saini agpaniguru tag-ampù ha gumulang sa pagtuu nuy daw matun-an nuy gayed sa agkabayaan hu Dios mahitenged inyu.

1 Timoteo 4:10

Iman agpaniguru ki gayed bisan ku amin mga alantusen, ta iyan ta taghinamen sa Dios ha iyan bubuhay daw Manluluwas hu kaet-etawan ha tumuu kandin.