Roma 13:8 - Lalang Hu Dios

⁸ Bayari nuy sa utang nuy ta daw harì nuy en haena mahenhenaan, ba sa pagpinalanggaay harì nuy gayed aglipati ta sa tagpalanggà hu duma din nakatuman hu Kasuguan.

Roma 13:8 ပူးပေါင်းရင်းမြစ်များ

Mateo 7:12

“Ku inu sa agkabayaan nuy ha buhaten diyan ta inyu hu mga duma nuy iyan daan haena buhaten nuy diyà ta kandan, ta iyan haena Kasuguan daw lalang hu Dios pinaagi hu mga prupita.

Juan 13:34

“Amin ku bag-u ha kasuguan inyu ha iyan sa magpinalanggaay kaw. Iling hu kanak ha pagpalanggà inyu kinahanglan ha magpinalanggaay kaw daan.

Roma 13:10

Sa amin din pagpalanggà harì tagpasipala hu duma din, aman sa pagpalanggà iyan igkatuman hu alan ha Kasuguan.

Roma 13:7

Bayaran nuy gayed sa angayan ha agbayaran labi en sa buhis, daw tahuri daan haena sa angayan ha agtahuran.

Galacia 5:14

Sa alan ha Kasuguan matuman gayed pinaagi hu sabuwa ha sugù ha tagyanaen, “Palanggaa sa mga duma nuy iling hu pagpalanggà nuy hu kaugalingen nuy.”

Colosas 3:14

Labaw hu alan magpinalanggaay kaw ta pinaagi taini makagsabuwa kaw gayed.

1 Timoteo 1:5

Sa hinengdan ha tag-ikagiyen ku haini iyan sa madasig sidan hu pagpinalanggaay. Ba daw dà sidan makagpinalanggaay ku mahimpit sidan daw hurà salà ha makasamuk hu henà-henà dan daw ku amin dan daan laus ha pagtuu.

Santiago 2:8

Ku tumanen nuy sa insulat ha lalang hu Dios ha tagyanaen, “Palanggaa sa duma nuy iling hu pagpalanggà nuy hu kaugalingen nuy” saena maayad gayed.

1 Juan 3:10

Iyan haini timaan ku sin-u sa batà hu Dios daw ku sin-u daan sa sakup hi Satanas ta bisan sin-u sa tagbuhat hu matareng daw tagpalanggà hu mga duma din iyan gayed haena batà hu Dios.